Læknablaðið - 15.09.1999, Síða 103

LÆKNABLAÐIÐ 1999; 85
757
Fimmta norræna ráðstefnan
um ofvirkni
Fimmta norræna ráðstefnan um ofvirkni verður haldin dagana 7.-9. október næstkomandi.
Ráðstefnan er haldin þriðja hvert ár og nú er röðin komin að íslandi. Það er samnorræn
nefnd sem stendur fyrir ráðstefnunni, í samvinnu við barna- og unglingageðdeild Landspít-
alans, en ráðstefnur þessar hafa verið haldnar frá 1987.
Á ráðstefnunni verðurfjallað um ofvirkni og nýjustu rannsóknir þess efnis kynntar.
í tengslum við ráðstefnuna verður haldin forráðstefna sérstaklega ætluð læknum, sál-
fræðingum og öðru fagfólki sem áhuga hefur á þessu efni.
Forráðstefnan verður haldin á Hótel Loftleiðum 7. október næstkomandi.
Dagskrá ráðstefnunnar:
13:00-14:15 Prófessor Joseph Biederman USA: Current Concepts on the Neurobiology
ofADHD
14:15-15:45 Prófessor Lily Hectman Kanada: Predictors of outcome inADHD
16:05-17:20 Motor problems in „pure“ ADHD- Current concepts
Skráning fer fram hjá Málfríði Lorange barna- og unglingageðdeild Landspítalans (fridalor
@ rsp.is) eða hjá Matthíasi Kristiansen formanni foreldrafélags misþroska barna (mattkri
@simnet.is). Hægt er að nálgast dagskrá þingsins á heimasíðu Úrvals-Útsýnar http://www.
uu.is conference service. Verð á forráðstefnuna er kr. 5.000 en ráðstefnugjaldið í heild kr.
30.000.
Þau sem áhuga hafa að sækja ráðstefnuna eru hvött til að gera það sem fyrst vegna tak-
markaðs framboðs.
Námskeið í stoðkerfisfræði
(ortópedískri medisín)
að Reykjalundi dagana 23.-25. október 1999
Hálshryggur
Námskeið í ortópedískri medisín verður haldið að Reykjalundi dagana 23.-25. október
1999. Er þetta þriðja í röð fjögurra slíkra námskeiða. Aðalkennari verður sem fyrr Bernt Ers-
son læknir frá Gávle. Farið er í líffærafræði og líftækni, en aðaláhersla lögð á meðferð. Á
þessu námskeiði verður farið í greiningu og meðferð vandamála í hálshrygg og verður
stuðst við bók Bernts Erssons, sem verður seld á niðursettu verði á námskeiðinu.
Kennt verður á sænsku eða ensku eftir þörfum. Námskeiðin eru ætluð læknum og sjúkra-
þjálfurum en fjöldi þátttakenda verður takmarkaður og gert ráð fyrir að þeir sem fyrstir sækja
um gangi fyrir.
Lokanámskeið er síðan fyrirhugað um útlimi, væntanlega á næsta ári.
Dagana 28.-30. október verður síðan á Reykjalundi haldið framhaldsnámskeið í manipula-
tion fyrir þá sem hafa sótt tvö eða fleiri grunnnámskeið og fyrra námskeiðið í handfjöllun
(manipulation).
Upplýsingar og skráning á námskeiðin hjá Magnúsi Ólasyni, lækni á Reykjalundi (s. 566
6200, (netfang: magnuso@reykjalundur.is) og Oskari Reykdalssyni, lækni á heilsugæslu-
stöðinni á Selfossi (s. 482 1300).