Sagnir - 01.04.1985, Qupperneq 75

EF UNGIR MENN...
Jón íhugi möguleikann á því að
Englendingar tækju að sér varnir
landsins (Forsvar mætti einnig þýða
sem málsvörn en ég held að það
eigi tæpast við hér). Þetta sýnir tals-
vert traust Jóns og hrifningu á Eng-
lendingum og hann er reiðubúinn
að greiða þeim laun fyrir varðstöð-
una. Sennilegast er Jón að meina
að ef Danir selji „okkur Frökkum“
gætum ,,við“ leitað til Englendinga
sem hugsanlega kæmu „okkur" til
hjálpar vegna þess að frönsk ný-
lenda á íslandi væri þeim of mikil
ógnun. Jón gerir sér Ijósa grein fyrir
mikilvægi íslands í valdatafli stór-
veldanna í Evrópu og vill vera
bandamaður Englendinga.
Hann er fyrir löngu hættur að
hugsa um innlent skotvarnarlið. Um
það talar hann raunar ekki eftir 1858
en það gefur vísbendingu um að
honum hafi aldrei verið nein alvara
enda framkvæmdi hann aldrei neitt í
því máli.
Niðurlag
Eftirfarandi atriði má lesa úr
skrifum Jóns Sigurðssonar um
landvarnirog hermál:
1) Árið 1841 segir hann að Dan-
mörk geti ekki veitt íslandi vernd ef
til ófriðar kæmi í Evrópu. Þess
vegna ma. er nauðsyn á fulltrúa-
þingi í landinu, sem sæi þá um land-
varnir. Varnarleysið notar hann í
pólitískum tilgangi.
2) Árið 1843 er á honum að skilja
að það sé töluvert hnignunarmerki
að ekki skuli vera á íslandi vopnum
búin hreystimenni og hvetur unga
menn til að stofna skotvarnarlið.
Mundi það lífga þjóðarandann og
hug manna. Þá ræðir hann einnig
um hentugt fyrirkomulag varna.
3) Um þetta leyti hefur Jón tals-
verðar áhyggjur af því að lands-
^enn eru gersamlega óvarðir fyrir
árásum, ránum og skemmdarverk-
um útlendinga við strendur lands-
ins.
4) Árið 1857 og 1858 kemur fram
Herstöðvaandstæðingar gerðu þetta plakat árið 1979.
SAGNIR 73