Dagblaðið Vísir - DV - 10.08.2007, Qupperneq 4

föstudagur 10. ágúst 20074 Fréttir DV
InnlendarFréttIr
ritstjorn@dv.is
Aron Pálmi Ágústsson snýr aftur til Íslands að morgni 26. ágúst. Hann segir að
draumurinn sé að rætast enda hafi hann beðið í tíu ár eftir þessum tímapunkti. Hann
langar að setjast að í Kópavogi þar sem frænka hans Valgerður Hermannsdóttir býr.
Hann segir að hann muni hafa nóg fyrir stafni þegar heim verður komið því hann
stefnir á útgáfu ævisögu sinnar fyrir jólin.
MARTRÖÐIN SENN Á ENDA
„Draumurinn er að rætast enda er
ég búinn að bíða eftir þessu í tíu ár,“
segir Aron Pálmi Ágústsson. Eftir
að hafa setið í tíu ár í betrunarvist í
Texas í Bandaríkjunum kemur Aron
Pálmi til landsins að morgni sunnu-
dagsins 26. ágúst næstkomandi.
Aron var dæmdur til tíu ára betr-
unarvistar árið 1997 þegar hann var
13 ára gamall. Aroni var gert að sök að
hafa sýnt barni refsiverða kynferðis-
lega tilburði. Honum var gert að sitja í
unglingafangelsi fyrstu fimm árin. Frá
árinu 2002 hefur hann verið í stofu-
fangelsi þar sem hann hefur þurft að
bera ökklaband þar sem fylgst er með
hverju skrefi hans. Hann óraði ekki
fyrir þeim örlögum sem hans biðu
en tíu árum síðar er hann enn í stofu-
fangelsi en mun losna úr prísundinni
í næstu viku, 17.ágúst.
Vill læra móðurmálið
Aron segir að hann muni hafa
nóg fyrir stafni þegar hann kemur
til Íslands. Hann segist þó ætla að
byrja á að bæta íslenskukunnáttu
sína. „Það verður nóg að gera hjá
mér þegar ég kem. Ég ætla mér að ná
fullkomnu valdi á íslenskunni og ég
mun fara á námskeið til þess, enda
er íslenskan mitt móðurmál.“ Eftir
tíu ára betrunarvist í Bandaríkjunum
segir Aron að hann þurfi að aðlagast
hinu eðlilega lífi á nýjan leik. Það
taki hann tíma að venjast frelsinu en
hann mun njóta góðrar aðstoðar frá
íslensku skyldfólki sínu og þeim sem
hafa aðstoðað hann í gegnum tíðina,
RJF-hópnum. „Ég á stóra fjölskyldu á
Íslandi sem hefur hjálpað mér mikið
og það verður gott að fá að komast
til allra þeirra sem hafa stutt mig í
gegnum öll þessi ár.“
Gefur út ævisöguna
Aron hefur unnið hörðum hönd-
um að ævisögu sinni sem hann stefnir
á að senda frá sér fyrir jólin. Hann seg-
ir að bókin sé nánast tilbúin en ennþá
eigi eftir að finna útgefanda. „Í bók-
inni mun ég loksins geta lýst þessum
síðustu tíu árum ævi minnar og tjáð
tilfinningar mínar. Mér finnst ég aldrei
hafa getað gert það af alvöru fyrr en
fyrst núna. Það er verið að þýða hana
yfir á íslensku um þessar mundir.“
Sest að á Íslandi
Aron fæddist í Reykjavík 14. júlí
árið 1983 og varð hann því 24 ára
gamall fyrr í sumar. Tveimur árum
eftir að hann fæddist fluttist Aron til
Bandaríkjanna ásamt móður sinni
Huldu Hermannsdóttur og stjúp-
föður sínum Dean Tomas. Aron hef-
ur því í raun aldrei búið á Íslandi ef
frá eru talin fyrstu tvö ár ævi sinnar.
Þrátt fyrir það segir Aron að Ísland
sé hans föðurland og segir hann
að ekki komi annað til greina en að
setjast að á Íslandi. „Ég er glaður yfir
því að geta loksins sest að á Íslandi.
Ég hef verið að leita að íbúð og hef
ég til dæmis skoðað íbúðir í Kópa-
vogi. Frænka mín Valgerður Her-
mannsdóttir býr þar og mig lang-
ar til að vera nálægt henni fyrst um
sinn að minnsta kosti. Ég þarf samt
að fá mér vinnu og spara pening
áður en ég get keypt íbúð.“
Vill aðstoða stjórnvöld
Aron segir að þegar hann sest að
á íslandi vilji hann vinna að mark-
miðum sínum. Hann segir að ís-
lensk stjórnvöld gætu tekið að sér
leiðtogahlutverk í baráttunni gegn
unglingafangelsum. „Ég væri til í
að vera málsvari nefndar sem skoð-
ar unglingafangelsi víða um heim.
Markmið mitt er að beita mér í þess-
ari baráttu og aðstoða ungt fólk sem
hefur lent í svipuðum aðstæðum og
ég.“
Aron hefur lagt stund á hegð-
unarsálfræði sem hann stefnir á að
klára þegar hann kemur til Íslands.
„Ég þarf fyrst að ná betri tökum á
íslenskunni. Það gæti farið svo að
ég fari í háskóla þar næsta vetur og
haldi námi mínu áfram. Mig langar
að vinna með ungu fólki og ég tel að
nám í hegðunarsálfræði muni koma
að góðum notum í framtíðinni.“
„Það verður nóg að
gera hjá mér þegar ég
kem. ég ætla mér að
ná fullkomnu valdi á
íslenskunni og ég mun
fara á námskeið til
þess, enda er íslenskan
mitt móðurmál.“
EinAr Þór SiGurðSSon
blaðamaður skrifar einar@dv.is
Aron Pálmi
Ágústsson aron
Pálmi hefur dvalið í
þessu húsi
undanfarin fimm
ár. Þar á undan var
hann í unglinga-
fangelsi í fimm ár.
Martröðin er senn
á enda en hann
kemur heim eftir
rúmar tvær vikur.
„Þeir hjóluðu vinirnir, sem allir eru
13 ára, í Hagkaup í Skeifunni til þess
að kaupa sér nammi. Þegar þeir komu
að hjólunum sínum var búið að kasta
þeim út og lágu þau öll í hrúgu fyrir
utan verslunina. Það stórsér á hjólun-
um sem öll eru glæný,“ segir Valgerð-
ur Shamsudin, móðir tvíburanna El-
íasar og Jónasar. Þeir voru á ferð ásamt
tveimur vinum sínum, Alexi Viktori og
Guðmundi.
Þetta gerðist síðastliðinn fimmtudag
og hefur Valgerður unnið að því síðan
þá að fá hjólin bætt. „Hjólin kostuðu öll
í kringum fimmtíu þúsund krónur og
því höfum við foreldrarnir beðið strák-
ana um að passa vel upp á hjólin. Þeir
þorðu því ekki öðru en að geyma hjólin
inn í anddyri verslunarinnar.“
Valgerður segist hafa farið sam-
dægurs með hjólin á verkstæði til að
láta meta skemmdirnar og kom þá í
ljós að dýrara er að sprauta hjólin en
að kaupa þau ný.
„Ég hringdi í Gunnar Inga
Sigurðsson, framkvæmdastjóra
Hagkaupa, útskýrði fyrir honum
málsatvik og krafðist þess að fá hjólin
bætt. Gunnar brást ekki vel við þeirri
kröfu og var hinn dónalegasti,“ segir
Valgerður en bannað er að geyma hjól
í anddyri verslunarinnar. „Strákarnir
vissu ekki að þeir mættu ekki geyma
hjólin þarna. Það stendur hvergi.
En burtséð frá því hefði verið réttast
að kalla strákana upp í kallkerfi
verslunarinnar og einfaldlega biðja þá
um að fjarlæga hjólin,“ segir Valgerður.
Arndís Arnarsdóttir,
starfsmannafulltrúi Hagkaupa, hefur
aðra sögu að segja. „Það er ekki rétt að
hjólunum hafi verið kastað út. Þetta er
ekki í fyrsta skipti sem þessir strákar
geyma hjólin í anddyri verslunarinnar.
Nokkrum dögum áður en umræddur
atburður átti sér stað höfðu strákarnir
lagt hjólunum upp við matarkörfur
verslunarinnar. Þá var talað við þá
augliti til auglitis og þeim gert ljóst
að þetta væri ekki hjólageymsla. Þá
voru þeir varaðir við að ef þetta kæmi
aftur fyrir yrðu hjólin fjarlægð.“ Arndís
ítrekar að hjólin hafi verið borin
út og segir ekkert benda til þess að
starfsmaður Hagkaupa beri ábyrgð á
skemmdunum.
Hjól unglingspilta skemmd eftir búðarferð:
Móðir krefur búð um skaðabætur
Með hjólin sín
Jónas, alex Viktor og
Elías. á myndina
vantar guðmund.
Hefur ekki
skoðað málið
Guðlaugur Þór Þórðar-
son heilbrigðisráðherra segist
ekki hafa skoðað það hvort til
greina komi að augnlæknar fái
að framkvæma aðgerðir vegna
skýs á augasteini á læknastofum
sínum. Í helgarblaði DV um síð-
ustu helgi var rætt við Jóhannes
Kára Kristinsson augnlækni sem
segir að kvillinn sé eitt stærsta
heilbrigðisvandamál Íslendinga.
Matthías Halldórsson landlækn-
ir sagði í gær að hann sæi ekkert
því til fyrirstöðu að augnlæknar
fengju að framkvæma auga-
steinsaðgerðir.
Veggjakrot í
Grafarvogi
„Það má segja að hér í Grafar-
voginum ríki veggjakrotsfarald-
ur,“ segir Helgi Árnason, skóla-
stjóri í Rimaskóla. Skólinn hefur
orðið illa fyrir barðinu á veggja-
kroturum, sem og aðrar eignir
almennings í Grafarvogi.
Einar treystir sér ekki til þess
að leggja mat á kostnaðinn við
að fjarlægja ósómann. „Það er
framkvæmdasvið Reykjavíkur-
borgar sem sér um að fjarlægja
veggjakrot. Það er reynt að sjá til
þess að allt krot sé fjarlægt innan
tveggja daga,“ segir Helgi.
Þungt haldinn á
sjúkrahúsi
Rannsóknardeild umferðar-
deildar lögreglunnar á höfuð-
borgarsvæðinu rannsakar enn
tildrög þess að maður á sex-
tugsaldri fannst nær dauða en
lífi í Breiðholti fyrir viku. Talið
var að ekið hefði verið á hann
en merkja mátti bremsuför í
grenndinni þar sem maðurinn
lá. Eftir að manninum var kom-
ið undir læknishendur hand-
tók lögreglan og yfirheyrði fjóra
menn. Þeim var sleppt í kjölfar-
ið. Sá slasaði liggur enn nokkuð
þungt haldinn á sjúkrahúsi og
því hefur engin skýrsla verið tek-
in af honum.
Hafnardagar í
Þorlákshöfn
Bæjarhátíðin Hafnardag-
ar verður haldin í Þorlákshöfn
um helgina. Fjölbreytt dagskrá
verður í boði, meðal annars
þrjár ólíkar
sýningar sem
sérstaklega
eru settar upp
vegna hátíðar-
innar.
Að auki
verður dorg-
veiðikeppni,
handverks-
markaður, golfmót og krafta-
keppni. Þá munu bæjarbúar slá
upp dansleik og varðeldi. Hara-
systurnar ásamt Jónasi Sigurðs-
syni munu troða upp á föstudag
í ráðhúsi bæjarins. Á sunnudag
mun Jón Ólafsson síðan halda
tónleika.