Dagblaðið Vísir - DV - 10.08.2007, Side 16

Föstudagur 10. ágúst 200716 Helgarblað DV
ÞAU HURFU AF ALÞINGI Í VOR
Magnús Þór Hafsteinsson,
Frjálslynda flokknum
Vangaveltur á biðlaunum
„Ég er nú í hinu og þessu. Ég hef velt ýmsu fyrir sér
á meðan ég var á biðlaunum,“ segir Magnús sem vakti
athygli fyrir að skrifa úttekt um sjávarútveginn í nýj-
asta tölublaði Mannlífs. Hann segir það jafnvel koma til
greina að koma meira að fjölmiðlum þó svo að tilviljun
hafi ráðið því að hann skrifaði umrædda grein. „Þetta er
ákveðinn millileikur, ég hef engan hug á því að hætta í
pólitík, sveitarstjórnarkosningar eru eftir þrjú ár og Al-
þingiskosningar eru eftir fjögur ár í síðasta lagi. Ég er
allavega ekki búinn að segja mitt síðasta í stjórnmálum.“
Tuttugu og fjögur hurfu af Al-
þingi í vor. Sum eru komin í verk-
efni. Önnur eru farin að leita að
nýrri vinnu. Þau hafa þó nægan
tíma til að ákveða sig enda á bið-
launum í minnst fjóra mánuði
eftir að þingsetu lauk.
Sigurjón Þórðarson, Frjálslynda flokknum
Fer í heilbrigðiseftirlit
Sigurjón er fluttur aftur norður á Sauðárkrók. 15.
september tekur hann við starfi framkvæmdastjóra
Heilbrigðiseftirlits Norðurlands vestra. „Ég sóttist eftir
því að halda áfram á þingi, en það er auðvitað gott að
koma norður aftur. Það er fátt betra en að vera hér.“
Guðjón Ólafur Jónsson, Framsóknarflokki
Aftur í lögfræðina
Guðjón Ólafur er kominn aftur í lögmannsstörf eftir
stuttan feril á Alþingi í bili. „Ég er farinn að sinna lög-
mannsstörfum á nýjan leik. Það er allt að fara í gang
núna, réttarhlé tekur enda núna í lok ágúst og ég er á
fullu að undirbúa það allt saman,“ segir hann. „Sumar-
ið hefur verið mjög gott, ég hef farið mér hægt og reynt
að hvíla mig vel eftir annasama tíma undanfarið.“ Að-
spurður hvað sé annað á döfinni segir hann: „Fiskidag-
urinn mikli á Dalvík er framundan, konan mín er frá
Dalvík og ég ætla að fara í fyrsta skipti.“
Hjálmar Árnason, Framsóknarflokki
Býr til nýjan skóla
„Ég er hamingjusamur maður að búa til skólasam-
félag hjá Keili á Keflavíkurflugvelli, ég er að breyta
draugaþorpi í lifandi þorp. Það er greinilega skemmti-
legt og gott líf eftir pólitík.“
Að undanförnu hefur Hjálmar þó notið blíðunnar á
landinu. „Það eru líkar nokkrir laxar í kistunni þannig
að það er mikil hamingja. Ég er mjög þakklátur og sátt-
ur við starfið í pólitíkinni en allt hefur sinn tíma. Ég hef
alltaf unnið í tíu ára lotum og nú taka ný verkefni við.“
Sólveig Pétursdóttir, Sjálfstæðisflokki
Afmælisár Jóns Sigurðssonar
„Ég hef notið þessa góða sumars hérna á Íslandi síð-
an ég lét af störfum. Annars verð ég formaður nefnd-
ar sem sér um að undirbúa afmælisár Jóns Sigurðsson-
ar og það er mjög spennandi verkefni sem fer af stað
bráðlega.“ Aðspurð hvernig henni lítist á að vera hætt
í stjórnmálum segir hún: „Það er ákveðin eftirsjá, póli-
tíkin hefur verið stór hluti af mínu lífi og verður það
áfram. Ég tel að þetta hafi verið mjög góður tími og ég
hef fengið tækifæri sem ég er þakklát fyrir.“
Drífa Hjartardóttir, Sjálfstæðisflokki
Komin í sveitina
„Ég er bara á fullu að sinna sveitastörfunum mínum,
þau taka mestan minn tíma í sumar,“ segir Drífa sem er
bóndi á Keldum á Rangárvöllum. „Sumarið er búið að
vera dásamlegt, það hefur verið mikil sól og við erum
að stækka fjósið hjá okkur, svo það er nóg framundan.
Ég er ekkert farin að hugsa meira um framtíðina, ég
ætla bara að njóta þess að vera í sveitinni í bili.“
Sigríður Anna Þórðardóttir, Sjálfstæðisflokki
Fær börnin í heimsókn
Sigríður Anna segist kveðja stjórnmálin sátt. Hún
hefur starfað á vettvangi þeirra í þrjátíu ár og segir það
ekki vera skrítið að vera hætt. „Ég er eins og er í sumar-
fríi, ég á börn sem búa erlendis og eru komin heim til
landsins þannig að það er nóg um að vera. Það var stór-
kostlega skemmtilegur tími sem ég átti á Alþingi og ég
er afskaplega ánægð með hann.“
Gunnar Örn Örlygsson, Sjálfstæðisflokki
Af þingi í feðraorlof
„Ég er bara í feðraorlofi, svo ljúft er það. Ég eignaðist
stelpu 1. febrúar þannig að það er eintóm sól og sæla í
rigningunni og logninu í Reykjanesbæ. Annars er það
framundan að fara í hluti tengda sjávarútvegi og ferða-
þjónustu. Það er nóg af verkefnum og það er engu að
kvíða í þeim efnum,“ segir Gunnar. Hann er veiðimaður
en hefur lítið farið í veiði í sumar. „Ég hef ekki landað
nógu mörgum löxum en ég reyni að bæta úr því.“ Hann
segir eftirsjána eftir þingsetu ekki vera mikla. „Það er jú
eftirsjá að samvinnu með góðu fólki,“ segir Gunnar sem
gæti tekið þátt í stjórnmálum af hliðarlínunni.
Dagný Jónsdóttir, Framsóknarflokki
Klárar íslenskuna
„Ég er að fara að vinna í því að klára námið mitt, ís-
lensku í Háskóla Íslands. Ég er bara á lokasprettinum
og vonast til að klára það sem fyrst,“ segir Dagný. Hún
hefur notið sumarblíðunnar síðan hún féll af Alþingi.
„Þetta hefur verið rosalega ljúft í sumar og ég hef verið
dugleg að ferðast um Ísland og hálendið. Það er ekk-
ert planað með framtíðina annað en að klára námið. Ég
ætla að taka mér allavega pásu í bili og ég er sátt við þá
ákvörðun sem ég tók. Ég féll ekki af þingi og það er alltaf
betra að hætta þannig.“