Sveitarstjórnarmál - 01.10.1993, Síða 36

SAMEINING SVEITARFÉLAGA
allra þeirra íbúa í sveitarfélaginu, sem fullnægðu kosn-
ingarréttarskilyrðum 1. september 1993 að viðbættum
nöfnum þeirra, sem dveljast annars staðar á Norður-
löndunum og eiga að hafa hér kosningarrétt, sbr. 2. mgr.
19. gr. laga nr. 8/1986.
Sveitarstjórn sér um að leiðrétta kjörskrárstofn eftir
því sem tilefni gefst til. Athygli er vakin á að viðmið-
unardagur kjörskrár er nú 1. september 1993. Sú breyt-
ing hefur þær afleiðingar að sveitarstjórnir þurfa að
gera tiltölulega fáar breytingar á þeim kjörskrárstofni
sem Hagstofan lætur þeim í té. Kjörskrárgerð mun því
ganga greiðar fyrir sig. Vegna þessara breytinga er þess
að vænta að kærutilefnum muni fækka. Kærumál, sem
upp geta komið, munu væntanlega einkum varða öflun
eða glötun ríkisfangs, lát manns, mistök við kjörskrár-
samningu (einstaklingur verið ranglega tekinn af henni
eða bætt við) eða að íslenskur ríkisborgari, er dvelur
erlendis og telur sig uppfylla skilyrði laganna um
kosningarrétt, hefur af einhverjum ástæðum ekki verið
færður á kjörskrá.
Kjörskrá skal rita á sérstök kjörskráreyðublöð, sem
Hagstofan lætur sveitarstjórnum í té eftir pöntun. A
kjörskrá skal skrá fullt nafn kjósanda, heimilisfang
(lögheimili) og kennitölu svo og þjóðerni, ef um nor-
rænan ríkisborgara er að ræða.
Þegar samningu kjörskrár er lokið, skal hún undirrit-
uð í samræmi við 2. mgr. 16. gr. laga nr. 80/1987, sbr.
lög nr. 10/1991, þ.e. af oddvita sveitarstjórnar eða
framkvæmdastjóra hennar.
Kjörskráin skal liggja frammi í 24 daga fyrir kjördag,
þ.e. frá 27. október 1993 til og með 20. nóvember 1993,
sbr. 1. mgr. 19. gr. laga nr. 80/1987, sbr. lög nr. 10/
1991. Áður en kjörskrá er lögð fram skal auglýsa hvar
það verður gert og á þann hátt á hverjum stað sem venja
er þar að birta opinberar auglýsingar, sbr. 2. mgr. 19. gr.
laga nr. 80/1987, sbr. lög nr. 10/1991.
Hver sem er getur kært til sveitarstjórnar að nafn eða
nöfn einhverra kjósenda vanti á kjörskrá eða þeim sé
þar ofaukið. Kærufrestur til sveitarstjórnar rennur út kl.
12 á hádegi 6. nóvember 1993.
Allar breytingar, sem gerðar eru eftir að kjörskráin
hefur verið lögð fram, skal fara með sem kjörskrár-
kærur og gilda þá ákvæði 20. og 21. gr. laga nr. 80/
1987, sbr. lög nr. 10/1991.
Þegar framlögð kjörskrá hefur verið leiðrétt í sam-
ræmi við kæruúrskurði, skal hún undirrituð af oddvita
sveitarstjórnar eða framkvæmdastjóra hennar. Eftir það
verður engin breyting gerð á kjörskránni nema sam-
kvæmt dómi, sbr. 2. mgr. 21. gr., sbr. og 24. gr. laga nr.
80/1987, sbr. lög nr. 10/1991.
Rétt þykir að benda á að kjörskrá sú, sem lögð er fram
24 dögum fyrir kjördag, má vera heildarkjörskrá við-
komandi sveitarfélags. Samkvæmt eðli máls hlýtur hins
vegar sú kjörskrá, sem kosið er eftir á kjördegi, að vera
sniðin eftir þörfum þeirrar kjördeildarskiptingar er
gildir í sveitarfélaginu. Um þetta er nánar fjallað í kafla
IV. 5.
IV. Um kjörskrárstofna
1. Á kjörskrárstofni eru:
a. Allir íslenskir ríkisborgarar, sem skráðir eru með
lögheimili í ákveðnu sveitarfélagi samkvæmt
íbúaskrá þjóðskrár 1. september 1993 og eru
fæddir 20. nóvember 1975 ogfyrr, sbr. 1. mgr.
19. gr. laga nr. 8/1986, sbr. og 1. gr. laga nr. 75/
1993.
b. Þeir íslenskir ríkisborgarar, sem flutt hafa lög-
heimili sitt til hinna Norðurlandanna samkvæmt
Norðurlandasamningi um almannaskráningu,
sbr. 2. mgr. 19. gr. laga nr. 8/1986.
c. Þeir danskir, finnskir, norskir og sœnskir rt'kis-
borgarar, sem lögheimili hafa átt á íslandi íþrjú
ár samfellt frá 1. desember 1989, enda séu þeir
fæddir 20. nóvember 1975 og fyrr, sbr. 3. mgr.
19. gr. laga nr. 8/1986.
Ætlast er til að kjörskrárstofninn verði fullgild kjör-
skrá þá er sveitarstjóm hefur leiðrétt hann og oddviti
sveitarstjórnar eða framkvæmdastjóri hennar hefur
undirritað hana.
Lengst til hægri á kjörskrárstofninum eru tveir dálk-
ar, þar sem setja skal x-merki þegar kjósandi neytir at-
kvæðisréttar á kjördegi. Öll x-merki við nöfn karla
skuli sett í dálkinn með fyrirsögninni „Ka“, en x-merki
við nöfn kvenna í dálkinn með fyrirsögninni „Ko“. Er
þetta til að auðvelda talningu karlkjósenda og
kvenkjósenda, en þeir skulu gerðir upp hvorir í sínu
lagi í skýrslu þeirri, sem Hagstofunni er látin í té um
atkvœðagreiðsluna. Sveitarstjórnir eiga að hafa fengið
í hendur eyðublöð undir þá skýrslu.
Aftan við kjörskrárstofn hvers sveitarfélags er til-
greind tala nafna, fyrst tala karla, síðan tala kvenna og
loks samtala þeirra. Tala kjósenda samkvæmt endan-
legri kjörskrá verður að sjálfsögðu oftast önnur en gefið
er upp á kjörskrárstofninum, sem sendur hefur verið.
2. Erlendir ríkisborgarar
Á kjörskrárstofni em danskir, finnskir, norskir og
282