Sveitarstjórnarmál - 01.03.1995, Qupperneq 52

FRÁ LANDSHLUTASAMTÖKUNUM
Aðalfundur SSH 1994:
Höfuðborgarsvæðið eitt atvinnusvæði
Átjándi aðalfundur Samtaka
sveitarfélaga á höfuðborgarsvæðinu
(SSH) var haldinn 8. október 1994 í
Félagsgarði, félagsheimili Kjósar-
lirepps. Fundurinn var vel sóttur og
voru ýmsar ályktanir og samþykktir
gerðar.
Fráfarandi formaður, Sveinn
Andri Sveinsson, setti fundinn og
flutti skýrslu stjómar og Jónas Eg-
ilsson, framkvæmdastjóri SSH,
gerði grein fyrir ársreikningum sam-
takanna fyrir árið 1993 sem voru
samþykktir.
Guðbrandur Hannesson, oddviti
Kjósarhrepps, bauð fundarmenn vel-
komna til fundar í Kjósinni. Fundar-
stjórar voru þeir Kristján Finnsson
og Kristján Oddsson og fundarritari
Sigurbjörn Hjaltason, allir hrepps-
nefndarmenn í Kjósarhreppi.
Á fundinum fluttu ávörp Salome
Þorkelsdóttir, forseti Alþingis, fyrir
hönd alþingismanna, Guðmundur
Árni Stefánsson, þáv. félagsmála-
ráðherra, Vilhjálmur Þ. Vilhjálms-
son, formaður Sambands íslenskra
sveitarfélaga, og Hjalti Jóhannes-
son, framkvæmdastjóri Eyþings.
Kveðjur bárust í skeyti frá Fjórð-
ungssambandi Vestfirðinga.
Eitt atvinnusvæöi
Á fundinum var rætt um samstarf
sveitarfélaganna í atvinnumálum.
Framsöguræður héldu Jóna Gróa
Sigurðardóttir, borgarfulltrúi í
Reykjavík og formaður atvinnu-
málanefndar SSH, Ragnar Kjartans-
son, framkvæmdastjóri Aflvaka
Reykjavíkur hf., og Hannes G. Sig-
urðsson, aðstoðarframkvæmdastjóri
Vinnuveitendasambands Islands.
Svofelld ályktun var samþykkt á
fundinum:
„Aðalfundurinn telur eðlilegt að
við endurskoðun reglna um úthlutun
styrkja úr Atvinnuleysistrygginga-
sjóði verði heimilað að ráða vinnuafl
óháð búsetu. I núverandi reglum er
skylt að nota vinnuafl af atvinnuleys-
isskrá í viðkomandi sveitarfélagi. Þar
sem höfuðborgarsvæðið er eitt at-
vinnusvæði er eðlilegt að veita heim-
ild til ráðningar af atvinnuleysiskrá á
svæðinu í heild sinni. Slíkt getur ver-
ið nauðsynlegt, þar sem sérhæfða
starfskrafta er ekki að finna í öllum
sveitarfélögum innan svæðisins.“
Þá voru samþykkt harðorð mót-
mæli við áform ríkistjómarinnar að
gera sveitarfélögunum að greiða
600 millj. kr. til Atvinnuleysistrygg-
ingasjóðs.
Samræmd feróaþjónusta
fatlaöra
Svofelld ályktun var gerð á fund-
inum:
„Fundurinn samþykkir að kosin
verði nefnd með þátttöku hlutaðeig-
andi sveitarfélaga sem verði falið að
gera tillögu um samræmt fyrir-
komulag stjómunar á ferðaþjónustu
fatlaðra og á skólaakstri fatlaðra á
höfuðborgarsvæðinu. Nefndin skili
tillögu á næsta aðalfundi SSH. Að-
alfundur SSH telur nauðsynlegt að
samræma beri ferðaþjónustu fatl-
aðra á höfuðborgarsvæðinu. Slíkt sé
sjálfsagt réttlætismál fyrir fatlaða,
enda er höfuðborgarsvæðið eitt at-
vinnu- og þjónustusvæði. Áætluð
fjárþörf vegna starfsins er kr.
750.000.“
Frá aöalfundinum I Félagsgaröi. Guömundur Árni Stefánsson, þáv. félagsmálaráöherra,
i ræöustóli. Ljósm. Gunnar G. Vigfússon.
46