Sveitarstjórnarmál - 01.06.1996, Side 27

FRÆÐSLUMÁL
70-80 nýir titlar koma árlega út hjá Námsgagnastofnun. Ljósm. Árni Árnason.
Því er til að svara að
fyrir árið 1996 nemur
fjárveiting Alþingis til
Námsgagnastofnunar kr.
246,2 milljónum (218,7
millj. kr. að frádregnum
virðisaukaskatti), svip-
aðri upphæð og undan-
farin tvö ár. Grunnskóla-
nemendur eru tæplega
43 þúsund talsins og
samsvarar þessi upphæð
um kr. 5.100 á hvern
nemanda að meðaltali á
ári. Fyrir þessa upphæð,
sem felur í sér allan
rekstrarkostnað
Námsgagnastofnunar,
þ.m.t. laun, tækjakaup
o.fl„ tekst stofnuninni að
dreifa að meðaltali
14—15 titlum á nemanda
á ári, ýmist til eignar eða
afnota. Þessi fjárhæð er allmiklu lægri en ætlað er fyrir
grunnskólanemanda annars staðar á Norðurlöndum.
Þjónusta Námsgagnastofnunar viö
skólana
Þjónusta Námsgagnastofnunar við skólana felst eink-
um í námsefnisgerð, útvegun og dreifingu námsefnis og
rekstri fræðslumyndasafns og Skólavörubúðar. Hér á
eftir verður stuttlega fjallað um þessi verkefni.
Námsefnisgerð og úthlutunarkvóti
Námsefnisútgáfan er stærsta verkefni stofnunarinnar
og aðalhlutverk hennar. Utgáfan ár hvert er að sjálf-
sögðu háð fjárveitingunni en á undanfömum ámm hafa
komið út um 300-400 titlar á ári, þar af eru 75-90 nýir
titlar en 230-300 titlar eru endurútgefnir árlega. Um er
að ræða námsefni í fjölbreytilegu formi, t.d. kennslu-
bækur, verkefnabækur, kennsluleiðbeiningar, kennslu-
forrit, fræðslumyndir, hljóðbækur, litskyggnur, kort,
glærur, handbækur, orðabækur, margs konar ítarefni og
á síðasta ári kom út fyrsti margmiðlunardiskurinn
(CD-ROM) á íslensku sem vikið verður að síðar í þess-
ari grein. Einnig kaupir stofnunin námsefni frá öðrum
útgefendum, innlendum og erlendum, einkum fræðslu-
myndir, bókmenntaefni og námsefni í ensku.
Á úthlutunarskrá stofnunarinnar, sem skólar geta val-
ið sér námsefni af, eru um 2700 titlar af námsefni; þar af
eru um 1900 titlar af bókum, kennsluforritum, kortum,
veggspjöldum o.fl., rúmlega 800 titlar af fræðslumynd-
um og skyggnum auk fjölda titla sem keyptir eru af
svokölluðum sérkvóta.
Úthlutunarkvótinn segir til um upphæð úttektar hjá
stofnuninni sem skólinn nýtir að eigin vild. Kvótinn er
reiknaður út með hliðsjón af fjárveitingu Alþingis til
stofnunarinnar og nemendafjölda í hverjum skóla. Kvót-
inn skiptist í almennan kvóta og sérkvóta. Almenni kvót-
inn segir til um hve mikið viðkomandi skóli getur fengið
úthlutað af námsefni frá Námsgagnastofnun en sérkvót-
ann nota skólar til að fá efni frá öðrum útgefendum með
milligöngu stofnunarinnar.
Kvótinn fyrir yngri nemendur er lægri en fyrir þá eldri
enda hafa hinir síðamefndu fleiri námsgreinar og lengri
skóladag og þurfa þar af leiðandi fleiri og viðameiri
námsgögn. Fyrir árið 1996 nemur almenni úthlutunar-
kvótinn kr. 3.318-6.210 eftir aldri nemenda. Kvóti hvers
skóla er fundinn með því að margfalda saman nemenda-
fjölda á hverju aldursstigi og upphæðina sem við á
hverju sinni. Summan af þeim upphæðum er kvóti skól-
ans. Tekið skal fram að tillit er tekið til minni skóla og
nýrra þannig að þeir fá aukakvóta.
Fræöslumyndasafn
Stofnunin rekur fræðslumyndasafn en í því eru nú um
700 titlar af myndböndum og 140 titlar af skyggnum (en
filmur eru ekki lengur notaðar í skólum). Skólar geta
fengið flest myndbönd út á úthlutunarkvóta sinn og
þannig komið sér upp eigin safni fræðslumynda á mynd-
böndum en þeir geta einnig fengið fræðslumyndir að
láni. Safnið lánar einnig ýmsum öðrum stofnunum
fræðslumyndir, s.s. framhaldsskólum, leikskólum og
sjúkrahúsum.
Flestar fræðslumyndanna eru aðkeyptar, ýmist inn-
lendar eða erlendar, og lætur nærri að um 40 nýjar
myndir haFi bæst að meðaltali á ári við safnið á undan-
89