Sveitarstjórnarmál - 01.10.1997, Qupperneq 11

UMHVERFISMÁL
Egilsstaðabæjar um stöðumat og
markmiðssetningu í umhverfismál-
um er vel við hæfi að minnast
fimmtíu ára afmælis bæjarins með
því að leggja sérstaka áherslu á um-
hverfismál, bæði í verklegum fram-
kvæmdum, með ráðstefnum, mark-
miðssetningu og síðast en ekki síst
að halda áfram að vekja og hvetja
íbúana til virkrar þátttöku í að móta
vistvænt samfélag.
A hátíðarfundi bæjarstjómar þann
8. júlí sl. voru einróma samþykkt
umhverfismarkmið bæjarins fram til
ársins 2015. Þau eru eftirfarandi:
YJirmarkmið
• Að framtíðarþróun og uppbygg-
ing í Egilsstaðabæ gerist með
sjálfbærum hætti, þ.e. í sátt við
umhverfi og náttúru.
• Að við allar ákvarðanir á vegum
bæjarins verði það haft að leiðar-
ljósi að núlifandi kynslóð upp-
fylli þarfir sínar án þess að ganga
á möguleika komandi kynslóða
til að fullnægja sínum þörfum.
Almennt
Við ákvarðanir á vegum nefnda,
ráða og bæjarstjómar verði ætíð tek-
ið tillit til umhverfismála í víðum
skilningi.
Stjórnskipulag
Umhverfismál fái veigameiri sess
í rekstri og framkvæmdum í öllum
málaflokkum bæjarins. Starfsmenn
bæjarins og stofnana hans verði
hvattir til dáða í umhverfismálum.
Skipulagsmál
Við endurskoðun og gerð aðal-
skipulags verði umhverfismál sett
framarlega í forgangsröð.
Neysluvatn
Verndarsvæði vatnsbóla verði
skilgreind og innra eftirliti vatns-
veitu komið á fyrir árið 2000.
Fráveitur
Urbótum í fráveitumálum verði
lokið árið 2005 í samræmi við kröf-
ur mengunarvamareglugerðar.
Sorpmál
Að minnka sorp til förgunar með
því að leggja áherslu á jarðgerð líf-
ræns úrgangs, endumýtingu og end-
urvinnslu en fyrst og fremst að
draga úr sorpmyndun með fræðslu
og almennri þátttöku íbúa.
Gróður
Með öflugu samstarfi áhaldahúss,
garðyrkjustjóra og vinnuskóla verði
aðkomuleiðir að bænum prýddar
gróðri og gerðar aðlaðandi. Mikil
áhersla verði á að garðar og græn
svæði verði vel hirt.
Gönguleiðir og stígar
Aukin áhersla verði lögð á um-
ferð gangandi og hjólandi vegfar-
enda.
Útivistarsvœði
Haldið verði áfram uppbyggingu
útivistarsvæða fyrir bæjarbúa með
áherslu á fjölbreytta notkunarmögu-
leika. Skipulag svæðanna byggi á
upplýsingum um náttúrufar og stað-
hætti.
Mengun
Ahersla verði lögð á að draga úr
hávaða í íbúðahverfum og hvers
konar annarri mengun í bæjarfélag-
inu.
Umhverfisfrœðsla ískólum
Umhverfisfræðsla í skólum sveit-
arfélagsins verði efld.
Nú iná segja að hluti markmið-
anna miðist við kröfur sem eru nú
þegar bundnar í lögum og reglugerð-
um og stendur upp á syeitarfélögin
að framkvæma. Fram að þessu hefur
verið unnið eftir bestu getu til að
uppfylla opinberar kröfur, en með
því að setja sér markmið, sem byggð
eru á raunhæfu stöðuinati, setja þau í
forgangsröð og ákveða fram-
kvæmdahraða samkvæmt skyldum
og framkvæmdagetu sveitarfélagsins
fást meðvitaðri og markvissari
vinnubrögð. Leiðir til að ná fram
markmiðunum eru breytilegar og
verða að vera í stöðugri endurskoðun.
En ekkert verður gert án þess að í-
búar sveitarfélagsins vinni með og
verði í raun þrýstihópur á bæjar-
stjómir framtíðarinnar.
Nú er í gangi sorpflokkunarverk-
efni og jarðgerð á leikskólanum
Tjarnarlandi, verkefni sem verður
sjálfsagður þáttur í starfi skólans í
framtíðinni. Rusl er einnig flokkað á
tjaldstæðinu og margar fjölskyldur
taka þátt í tilraunaverkefni um
heimajarðgerð úr lífrænuin heimilis-
úrgangi. Safnað er pappír til endur-
vinnslu og fleiri flokkunar- og end-
urnýtingarmöguleikar eru í undir-
búningi hjá Sorpeyðingu Miðhéraðs.
Umhverfismál skipa stöðugt
veigameiri sess hjá sveitarfélögun-
um og sá málaflokkur mun vaxa í
framtíðinni. ísland er aðili að Ríó-
samþykkt Sameinuðu þjóðanna um
sjálfbæra þróun og hefur samþykkt
framkvæmdaáætlun, Dagskrá 21
sem leggur skyldur bæði á ríki og
sveitarfélög. Að sveitarfélögunum
snýr að vinna áætlun um sjálfbæra
þróun, þ.e. svokallaða Staðardagskrá
21. Markmiðssetning Egilsstaðabæj-
ar í umhverfismálum er gott skref í
gerð slíkrar Staðardagskrár 21 fyrir
sveitarfélagið.
RÁÐSTEF N U R
Fjármálaráðstefnan í ár
20.—21. nóvember
Fjármálaráðstefna sambandsins
verður í ár haldin að Hótel Sögu í
Reykjavík fimmtudaginn 20. og
föstudaginn 21. nóvember.
LANDSRING
Næsta landsþing sam-
kandsins á Akureyri
26.-28. ágúst 1998
Stjóm sambandsins hefur ákveðið
að landsþing þess á árinu 1998 verði
haldið á Akureyri dagana 26.-28.
ágúst.
20 1