Sveitarstjórnarmál - 01.03.2000, Blaðsíða 28
MENNINGARMÁL
Bókastofa, sýningin „Á Njáluslóð". Ljósm: Sögusetrið á Hvolsvelli.
kjörið að snæða annaðhvort hádegis- eða kvöldverð í
Söguskálanum. Með því að láta vita með tveggja daga
fyrirvara geta hópar fengið annaðhvort bakka með
blöndu af þjóðlegum réttum í hádeginu eða sérstakan
lambakjötsrétt hússins að kvöldi - sem hvort tveggja
er í boði á sanngjömu verði. Og auðvitað standa til
boða drykkjarfong með matnum. Þessa þjónustu hafa
æ fleiri hópar fært sér í nyt, enda er hið fomlega um-
hverfi í Söguskálanum skemmtilegur rammi utan um
málsverð að lokinni Njáluferð. Auk þess nýtur Sögu-
skálinn mikilla vinsælda sem staður fyrir mannfagnaði
af ýmsu tagi. Og ekki má heldur gleyma því að næsta
sumar verða haldnar svokallaðar „söguveislur" í skál-
anum, en þar er um að ræða samstarfsverkefni með
Reykjavík menningarborg 2000. Þá má nefha að ýms-
ar hugmyndir em nú uppi um að efna í sérstakar dag-
skrár fyrir erlenda ferðamenn í skálanum á komandi
sumri. í því sambandi kemur til greina að hafa mynda-
sýningar, tengdar efhi og uppmna Njálu, þar sem skýr-
ingar verði bæði á ensku og þýsku. Ennfremur má
nefna að nú er verið að ganga frá sérstöku ráðstefhu-
herbergi í Sögusetrinu, þar sem allt að 20 manns geta
fundað. Þar verður fullkominn búnaður fyrir fundar-
höld af ýmsu tagi, svo sem tölvuskjávarpi. Þetta er
kjörið fyrir þá sem vilja komast í burt af mölinni, láta
hugann flæða í fögru og kyrrlátu umhverfi og hvíla sig
síðan frá hita og þunga dagsins með því að skyggnast
um á sögusviði Njálu og njóta góðra veitinga í Sögu-
skálanum.
Auk þess sem hér hefur verið nefnt em ýmsar fleiri
hugmyndir á döfinni sem miða að því að auka enn
fjölbreytni þeirrar starfsemi sem ffarn fer í Sögusetr-
inu.
Það er sannfæring þeirra sem standa að Sögusetrinu,
sem að stærstum hluta er í eigu 6 hreppa í austanverðri
Rangárvallasýslu, að ferðaþjónusta, tengd „leiksviði“
Brennunjálssögu, eigi mikla ffamtíð fyrir sér. íslend-
ingar hafa löngum hrifist af efhi Njálu og það er varla
of djúpt í árinni tekið að fullyrða að hún hafi jafhan
verið okkur kæmst bóka. Auk þess er auðvelt að vekja
áhuga erlendra gesta á þessu efhi, enda vilja þeir að
jafnaði helst af öllu kynnast því sem „þjóðlegt" er.
Það sem gerir starfsemi Sögusetursins sérstæða er sú
staðreynd að hún er ekki aðeins til þess fallin að skapa
fólki vinnu og færa Sunnlendingum björg í bú. Þar
kemur líka til að ágóðinn af starfseminni nýtist ekki
aðeins til að gera sýningamar sífellt betur úr garði,
heldur skapar hann einnig svigrúm til að efla menn-
ingarstarfsemi af ýmsum toga og auka þar með lífs-
gæði þeirra sem búa í héraðinu.
22