Sveitarstjórnarmál - 01.03.2000, Blaðsíða 15

MENNINGARMÁL
rekaði mikilvægi þess við að stuðla að menningarlegri
fjölbreytni og vakningu með þjóðinni.
Svona á hin nýja byggðastefna að vera - borgin og
landsbyggðin eru ekki andstæður. Það er mikilvægt fyrir
landið að eiga öfluga höfuðborg og fyrir höfuðborgina
að það sé blómleg byggð í landinu. í samstarfsverkefn-
um Menningarborgar og sveitarfélaga, sem kynnt eru í
stuttu máli í þessari grein, endurspeglast fjölbreytt og
lifandi menningarflóra sem einkennist af skapandi frum-
kvæði sveitarfélaga úti um allt land. Það er Menningar-
borginni í senn styrkur og sómi að taka þátt í slíku sam-
starfi því með samstilltu átaki getum við sýnt umheim-
inum fram á það að í þessu litla landi býr stórhuga þjóð
sem hefúr margt fram að færa í samfélagi þjóðanna.
KÓPAYOGUR
Raf- og tölvutónlistarhátíð í október
Fyrsta alþjóðlega raf- og tölvutónlistarhátíðin á ís-
landi er haldin til að vekja fólk til umhugsunar um áhrif
tækniframfara á tónlist, sköpun og flutning. Raf- og
tölvutónlist er framlag 20. aldar til tónlistarsögunnar.
Hún er eina nýsköpunin í hljóðfæragerð á þessari öld og
sú tónlist sem á eftir að þróast hvað mest á nýrri öld sem
sjálfstætt listform tónlistar og sem hluti af margmiðlun-
arlist.
Samhliða hátíðinni verður haldin ráðstefna um raf- og
tölvutónlist með fyrirlestrum og sýningum. Til fyrir-
lestrahalds verða fengin mörg af þekktustu tónskáldum
og fræðimönnum á þessu sviði í heiminum. Haldnir
verða 11 tónleikar þar sem fortíð, nútíð og framtíð raf-
og tölvutónlistar er meginþemað. Jafnframt þessu verða
einnig minni viðburðir svo sem innsetningar, bíósýning-
ar o.fl. þar sem raf- og tölvutónlist kemur við sögu.
Viltu vita meira: www.reykjavik2000.is
SELTJARNARNES
Fræðasetur í Gróttu 1.-30. apríl
Grótta er friðlýst, fimm hektara eyja sem tengist landi
á ljöm. Þar má fínna skeijafláka, sandfjörur, fjölskrúð-
ugt fuglalíf og fræðasetur sem tekið verður í notkun í
Gróttu árið 2000. Framtakinu er ætlað að efla rannsókn-
ir og kennslu i náttúru- og umhverfisfræðum; fræði-
mannsíbúð verður innréttuð í gamla vitavarðarhúsinu; í
félagi við gmnnskóla Seltjamamess verður námsefni
smíðað fyrir starfsemina, verkefni og sýningar skipu-
lagðar í samstarfi við bæjaryfirvöld, einstaklinga og fé-
lög o.s.ffv.
Viltu vita meira: www.seltjamarnes.is
GARÐABÆR
Handritasamkeppni - skilafrestur til 1. apríl
Garðabær stendur fyrir samkeppni um handrit að
sviðsverki, Ieikriti, söngleik eða dansi, um gamla Garð-
bæinga, s.s. Vífil þræl og síðar leysingja Ingólfs Amar-
sonar, Jón Vídalín biskup eða Stjána bláa. Handritum
skal skila á Bókasafn Garðabæjar fyrir 1. apríl nk. Úrslit
samkeppninnar verða tilkynnt um miðjan júni. Veitt
verða þrenn verðlaun fyrir bestu handritin að mati dóm-
nefhdar. Fyrstu verðlaun verða kr. 300.000, önnur verð-
laun kr. 200.000 og þriðju verðlaun kr. 100.000.
Dómnefnd er skipuð þremur fulltrúum kjörnum af
bæjarstjórn Garðabæjar: Frú Vigdís Finnbogadóttir,
fyrrv. forseti íslands, er formaður dómnefndarinnar en
auk hennar sitja í nefndinni Lilja Hallgrímsdóttir, for-
maður menningarmálanefndar Garðabæjar, og Steindór
Hjörleifsson leikari.
Viltu vita meira: http://www.bokgb.skyrr.is
HAFNARFJÖRÐUR
Krýsuvík - samspil manns og náttúru maí-ágúst
Með verkefninu verður leitast við að varðveita og
kynna þær upplýsingar sem safnað hefur verið saman
um svæðið. Útbúið verður kort og merktar inn á það
gönguleiðir og fomleifar auk þess sem þar verður að
finna fróðlegar sögur og ábendingar um áningarstaði fyr-
ir ferðamenn. Ótalin em áhugaverð svæði út frá jarð- og
Iífeðlisfræði en þau em fjölmörg. Að lokum felur árþús-
undaverkefnið í sér skipulagðar ferðir með leiðsögn um
svæðið, fræðsludagskrá og opnun sýningar á Krýsuvík-
urmyndum Sveins Bjömssonar listmálara sem málaði í
vinnustofu sinni í Krýsuvík í tvo áratugi. Þar er nú
Sveinshús.
Krýsuvík er kennd við tröllskessuna Krýsu sem sagan
segir að hafi lengi átt í deilum um landamerki við Her-
dísi í Herdísarvík. Fomleifar em miklar í Krýsuvík og
sögumar segja af sjósókn, skepnuhaldi, fúglatekju og því
hvemig jarðfræðin setti mark sitt á hið daglega líf.
Viltu vita meira: www.hafnarJjordur.is
BESSASTAÐAHREPPUR
Listavika í Álftanesskóla 13.-18. mars
Álftanesskóli í Bessastaðahreppi reið á vaðið með við-
burði í tilefni ársins. Nemendur skólans, 215 talsins, hafa
unnið með náttúmöflin, vatn, eld, loft og jörð. Rýnt var
fram í tímann og spurt: Hvemig verður heimabyggðin í
lok 21. aldar, hverjar verða þarfir fólks og nýting?
Hvernig verður Álftanes framtíðarinnar? Nemendur
nýttu sér umhverfi skólans með það í huga að skerpa út-
línur Bessastaðahrepps með öllum tiltækum ráðum.
9