Sveitarstjórnarmál - 01.06.2001, Page 70

Frá landshlutasamtökunum
Áttunda ársþing SSNV:
Atvinnu- og byggðamál efst á baugi
á Norðurlandi vestra
Áttunda ársþing SSNV - Samtaka sveitarfélaga í
Norðurlandskjördæmi vestra - var haldið á Hólum
í Hjaltadal dagana 25. og 26. ágúst 2000.
Aðalmálefni þingsins voru tvö að þessu sinni,
atvinnu- og byggðamál og fjármál sveitarfélaga
og greining kostnaðar við rekstur grunnskólans.
Ágúst Þór Bragason, formaður SSNV, setti
þingið og bauð þingfulltrúa og gesti velkomna.
Forseti þingsins var kjörinn Gísli Gunnarsson,
forseti sveitarstjórnar Skagatjarðar, og varaforseti
Elínborg Hilmarsdóttir, sveitarstjórnarmaður í
Skagafirði. Ráðinn þingritari var Björn Björnsson,
skólastjóri á Hofsósi.
Skýrsla stjórnar SSNV
Formaður SSNV, Ágúst Þór Bragason, flutti
skýrslu stjórnar. Hann Qallaði um þau mál sem
hæst hafði borið frá síðasta þingi og kom víða við.
Nefndi hann meðal annars mikla og góða
samvinnu sveitarfélaga á Norðurlandi vestra og gat
þess að mörgu hefði verið þokað áleiðis með þeirri
samvinnu. Þá þakkaði Ágúst góða samvinnu við
stjórn sambandsins og sveitarstjórnir á svæðinu, en
Ágúst hætti á fundinum sem formaður samtak-
anna. Þingfulltrúar kvöddu Ágúst með lófataki.
Framkvæmdastjóri SSNV, Bjarni Þór Einarsson,
lagði fram ársreikninga 1999, fjárhagsáætlun 2001
og starfsskýrslu framkvæmdastjóra. Hann gerði
grein fýrir helstu verkefnum á vegum samtakanna
á liðnu starfsári og gat þess að þar hefðu málefni
fatlaðra verið umfangsmest.
Hann greindi frá atvinnuástandi og búsetuþróun,
en þar er enn undir högg að sækja þótt ástandið
hafi batnað nokkuð frá fyrra starfsári. Gerði hann
grein fyrir umQöllun stjórnar SSNV um þessi
málefni, áskorun til stjórnvalda varðandi stöðvun
fólksflótta úr strjálbýli og tillögum þar að lútandi.
Hann sagði frá hópferð sveitarstjórnarmanna af
Norðurlandi vestra til Vestur-írlands á síðastliðnu
vori að tilhlutan Vilhjálms Egilssonar alþingis-
manns en tillögur starfshópa, sem unnu úr niður-
stöðum ferðarinnar um frumkvöðlasetur og um
menntun og atvinnu, voru til umfjöllunar á þinginu.
Bjarni ræddi hvernig starfsumhverfi SSNV hefði
breyst ár frá ári, nú síðast með breyttri kjördæma-
skipan, sem verður virk eftir næstu alþingis-
kosningar. Hann taldi að landshlutasamtök sveitar-
félaga muni þróast þannig að þau taki yfir land-
fræðilega samstætt svæði og gat þess að til stæði
að kjósa tvo sveitarstjórnarmenn frá hverju hinna
gömlu kjördæma til að gera tillögur um samstarf
landshlutasamtakanna í hinu nýja kjördæmi.
Gréta Sjöfn Guðmundsdóttir, yfirmaður búsetu-
mála fatlaðra á Norðurlandi vestra, flutti skýrslu
um starfsemina. Skýrði hún frá því hvernig að
málum hefði verið staðið frá því að þjónustu-
samningur um málefni fatlaðra öðlaðist gildi
1. apríl 1999 og hversu margir nytu þjónustu á
hverju þjónustusvæði. Þá gerði Gréta grein fyrir
skyldum þeim sem á sveitarfélögum hvíla og
réttindum sem þjónustuþegar njóta og fjallaði um
einstaka þjónustuþætti sem sinnt hefur verið á
Norðurlandi vestra. Fram kom í könnun sem gerð
Gréta Sjöfn Guðmundsdóttir, yfirmaður búsetumála fatlaðra
á Norðurlandi vestra, flytur skýrslu sína.