Sveitarstjórnarmál - 01.06.2001, Qupperneq 92

218
Fjármál
loknu er 1.612 milljarðar króna. Þar af er mann-
virkjamat 1.349 milljarðar króna og landmat
263 milljarðar króna. Gildandi fasteignamat er
1.409 milljarðar króna. Þar af er mannvirkjamat
1.236 milljarðar króna og landmat 173 milljarðar
króna. Hækkun fasteignamats nemur 14%. Þar af
nemur hækkun mannvirkjamats 9% og hækkun
landmats 52%. Upplýsingar um ijárhæðir
endurmatsins hafa verið sendar sveitarfélögum.
Sveitarfélög og fasteignaeigendur
hafa andmælarétt
Á tilkynningarseðli til fasteignaeigenda birtast
upplýsingar um væntanlegt brunabótamat og fast-
eignamat. Jafnframt koma þar fram upplýsingar
um núgildandi brunabótamat og fasteignamat.
Bent er sérstaklega á að endurmatið öðlast gildi
15. september nk. og að fram að þeirn tíma geta
sveitarfélög á sama hátt og fasteignaeigendur og
brunatryggingafélögin komið athugasemdum sín-
um til Fasteignamats ríkisins, sveitarfélögin þó
aðeins hvað fasteignamatið varðar. í þeirn tilvikum
sem ekki reynist unnt að taka afstöðu til innsendra
athugasemda fyrir 15. september mun núgildandi
brunabótamat og fasteignamat hvíla áfram á eign-
inni. Niðurstaða Fasteignamats ríkisins í þeim
málum mun síðan gilda afturvirkt frá 15. sept-
ember 2001. Berist athugasemd um endurmetið
brunabótamat getur það haft áhrif á endurmetið
fasteignamat og öfugt.
Sveitarfélög og fasteignaeigendur
hafa kærurétt
Hægt er kæra niðurstöðu endurmats brunabóta-
mats og fasteignamats til yfirfasteignamatsnefndar
eftir gildistöku þess 15. september 2001 eða síðar
þegar endanleg ákvörðun Fasteignamats ríkisins
vegna innsendra athugasemda liggur fyrir. Hags-
munaaðilum er í sjálfsvald sett hvort valið er um
að koma athugasemdum á framfæri við Fasteigna-
matið, kæra beint til yfirfasteignamatsnefndar eða
kæra til nefndarinnar ef ákvörðun Fasteignamatsins
vegna innsendra athugasemda þykir óásættanleg.
Kærufrestur er ávallt þrír mánuðir, þ.e. til 15. des-
ember 2001 eða síðar í samræmi við ákvörðun
Fasteignamats ríkisins vegna innsendra athuga-
semda.
Tilkynningarseðill endurmatsins er frábrugðinn
fyrri seðlum Fasteignamatsins að því leyti að á
honum koma hvorki fram upplýsingar um eignar-
hlutfall né meðeigendur. í upphafi nýs árs fá fast-
eignaeigendur tilkynningarseðil sendan á ný, m.a.
til að hafa til hliðsjónar við útfyllingu skattfram-
tala. Verða upplýsingar á þeim seðli með hefð-
bundnum hætti og munu m.a. upplýsingar um
eignarhlutföll og meðeigendur koma þar fram.
Mikilvægi réttrar skráningar
Mikilvægt er að opinber skráning fasteigna sé
itarleg og nákvæm. Rétt skráning er forsenda rétts
brunabótamats og fasteignamats. Fasteignamat
ríkisins vekur athygli á því að á framangreindum
tilkynningarseðlum er fasteignaeigendum bent á að
þeir séu best til þess fallnir að meta hvort skráning
eignar þeirra sé í samræmi við eignina í raun og að
upplýsingum um stærðir, notkun o.fl. ber að beina
til byggingarfulltrúa viðkomandi sveitarfélags.
Vinnuálag á embættum byggingarfulltrúa kann því
að aukast af þeim sökum, en afraksturinn verður
réttari skráningarupplýsingar í Landskrá fasteigna.
Bækur og rit
Tímarit norænna félagsráðgjafa
Tímarit norænna félagsráðgjafa, Nordisk Sosialt
Arbeid, varð 20 ára á yfirstandandi ári. í tilefni af
því er komið út vandað þemahefti þar sem nokkrir
höfundar skrifa um stöðu norræna velferðarlíkans-
ins. Tölublað þetta hlaut sérstakan útgáfustyrk frá
Norrænu ráðherranefndinni og hefur þar verið lýst
sérstakri ánægju með hvernig til hefur tekist.
M.a. efnis í tölublaðinu er grein eftir Sigríði
Jónsdóttur, forstöðumann rannsóknar- og þróunar-
sviðs Félagsþjónustunnar, um samanburð á áliti
manna hér og annars staðar á Norðurlöndum
á fátækt. Málin eru einnig skoðuð i Evrópusam-
hengi. Þá er samtal við Láru Björnsdóttur, félags-
málastjóra í Reykjavík, þar sem litið er um öxl og
fram á við. Einnig er grein eftir dr. Joakim Palrne
dósent en hann sótti ísland heim sl. vor og hélt
fyrirlestur um svipað efni á ráðstefnu Alþýðu-
sambands Islands.
Unnt er að fá eintök af þessu tölublaði hjá
Universitetsforlaget i Osló.
Vefslóðin er
http://www.umversitetsforlaget.no/tidsskrifter/