Helgafell - 01.09.1942, Blaðsíða 13
HELGAFELL
TÍMARIT
UM BÓKMENNTIR OG ÖNNUR MENNINGARMÁL
i. Arg.
SEPTEMBER 1942
7. HEFT!
Utan garðs og innan
„SKÁLDIÐ Sigurjón Friðjónsson skáld og bóndi á Litlu-Laugum í Reykjadal nyrðra
í DALNUM“. varð 75 ára 22. sept. s. I. Helgafell óskar Sigurjóni Friðjónssyni allra
heilla á þessum eyktamörkum ævinnar, um leið og það þakkar honum
trúnað við list sína á löngum ferli og nokkur fögur og sérkennileg ljóð, sem ætla má líf f
íslenzkum bókmenntum.
Sigurjón Friðjónsson verður ekki til stórskálda talinn, en yfirleitt er skáldskapur hans
með menningarbrag, og sum beztu kvæði hans meðal þess, sem réttmæta eftirtekt vekur í
ljóðrænum samtíðarkveðskap vorum. Sjálfur hefur hann komizt svo að orði um skáldskap
sinn, að hann sé ómræns eðlis, en ekki myndræns, og má það til sanns vegar færa, en ekki
getur S. Fr. talizt einstæður meðal íslenzkra skálda að því leyti. Vafalaust er þó, að ljóð
hans mundu njóta sín bezt í söng, og ættu tónskáld vor að gefa þeim meiri gaum hér
eftir en hingað til. Gegnir nokkurri furðu, að hin kliðmjúku kvæði Sigurjóns skuli síður
hafa orðið íslenzkum hljómlistarmönnum efni til lagsmíða en Ijóðmæli Péturs Jakobssonar,
löggilts fasteignasala, sem nokkur tónskáld vor hafa talið viðurkvæmilcgt að ljá vængi
söngsins að eyrum alþjóðar.
Því miður hefur framkoma þess fjárveitingavalds, sem nú fer með úthlutun opinbers
fjár til skálda, ekki verið á þá lund að undanförnu í garð Sigurjóns Friðjónssonar, að við
því megi búast, að skáldinu verði sómi sýndur úr þeirri átt að tilefni 75 ára afmælisins.
Á árunum 1939 og 1940 tókst formanni Menntamálaráðs að fá því framgengt, að 1000
króna skáldalaun, sem S. Fr. hafði notið lengi þá að undanförnu, voru tekin af hinu þing-
eyska góðskáldi, næstum hálfáttræðu, í tveim áföngum, 300 krónur hvort árið, unz ekkert
varð eftir. Þótt ekki væri harkalegar að farið en þetta, verður að teljast meira en vafasamt,
að þessi ráðstöfun þyki bera andlegum höfðingsskap vandamanna sinna vitni, þegar stundir
líða. Að vísu þurfti ekki að bíða dóma framtíðarinnar um þetta atriði, því að núverandi
fjármálaráðherra, Jakob Möller, hefur sýnt þann skilning og drcngskap í sambandi við
þennan niðurskurð að greiða S. Fr. skáldalaun hans óskert eftir sem áður beint úr ríkis-
sjóði og taka þau að síðustu upp í fjárlagafrumvarp sitt. Hefur því ekki verið veitt athygli
sem skyldi, að íslenzk stjórnarvöld hafa talið sig neydd til að fara inn á valdsvið Mennta-
malaráðs á þennan hátt og veita því alvarlega áminningu.