Morgunblaðið - 13.10.2012, Qupperneq 2

Morgunblaðið/Ómar
43. þing BSRB Elín Björg Jóns-
dóttir er formaður bandalagsins.
Guðni Einarsson
gudni@mbl.is
Elín Björg Jónsdóttir var endur-
kjörin formaður BSRB á 43. þingi
bandalagsins sem lauk í gær.
„Það standa upp úr ályktun um
kjaramál og ályktun um jafnrétti og
launamun kynjanna,“ sagði Elín um
hvað henni þætti bera hæst eftir
þingið.
Í ályktun um kjaramál segir m.a.
að nýleg launakönnun BSRB sýni að
mikill munur sé á launum BSRB-
fólks og á almennum vinnumarkaði.
Eins mælist talsverður munur á
launum á milli landshluta og kynja.
Þingið krafðist þess að þessum mun
yrði tafarlaust eytt. Einnig ítrekaði
BSRB kröfur 42. þings bandalagsins
og krafðist þess að stjórnvöld settu
þegar fram raunhæfar tillögur um
afnám verðtryggingar.
Kynbundinn launamunur
Í ályktun um jafnréttismál krefst
43. þing BSRB þess „að kynbundn-
um launamun verði útrýmt með
auknu fjármagni og aðgerðum nú
þegar. Það er algert forgangsverk-
efni stjórnvalda, atvinnurekenda og
verkalýðshreyfingarinnar. Óút-
skýrður kynbundinn launamunur
mælist 13% og allt að 19% innan
ákveðinna landshluta“.
Þá krefst þing BSRB þess „að sett
verði af stað sérstakt átak til að upp-
ræta kynbundna og kynferðislega
áreitni á vinnustöðum“. Einnig er
þess krafist að vinnuvikan verði stytt
í 36 stundir. „Þannig má jafna mögu-
leika kynjanna til að taka virkan þátt
í uppeldi barna sinna og til að verja
tíma með fjölskyldunni.“
Elín sagði að á þinginu hefðu í
fyrsta sinn verið haldnar fjórar mál-
stofur. Þær voru um almannaþjón-
ustu, heimilin, jafnréttismál og um-
hverfismál. Allir þingfulltrúar tóku
þátt í umræðuhópum um málefnin.
„Þetta vakti mjög mikla ánægju,“
sagði Elín. Hún tók sjálf þátt í mál-
stofu um jafnréttismál sem Þorgerð-
ur Einarsdóttir, prófessor í kynja-
fræði, stýrði. „Það var alveg
glimrandi umræða,“ sagði Elín.
Minnispunktar frá málstofunum
verða síðan nýttir í starfi BSRB.
Framkvæmdanefnd BSRB var
kosin á þinginu. Árni Stefán Jónsson
var endurkjörinn fyrsti varaformað-
ur og Garðar Hilmarsson annar
varaformaður. Kristín Á. Guð-
mundsdóttir var endurkjörin ritari
BSRB. Þá var Snorri Magnússon,
formaður Landssambands lögreglu-
manna, kosinn gjaldkeri.
Launamun verði þegar eytt
 Elín Björg Jónsdóttir var endurkjörin formaður BSRB  Launakönnun sýnir
mikinn mun á launum BSRB-fólks og launum á almennum vinnumarkaði
2 FRÉTTIRInnlent
MORGUNBLAÐIÐ LAUGARDAGUR 13. OKTÓBER 2012
A
N
T
O
N
&
B
E
R
G
U
R
Almenni lífeyrissjóðurinn býður sjóðfélögum á fund
í hádeginu 17. október.
• Hver hefur ávöxtun sjóðsins verið á árinu?
• Hvar eiga sjóðfélagar að ávaxta séreignarsparnaðinn sinn?
Fundurinn verður haldinn í húsnæði sjóðsins í Borgartúni 25, 5. hæð.
Skráðu þig á www.almenni.is
Morgunblaðið Hádegismóum 2, 110 Reykjavík. Sími 5691100 Fréttir Guðmundur Sv. Hermannsson, Sigtryggur Sigtryggsson, ritstjorn@mbl.is Viðskipti Agnes Bragadóttir, vidskipti@mbl.is Menning Pétur Blöndal menning@mbl.is Íþróttir Víðir
Sigurðsson sport@mbl.is mbl.is Guðrún Hálfdánardóttir, Sunna Ósk Logadóttir netfrett@mbl.is, Smartland Marta María Jónasdóttir, smartland@mbl.is Umræðan | Minningar | Bréf til blaðsins mbl.is/sendagrein Prentun Landsprent ehf.
Kjartan Kjartansson
kjartan@mbl.is
Eitt af þremur hjartaþræðingartækjum Landspítalans
við Hringbraut bilaði í vikunni. Vilhelmína Haraldsdóttir,
framkvæmdastjóri lyflækningasviðs sjúkrahússins, segir
að það hægist á því að sjúklingar séu kallaðir inn í að-
gerðir á meðan ekki sé hægt að nota það.
Tækið er tæplega fimmtán ára gamalt en það bilaði
þegar lampi fór í því. Vilhelmína segir að búið sé að gera
ráðstafanir og panta varahluti. Ekki sé búist við því að
það taki langan tíma að koma tækinu aftur í gang.
„Það er alltaf óþægilegt þegar svona tæki bilar. Við
þurfum að hafa þau í góðu lagi. Þetta er það tæki sem við
vitum að er komið á endurnýjun og við vonumst til að
geta endurnýjað. Það hefur ekki ennþá orðið,“ segir hún.
Vilhelmína segir að það sé fyrst og fremst út af skorti á
fjármagni sem ekki hafi verið hægt að endurnýja tækin
hingað til. Nýtt hjartaþræðingartæki kosti 140-150 millj-
ónir króna. Hin hjartaþræðingartækin tvö eru tíu og
fjögurra ára gömul.
Á þriðja þúsund aðgerða á hverju ári
Vilhelmína segir að bilunin hafi ekki mikil áhrif á starf-
semi hjartadeildarinnar til skamms tíma litið.
„Þegar eitt af þremur tækjum bilar kemur það meira
niður á innköllunarþjónustunni en bráðaþjónustunni,
hún gengur alltaf fyrir. Innköllunin gengur auðvitað
hægar þegar svona tæki bilar. Það truflar okkur þannig,“
segir hún.
Alls eru gerðar um 1.800 hjartaþræðingar á hjarta-
deild spítalans á ári en þegar taldar eru með kransæða-
víkkanir, gangráðsísetningar og ýmsar rannsóknir eru
aðgerðirnar sem gerðar eru í tækjunum á þriðja þúsund
að sögn Gests Þorgeirssonar, yfirlæknis á hjartadeild-
inni.
Kalla inn færri í hjarta-
þræðingu út af biluðu tæki
 Tvö af tækjum hjartadeild-
ar spítalans yfir 10 ára gömul
Ásdís Kristjáns-
dóttir verður
meðal 1.800 þátt-
takenda í heims-
meistarakeppn-
inni í Járnkarli á
Kona á Hawaii í
dag. Hún er ann-
ar Íslendingurinn
sem nær þátt-
tökulágmarkinu
en Karen Axels-
dóttir, sem tók þátt í fyrra, varð að
hætta keppni þegar hún varð sjóveik
í sundinu. Í viðtali við Smartland síð-
asta haust sagðist Ásdís harð-
ákveðin í því að ljúka keppni. „Ég
óttast ekki sjóinn, ég elska sjóinn og
verð ekkert sjóveik. En á Hawaii er
vissulega mjög heitt og því er mesta
áskorunin fyrir mig að komast í
gegnum þennan hita,“ sagði Ásdís.
Hægt er að fylgjast með Ásdísi á
heimasíðu keppninnar, ironman-
worldchampionship.com, en rás-
númer hennar er 966.
Ásdís á HM í
Járnkarli á
Hawaii í dag
Ásdís
Kristjánsdóttir
Lögreglan á Suðurnesjum bar í gær
kennsl á lík sem fannst sjórekið í
Keflavík. Það var af manni af erlend-
um uppruna sem var búsettur í
Reykjanesbæ. Von er á tilkynningu
frá lögreglunni um málið í dag.
Erlendur ferðamaður sem var á
göngu með sjónum í Keflavík í gær
hafði samband við Neyðarlínuna og
kvaðst hafa séð lík. Neyðarlínan
hafði samband við lögregluna á Suð-
urnesjum klukkan 11.55 í gær.
Þegar lögregla og sjúkralið komu
á staðinn reyndist líkið vera í klett-
óttri og stórgrýttri fjörunni neðan
við gömlu sundhöllina í Keflavík.
Það var af fullorðnum karlmanni.
Ekki var vitað hver hann var.
Slökkviliðsmenn notuðu lyftubíl við
að ná líkinu úr fjörunni.
Lögreglan á Suðurnesjum óskaði í
gær eftir upplýsingum um manna-
ferðir á svæðinu frá því í fyrrakvöld.
Lögreglan sagði ekki unnt að veita
frekari upplýsingar um málið en
hvatti alla sem hefðu einhverjar
upplýsingar um mannaferðir á
svæðinu að hafa samband.
gudni@mbl.is
Borin
kennsl á
sjórekið lík
 Bjó í Reykjanesbæ
Bleiku LED-ljósin í glerhjúp Hörpu voru tendr-
uð í gærkvöldi og verður tónlistar- og ráðstefnu-
húsið baðað bleiku ljósi um helgina, til stuðnings
Krabbameinsfélagi Íslands í átakinu Bleiku
slaufunni.
Halldór Guðmundsson, forstjóri Hörpu, sagði
að Harpa vildi með táknrænum hætti sýna sam-
stöðu með átakinu en samráð var haft við Ólaf
Elíasson, hönnuð glerhjúpsins, um lýsinguna.
Bleika slaufan er tákn Krabbameinsfélagsins í
baráttunni gegn krabbameini hjá konum og voru
landsmenn hvattir til að skrýðast bleiku á árleg-
um bleikum degi í gær. Þá höfðu 40.300 bleikar
slaufur verið seldar til styrktar átakinu en sölu-
markmiðið er 50 þúsund slaufur.
Sýna samstöðu með táknrænum hætti
Morgunblaðið/Eggert
Harpa í rósbleikum bjarma