Morgunblaðið - 13.10.2012, Side 4

4 FRÉTTIRInnlent
MORGUNBLAÐIÐ LAUGARDAGUR 13. OKTÓBER 2012
Viðar Guðjónsson
vidar@mbl.is
Þorsteinn Víglundsson, fram-
kvæmdastjóri Samtaka álframleið-
enda, telur málflutning Katrínar
Júlíusdóttur fjármálaráðherra um
að útflutningsfyrirtæki hagnist á
veiku gengi krónunnar byggjast á
misskilningi.
„Það má færa rök fyrir því að
krónan sé ekki óeðlilega veik. Ég
myndi miklu frekar halda því fram
að meðalgengi krónunnar hafi ver-
ið óeðlilega sterkt á undanförnum
20 árum. Því til stuðnings má
benda á að krónan er ekki að
styrkjast þrátt fyrir gjaldeyris-
höft,“ segir Þorsteinn Víglunds-
son, formaður Samtaka álframleið-
enda.
Almenn skattlagning
Katrín var iðnaðarráðherra árið
2009 og undirritaði samkomulag
ásamt fjármálaráðherra fyrir hönd
ríkisstjórnarinnar við SA og aðila í
orkufrekum iðnaði um sérstakan
orkuskatt til þriggja ára. Nú hefur
verið ákveðið að framlengja skatt-
lagninguna til ársins 2018.
,,Menn höfðu góðan vilja til þess
að hafa þetta einungis til þriggja
ára. En þessir aðilar eru ennþá að
hagnast á gengi krónunnar,“ segir
Katrín en bætir við að skattlagn-
ingunni sé ekki einungis beint
gegn stóriðju. Um sé að ræða al-
menna skattlagningu sem einnig
beinist að öðrum fyrirtækjum og
heimilum í landinu.
Sértæk skattlagning
Þorsteinn lítur málið öðrum
augum. „Auðvitað er um að ræða
sértæka skattlagningu þar sem
orkufrekur iðnaður notar um 80%
af allri raforku í landinu. Þetta er
íþyngjandi því þetta er bein skatt-
lagning á aðföng. Hér er ekki um
að ræða skatt á hagnað, heldur
rekstur og það skerðir samkeppn-
isstöðu fyrirtækjanna,“ segir Þor-
steinn.
Hann segir ríkisstjórnina svíkja
gerða samninga og það muni skaða
fjárfestingu hér í landinu. „Ef við
ætlum að skapa hér umhverfi fyrir
fjárfestingu erlendra aðila, þá
þurfa þeir að geta treyst því að
hér ríki stöðugleiki í skattlagn-
ingu. Í þessu tilfelli eru stjórnvöld
að koma aftan að fjárfestum með
því að svíkja gerða samninga. Það
er ótrúverðugt fyrir samkeppnis-
hæfni landsins,“ segir Þorsteinn.
Katrínu finnst djúpt í árinni tek-
ið að tala um svik í þessu sam-
hengi. „Við erum í sömu stöðu í
dag og við vorum árið 2009. Mark-
mið okkar er að ná hallalausum
fjárlögum til þess að hægt verði að
afnema gjaldeyrishöft. Því hangir
tekjuöflun saman við að hægt
verði losa höft til þess að við-
skiptalífið geti blómstrað hér á
ný.“ segir Katrín.
Hún segir hins vegar að tilefni
sé til að endurskoða orkuskattinn
ef gengi krónunnar styrkist á ný.
Misskilningur
að gengi krón-
unnar sé veikt
 Endurskoða skatt ef krónan styrkist
Morgunblaðið/Golli
Helguvík Orkuskattur verður
áfram innheimtur til ársins 2018.
Orkuskattur
» Ríkisstjórnin ákvað að halda
áfram að innheimta sérstakan
orkuskatt þrátt fyrir samninga
um afnám hans í lok árs.
» Fjármálaráðherra segir aðila
í orkufrekum iðnaði hagnast á
veiku gengi krónunnar.
» Formaður SÁ segir misskiln-
ing að útflutningsfyrirtæki
græði á gengi krónu þar sem
hún sé ekki óeðlilega veik.
Ágúst Ingi Jónsson
aij@mbl.is
„Dagskipunin til skipstjóra hérna
fyrir vestan er einfaldlega: Forðist
ýsuna,“ segir Skjöldur Pálmason,
framleiðslu- og sölustjóri hjá Odda
hf. á Patreksfirði. Hann segir að mik-
ið sé af ýsu á öllum miðum, hvort sem
það er grunnt eða djúpt eða inni á
fjörðum. Ýsan sé um allt.
Þó svo að fiskveiðiárið sé rétt
byrjað séu menn þegar komnir í
veruleg vandræði með ýsukvóta. Áð-
ur hafi ýsan komið sem meðafli en nú
sé miklu meira af henni en áður og
stórýsa sé áberandi. Hjá mörgum
stefni í erfiðleika við að ná þorski og
öðrum tegundum þegar líði á fisk-
veiðiárið, en ýsukvóti hafi verið
skertur verulega á síðustu árum.
„Það er alveg nýtt í þessu að ýsukvót-
inn skuli vera svona lítill og ýsuveiðin
svona mikil,“ segir Skjöldur.
Langflestir Vestfjarðabátar eru
á línuveiðum.
Í haust hefur mjög stór fiskur
verið uppistaðan í þorskaflanum fyrir
vestan, en það veldur ákveðnum erf-
iðleikum á markaði. Skjöldur segir að
best verð fáist fyrir millistóran fisk
og sé þá sama hvort verið er að selja
ferskt, frosið eða saltað. Með upp-
byggingu síðustu ár hafi ekki aðeins
þorskstofninn stækkað heldur séu
einstaklingarnir stærri en áður.
Markaðurinn vilji hins vegar allt aðra
vöru og víða á mörkuðum sé ástandið
viðkvæmt, til dæmis í Suður-Evrópu.
Skjöldur segir einnig áberandi
hversu mikið sé af löngu á miðunum.
Hún fáist miklu grynnra en áður og
hiklaust mætti auka löngukvótann.
Dagskipunin að forðast ýsu
Morgunblaðið/Ómar
Ýsa Menn eru þegar komnir í veru-
leg vandræði með ýsukvótann.
 Vandræði með ýsukvótann þegar í upphafi ársins  Ýsu
að finna á öllum miðum  Einnig mikið af löngu á miðunum
Hluthafafundur Bakkavör Group ehf. verður haldinn
mánudaginn 22. október nk. kl. 10:00 á Hótel Sögu,
Hagatorgi, 107 Reykjavík.
Eftirtalin mál eru á dagskrá fundarins:
1. Framlagning efnahags- og rekstrarreiknings félagsins skv. 85. gr.
laga nr. 138/1994 um einkahlutafélög
2. Kjör skilanefndar
3. Önnur mál.
Dagskrá og endanlegar tillögur munu liggja frammi á skrifstofu
félagsins hluthöfum til sýnis sjö dögum fyrir hluthafafundinn.
Tillögur frá hluthöfum sem bera á upp á hluthafafundi skulu vera
komnar í hendur stjórnarinnar eigi síðar en sjö dögum fyrir
hluthafafund.
Atkvæðaseðlar og önnur fundargögn verða afhent á fundardegi
frá kl. 9:30 á fundarstað. Athygli er vakin á að atkvæðisréttur
miðast við hlutaskrá að morgni 19. október 2012.
Reykjavík 12. október 2012
Stjórn Bakkavör Group ehf.
Hluthafafundur Bakkavör Group ehf.
Í ljós hefur komið að lifrarpylsubitar sem dreift var í
reiðhöll Gusts í Kópavogi fyrir sýningu Hundarækt-
unarfélagsins Rex í síðasta mánuði innihéldu músa-
eða rottueitur.
Lögregla hafði samband við Ásgeir Guðmundsson,
formann Rex, í gær eftir að niðurstöður úr greiningu
lágu fyrir. „Okkur er verulega brugðið. Þetta er
glórulaus verknaður og það skilur enginn maður
þetta. Að það sé hægt að gera svona lagað,“ sagði Ás-
geir í samtali við mbl.is í gær.
Ásgeiri var ekki kunnugt um að nokkur hundur
hefði étið lifrarpylsuna en lifrarpylsubitunum hafði
verið dreift við inngang reiðhallarinnar. „Sem betur
fer sáum við þetta um leið og við komum inn í húsið
og tókum þá ákvörðun að hleypa engum þar inn fyrr
en við værum komin með álit dýralæknis,“ segir Ás-
geir.
Kom mönnum í opna skjöldu
Aðstandendur sýningarinnar grunaði strax að ekki
væri allt með felldu þegar þeir sáu að einhverju hafði
verið bætt í bitana. Sýningunni var frestað og engum
dýrum hleypt inn í reiðhöllina næstu daga á eftir og
varð nokkur röskun á starfsemi Gusts vegna þessa.
Þegar málið kom upp sagði Ásgeir að það hefði
ekki átt neinn aðdraganda, aðstandendum sýning-
arinnar hefðu ekki borist hótanir og uppátækið hefði
komið mönnum algjörlega í opna skjöldu. Hann segir
þó liggja fyrir hvað mönnum gekk til.
„Ég veit ekki í hversu miklu magni eitrið var en ef
þetta var rottueitur, eins og ýmislegt bendir til, hefðu
hundarnir drepist fljótlega. Það er ljóst að það var
bara einn tilgangur; að drepa hundana,“ sagði Ásgeir
í gær. Hann sagði að ákvörðun yrði tekin eftir helgi
um framhald rannsóknar málsins.
holmfridur@mbl.is
Lifrarpylsan eitruð
 Músa- eða rottueitur  „Glórulaus verknaður“  Ljóst
að tilgangurinn var að drepa hundana, segir formaður Rex
AFP
Hundalíf Engum ferfætlingi varð meint af eitruðu lifr-
arpylsunni en Ásgeir segir ljóst að ætlunin hafi verið að
koma hundunum fyrir kattarnef.
Um fjörutíu þátttakendur keppa til úrslita í Nýsköp-
unarkeppni grunnskólanemenda sem nú stendur yfir.
Alls bárust 1.100 hugmyndir frá 32 grunnskólum í
keppnina en þær voru af ýmsum toga. Má þar t.d. nefna
eggjatínslukörfu, iPad-dans-app, trampólínlás og vatns-
hlaupahjól. Á myndinni má sjá Sigríði Töru Jóhann-
esdóttur, sem var upptekin við smíði búrahreinsis fyrir
kanínuna sína, Róbert, þegar ljósmyndara bar að garði.
Blómstrandi nýsköpun í grunnskólunum
Morgunblaðið/Ómar
Nýsköpunarkeppni grunnskólanemenda fer fram í Háskólanum í Reykjavík