Morgunblaðið - Sunnudagur - 30.12.2012, Qupperneq 34

*Græjur og tækniSímar og spjaldtölvur eru í aðalhlutverki þegar litið er yfir græjur ársins sem er að líða »36
Þ
að var í mörg horn að líta hjá Gunnari Birni Guðmundssyni leikstjóra þegar erindrekar Sunnudagsblaðs
Morgunblaðsins stungu við stafni hjá honum að morgni föstudags milli jóla og nýárs. Síðustu tökum á
Áramótaskaupi Sjónvarpsins 2012 var nýlokið og stefnt að því að skila verkinu fullkláruðu síðar um dag-
inn. Þá er bara að spenna beltin, landsmenn góðir!
Gunnar gaf sér þó tíma til að tína til nokkrar af sínum eftirlætisgræjum að beiðni blaðsins. „Satt best að segja
er ég enginn sérstakur græjukarl. Ég er alla vega ekki týpan sem er fremst í röðinni þegar
nýjustu græjurnar koma á markað,“ segir Gunnar og glottir við tönn.
Hann hefur þó not fyrir græjur af ýmsu tagi, bæði í leik og starfi, má þar nefna
sjónvarp, síma og tölvu sem hann notar óspart og gæti líklega ekki verið án, alltént
ekki í vinnunni.
Mynddiskatækið er líka undir talsverðu álagi á heimilinu enda safnar fjölskyldan öllu
íslensku efni sem gefið er út í DVD-formi. „Maður verður að fylgjast með,“ segir
Gunnar.
Af græjum sem Gunnar hefur gagn af í frístundum má nefna hlaupaúr og Golf-
Bödda og af heimilistækjum eru sódastrímtækið og nýja klakavélin í sérstöku uppá-
haldi. Synd væri að segja að síðarnefnda græjan kæmi strax upp um sig. „Það er alveg
rétt, fæstir átta sig strax á því hvað þetta er, og benda gjarnan á að kaffivélin okkar sé
óvenjuleg. En þetta er algjör eðalgræja, maður fyllir hana bara af vatni og áður en hendi
er veifað er kominn klaki.“
Svona er ís-land í dag!
Sími
Sími er ekki lengur bara
sími, það vitum við
öll. Gunnar segir
iPhone-inn gera
aðrar tæknigræjur
meira og minna óþarf-
ar.
Flatskjár
Kvikmyndaleikstjórinn horfir að vonum
mikið á sjónvarp og Phillips-flatskjárinn er
fyrir vikið í mikilli notkun.
Sódastrím
Fyrir utan tæknilegar
græjur er Sódastrím-
tækið sú græja sem
Gunnar notar mest.
Honum þykir sóda-
vatnssopinn góður.
Hlaupaúr
Gunnar hleypur sér
til heilsubótar og
GPS-hlaupaúrið
kemur að góðum
notum, einkum er-
lendis, þar sem auð-
velt er að villast.
Ferðatölva
Ferðatölva er löngu orðin
rökrétt framlenging á nú-
tímamanninum og Gunnar
skilur Lenovo-ferðatölvuna
sjaldan við sig.
Klakavél
Gunnar festi kaup á
þessari reffilegu
klakavél á þessu ári.
Hún er nægilega af-
kastamikil til að
hafa undan í
samkvæmum.
Golf-Böddi
Gunnar er
mikill áhuga-
maður um
golfíþróttina
og besti vinur
hans á vell-
inum er Golf-
Böddi (e. Golf
Buddy).
Morgunblaðið/RAX
GUNNAR BJÖRN GUÐMUNDSSON, LEIKSTJÓRI ÁRAMÓTASKAUPSINS
Praktíkin ofar öllu
IPHONE, SJÓNVARP, KLAKAVÉL, GOLF-BÖDDI OG SÓDASTRÍMTÆKI ERU MEÐAL ÞEIRRA
GRÆJA SEM GUNNAR BJÖRN GUÐMUNDSSON, LEIKSTJÓRI ÁRAMÓTASKAUPS
SJÓNVARPSINS, HELDUR MEST UPP Á.
Orri Páll Ormarsson orri@mbl.is
Gunnar Björn Guð-
mundsson leikstjóri á
heimili sínu. Fartölvan
er aldrei langt undan.