Morgunblaðið - Sunnudagur - 30.12.2012, Page 38

*Föt og fylgihlutir Fjórir tískuspekingar gera upp árið á sviði tísku og fatahönnunar og spá í það sem koma skal »40
Hvernig myndir þú lýsa þínum fatastíl?
,,Ég myndi segja að fatastíllinn minn hafi verið að breytast nokkuð hin
síðari ár. Hann er verða klassískari, einfaldari og herralegri. Ég klæðist í
dag mikið svörtum fötum, bláum og gráum í bland við hvítt. Á sumrin
finnst mér gaman að vera bæði í sterkum litum og hvítum fötum.“
Hver eru bestu fatakaupin þín?
,,Ég held það sé gráa Jil Sander-peysan sem ég keypti þegar ég bjó í
München árið 1998 en ég geng enn í henni og það sér varla á henni eftir
gegndarlausa notkun í öll þessi ár.“
En þau verstu?
,,Ég á mörg dæmi um slæm fatakaup og þau verstu hafa orðið þegar ég
hef verið að reyna að vera önnur týpa en ég er. Svo keypti ég líka einu
sinni rándýrt Emporio Armani-vesti í Sydney í Ástralíu í hálfgerðu æði en
þegar heim var komið sá ég að það hentaði engan veginn.“
Hverju er mest af í fataskápnum?
,,Skóm!“
Hvar kaupir þú helst föt?
,,Starfsins vegna kaupi ég helst föt í útlöndum.“
Áttu þér einhvern uppáhaldsfatahönnuð?
,,Ég held mikið upp á Jil Sander og Prada. Upp á síðkastið kann ég líka
stöðugt betur að meta Ralph Lauren.“
Hvaða þekkta andlit finnst þér með flottan stíl?
,,Mér finnst Tom Ford og David Beckham flottastir þótt þeir séu ekki
mínar fyrirmyndir í þessum efnum.“
Einhver flík sem þig dreymir um að eignast á nýju ári?
,,Mig langar rosalega mikið í Sergio Rossi-skó og ólívugrænan Ralph
Lauren-jakka. Svo gæti ég vel hugsað mér að bæta Burberry frakka í
fataskápinn.“
Hvernig ætlarðu að klæða þig á áramótunum?
,,Ég hugsa að ég verði í bláum flauelsjakka sem ég keypti í Helsinki um
daginn, blárri skyrtu og G star-gallabuxum sem ég keypti í sömu ferð.“
Áttu þér eitthvert gott stef, ráð eða mottó, þegar kemur að fata-
kaupum?
,,Ég eyði meiri peningum í jakka, buxur og skó. En svo má alltaf spara
og redda sér með annað eins og skyrtur, boli og slíkt.“
Hvert er þitt eftirlætistísku-tímabil (og hvers vegna)?
,,Skemmtilegasta tískutímabilið í mínu lífi er frá 1998 til 2005 því þá
keypti ég mér mikið af fötum og þá voru að koma fram svo margir nýir
flottir hönnuður hjá tískumerkjunum sem ég kunni best að meta. En
skemmtilegasta tískutímabilið almennt eru árin frá 1955 til 1965 því þá
var svo mikil gerjun og gróska í fatahönnun.“
Morgunblaðið/Kristinn
BLÁR FLAUELSJAKKI Á ÁRAMÓTUNUM
Eyðir í jakka,
buxur og skó
SÍMON ORMARSSON KAUPIR HELST FÖT Í ÚTLÖNDUM
ENDA Á FERÐ OG FLUGI STARFS SÍNS VEGNA SEM FLUG-
ÞJÓNN HJÁ ICELANDAIR. HANN HELDUR MIKIÐ UPP
Á GRÁA JIL SANDER-PEYSU SEM HANN KEYPTI FYRIR
SÍÐUSTU ALDAMÓT.
Eyrún Magnúsdóttir eyrun@mbl.is
Í fataskáp smekkmannsins
Símonar Ormarssonar er
mikið af skóm.
Í nýrri herra-
skólínu Sergio
Rossi eru bæði
lágir skór og
ökklaskór.
David
Beckham
er flottastur.
Tískuhönnuðurinn
Jil Sander er í uppá-
haldi hjá Símoni.
Burberry frakki
væri fín viðbót
við fataskápinn.Ralph
Lauren.