Morgunblaðið - 15.03.2013, Blaðsíða 11

Leikarar Þrátt fyrir að hafa bæði áralanga reynslu af sviðsleik segist Stefán Gunnar Sigurðsson ekki viss um að
leiklistin verði hans framtíðarstarf á meðan Embla Huld Þorleifsdóttir á sér draum um að nema sviðslistina.
voða fyndið að koma Icesave brönd-
urum að. Í Drekanum er svo margt
sem fær mann til að hugsa. Þetta
er ádeila á samfélagið, bæði fyrir 60
árum þegar þetta var skrifað og
nútímasamfélög eins og til dæmis
Norður-Kóreu, Pussy Riot í Rúss-
landi og Sýrland. Leikritin sem við
höfum sett upp áður hafa oft verið
skemmtileg en kannski ekki mikið
búið að baki þeim. Það var þá
kannski þannig að þeir sem sáu
verkin rifjuðu upp fyndin atriði eft-
ir á en þeir sem sjá þetta verk rifja
kannski upp setningar eða hug-
myndir sem snerta þá,“ segir Stef-
án og Embla tekur við. „Þetta leik-
rit fær mann til að hugsa meira en
mörg önnur verk og pæla almennt í
hlutunum.“
Styrktarsýning
Síðasta sýning leikfélags-
ins, þann 19. mars, er styrkt-
arsýning þar sem allur ágóði
rennur til Krabbameinsfélags
Íslands. „ Þetta var hugmynd
sem við fengum í fyrra en var
ekki framkvæmd. Nú tók ég mig
til og spurði okkar ástkæra
formann leikfélagsins hvort
það væri ekki ráð að gera
þetta að veruleika og
það varð úr,“ segir
Stefán sem hvetur
alla til að koma
og sjá sýninguna
og þá sér-
staklega þann
19. mars.
DAGLEGT LÍF 11
MORGUNBLAÐIÐ FÖSTUDAGUR 15. MARS 2013
Franski heimspekingurinn Jean-
Paul Sartre komst vel að orði í
bók sem kom út árið 1946: „Við
höfum gert Guð að úreltri tilgátu
sem deyja mun út, friðsamlega og
af sjálfu sér.“ Til að varpa ofurlitlu
ljósi á ummælin er rétt að geta
þess, að hann var róttækur rök-
hyggjumaður (neitaði að láta til-
finningar bera sig ofurliði) – og
Guð fær ekki lifað meðal skyn-
samra og vel upplýstra manna. Til
vitnis um það er að sárafáir af
bestu vísindamönnum Bandaríkj-
anna eru trúaðir.
Þetta er lykilatriði sem hjálpar
til við að svara annarri spurningu.
Vinur minn benti mér nefnilega á
frábæran mælikvarða til að skera
úr um gæði náms: Hversu margir
eru trúaðir eftir að hafa lokið
náminu? Því færri sem trúa,
því betra er námið, enda hef-
ur það kennt t.d. rökhugsun.
Verkfræði skorar hátt á
þessu prófi.
Tveimur áratugum
eftir útgáfu bókar
Sartres virtist heimur-
inn þokast í rétta átt
og bandaríska vikurit-
ið Time spurði árið
1966 á forsíðu sinni:
Er Guð dáinn? 3.500
Kanar skrifuðu ritstjóra
blaðsins bréf, fjúkandi
reiðir.
Ætli sambærileg forsíða
myndi vekja viðbrögð hér á landi
næstum 50 árum síðar? Fyrir fá-
einum misserum hefði ég haldið að
flestum myndi vera sama. Guð dó
friðsamlega á sama tíma og þekk-
ing manna jókst, eða það hélt ég.
Það kom mér í opna skjöldu hve
stór hluti kjósenda kaus að hafa
þjóðkirkjuna í nýrri stjórnarskrá.
Nokkru síðar vildu einhverjir
sjálfstæðismenn að lagasetning
miðaðist við kristileg gildi. Ég geri
ráð fyrir að þeir séu trúaðir. Og
hvað er á næsta leiti?
Fjölmargir að ferm-
ast, reyndar flest-
ir til að komast
í álnir geri ég
ráð fyrir. (Ég
skil ekki hvað
fær nútímaforeldra til
að ferma afkvæmin). Ég
hugga mig allavega við að
í þessari upptalningu eru
tölfræðilega litlar líkur á
að um sé að ræða banda-
ríska snillinga.
» „Við höfum gert Guðað úreltri tilgátu sem
deyja mun út, friðsamlega
og af sjálfu sér“
Heimur Helga Vífils
Helgi Vífill Júlíusson
helgivifill@mbl.is
Skráning stendur nú yfir á dymbil-
vikunámskeið í barna- og unglinga-
deild Myndlistaskóla Reykjavíkur
sem fara fram næsta mánudag,
þriðjudag og miðvikudag, 25., 26. og
27. mars. Fyrir 6-9 ára og 10-12 ára
verður boðið upp á námskeiðin
Dvergar, trítlar og hobbitabú, sem
Guðrún Vera Hjartardóttir og Elsa Dó-
róthea Gísladóttir, myndlistarmenn
og kennarar við skólann, hafa umsjón
með. Þar verða leitaðar uppi æv-
intýraverur og þeim gefið líf með lit-
um, tónum og fjölbreyttum efniviði.
Fyrir aldurshópinn 13-16 ára verður
boðið upp á námskeið í fatahönnun
eða því sem kallast á ensku „upcycl-
ing“, sem mætti þýða sem endur-
hönnun á íslensku. Þar kennir Magn-
ea Einarsdóttir fatahönnuður ýmsar
aðferðir við að vinna ofan í og með
tilbúin efni; prjóna ofan í þau, prjóna
með þeim, sauma í þau o.s.frv. Þann-
ig getur gömul flík orðið að einhverju
alveg nýju og spennandi.
Hægt er að finna nánari upplýs-
ingar um námskeiðin og skrá sig á:
www.myndlistaskolinn.is
Námskeið fyrir krakka og unglinga
Dvergar, trítlar og hobbitabú
„Ég var að leita að verki síðasta sumar og þá benti vinur minn, Árni Krist-
jánsson leikstjóri, mér á þetta verk en hann lék í því í uppfærslu leik-
félags MH fyrir 13 eða 14 árum síðan.“ segir Benedikt Karl Gröndal sem
leikstýrir Drekanum. Benedikt sá tækifæri í því að setja upp verk sem
væri ekki aðeins gleðin ein heldur líka með djúpan boðskap. „Það er svo
vinsælt hjá menntaskólakrökkum að setja upp sýningar sem eru bara
skemmtun og það er auðvitað ekkert að því. Leikhús á að vera skemmti-
legt og fá fólk til að gleyma stund og stað en ef það er hægt að lauma sér
inn í meðvitundina með boðskap þá eru það tveir plúsar.“
Leikritið Drekinn var upphaflega skrifað sem barnaævintýri í Rússlandi
svo að höfundurinn væri ekki tekinn af lífi fyrir áróður gegn Stalín. „Þetta
var mjög hættulegt umræðuefni en er líka dæmi um hvað þetta er gott og
vel skrifað leikrit þegar maður getur tengt þetta við nútímann. Það
elskuðu til dæmis flestir ástandið hérna árið 2007 þar sem
margt var keypt fyrir peninga sem ekki voru til. Síðan fór allt
á hausinn en samt eru margir sem vilja þetta ástand aftur.
Það fylgdi þessu lúxus og öllum leið vel en enginn skoðaði
hvað bjó þarna á bak við. Hvaða dreki ríkti hér.“
Benedikt er gamall kvenskælingur sjálfur en hann útskrif-
aðist frá skólanum fyrir sjö árum. Eftir að hafa numið leiklist
í Danmörku var hann ráðinn til að leikstýra í gamla skólanum
sínum fyrir ári síðan og svo aftur nú í ár. „Það er mjög gaman
að leikstýra menntaskólakrökkum. Þau eru svo hugsandi.
Það eru allir svo frjóir og hafa mikla löngun í að gera vel.
Allir á tánum með opið hjarta. Leiklist snýst auðvit-
að um að leika sér og finna barnið í sjálfum sér.
Um leið og maður fær fólk til að hlæja er
auðveldara að skila boðskap til áhorfand-
ans.“
Áróður falinn í barnaævintýri
LEIKHÚS Á AÐ VERA SKEMMTILEGT
Benedikt segir
menntaskólanema
almennt vera hugs-
andi með opið hjarta.
Upplýsingar um sýningartíma
má nálgast á fésbókarsíðu Fúríu
Drekinn, leikrit Kvennaskólans
2013. Miðaverð er 1.500 krónur.
E R T U Á L E I Ð T I L Ú T L A N D A ?
Ábyrgðar- og þjónustuaðilar: Optical Studio Smáralind, s. 528 8500 og Optical Studio Keflavík, s. 4213811
OPTICAL STUDIO
FRÍHÖFN LEIFSSTÖÐ
Með öllum margskiptum glerjum
fylgir annað par frítt í þínum styrkleika.
Láttu þetta ekki framhjá þér fara.
ALLT AÐ 50% ÓDÝRARI EN SAMBÆRILEG VARA
Á MEGINLANDI EVRÓPU
Umgjörð: Lindberg Spirit Umgjörð: Chrome Hearts