Morgunblaðið - 15.03.2013, Blaðsíða 18

18 FRÉTTIRInnlent
MORGUNBLAÐIÐ FÖSTUDAGUR 15. MARS 2013
Baldur Arnarson
baldura@mbl.is
„Eftirspurnin eftir menntuðum kokk-
um og þjónum eykst hraðar en fram-
boðið. Ég viðraði áhyggjur af þessu á
fundi hjá ferðamálasamtökum höfuð-
borgarsvæðisins þar sem aðilar hjá
Íslandsstofu héldu erindi og fékk þá
það svar að kokkar og þjónar yrðu
fluttir inn til landsins og að málið
leystist þannig af sjálfu sér,“ segir
Baldur Sæmundsson, áfangastjóri
Hótel- og matvælaskóla Mennta-
skólans í Kópavogi.
Haft var eftir tveimur fulltrúum
hótelgeirans í Morgunblaðinu í gær
að flytja þyrfti inn vinnuafl til að anna
eftirspurn í greininni.
Spurður út í þetta segist Baldur
hæglega getað menntað tvöfalt til
þrefalt fleiri þjóna án þess að það leiði
til offramboðs í greininni.
„Reglur hafa verið rýmkaðar þann-
ig að nú er hægt að taka fleiri nem-
endur á samning hjá fyrirtækjum
sem fá orðið greitt 15-16.000 krónur á
viku með hverjum nemanda. Vegna
þessa hefur þjónum í námi fjölgað um
50% frá árinu 2008,“ segir Baldur og
tekur dæmi.
Langt yfir meðaltalinu
„Að meðaltali höfum við útskrifað
11-13 á ári síðan námið hófst í Hótel-
og matvælaskólanum árið 1996. Ég er
að útskrifa 14 í maí og 12-14 til við-
bótar í haust. Ég myndi halda að við
þyrftum að útskrifa tvöfalt til þrefalt
fleiri til að mæta eftirspurn.“
Hótel- og matvælaskólinn býður
upp á nám í framreiðslu, matreiðslu,
kjötiðn og bakaraiðn og segir Baldur
aukinn ferðamannastraum hafa
reynst öllum greinunum lyftistöng.
Spurður hvers vegna skólinn út-
skrifi ekki fleiri nemendur segir
Baldur að aðsókn í námið sé að
aukast en megi vera meiri. Þar komi
meðal annars til sá viðhorfsvandi að
iðnnámi sé ekki sýnd viðhlítandi virð-
ing líkt og öðru námi.
„Ef markaðurinn heldur áfram að
stækka þurfum við að bregðast við
því. Það bráðvantar nemendur í
bakstur og kjötiðn og raunar er
ástandið þannig að maður hefur
áhyggjur af viðgangi greinanna. Það
eru alltaf störf fyrir góða þjóna. Þar
er endurnýjunin líka hröð, enda er
hér ekki mikið af eldri þjónum, líkt og
er mun algengara víða erlendis.“
Vísbending um svarta vinnu
Um 3.800 af 20.000 félagsmönnum í
Eflingu – stéttarfélagi starfa í hótel-
og veitingageiranum. Eru þeir allir
starfandi á höfuðborgarsvæðinu.
Spurð hvort hún merki að skortur
sé á matreiðslumönnum og þjónum
segir Harpa Ólafsdóttir, forstöðu-
maður kjaramálasviðs Eflingar, að
þvert á móti sé fjöldi félagsmanna í
Eflingu án vinnu í þessum greinum.
Það komi ekki heim og saman við
fréttir af því að flytja þurfi inn vinnu-
afl til að manna stöður.
„Í janúar voru 1.750 félagsmanna
okkar án vinnu. Þar af koma um 17%,
eða 290 manns úr hótelgeiranum. Við
spyrjum okkur af hverju þessi hópur,
290 manns, er að detta út af vinnu-
markaði í þessum geira. Við höfum
áhyggjur af því að svört atvinnu-
starfsemi viðgangist í þessum grein-
um. Í okkar hópi er vinnuaflið frekar
sveigjanlegt, enda er það ekki búið að
sérhæfa sig á ákveðnu sviði. Meiri-
hluti starfsfólks í hótel- og veitinga-
geiranum er undir þrítugu. Þessi
hópur ætti að eiga auðvelt með að
færa sig á milli starfa.“
Skortur á kokkum og þjónum
 Áfangastjóri Hótel- og matvælaskólans segir skólann ekki anna eftirspurn eftir kokkum og þjónum
 Skólann bráðvanti nema í kjötiðn og bakaranám  Efling telur merki um svarta atvinnustarfsemi
Baldur
Sæmundsson
Harpa
Ólafsdóttir
Árlegur skattadagur Lögréttu, fé-
lags laganema, verður haldinn í
Háskólanum í Reykjavík, Sólinni,
laugardaginn 16. mars frá kl. 11-
17. Lögfræðiþjónusta Lögréttu
stendur að skattadeginum ár
hvert og aðstoða sjálfboðaliðar á
þriðja til fimmta ári gesti við
framtalsgerð. Þá eru sérfræðingar
KPMG þeim innan handar.
Fram kemur í tilkynningu að
allir séu velkomnir og á staðnum
verði pólskur túlkur. Í fyrra hafi
hátt í 350 manns nýtt sér þessa
þjónustu.
Þeir sem óska eftir þjónustunni
verða að hafa meðferðis lykilorð
og auðkennislykil til að komast
inn í heimabanka, veflykil inn á
rsk.is og verktakamiða síðasta árs
(ef við á).
Frestur til að skila skattframtali
einstaklinga er til 21. mars.
Laganemar
aðstoða við
skattframtal
Hópur áhugafólks um ferðafrelsi
hefur miklar áhyggjur af frumvarpi
til nýrra náttúruverndarlaga, en um-
ræður um það standa yfir. Hópurinn
hvetur þingmenn eindregið til að
samþykkja ekki frumvarpið að svo
stöddu.
Í frétt frá áhugahópi um ferða-
frelsi segir: „Umhverfis- og sam-
göngunefnd þingsins fór yfir málið
og gerði nokkrar breytingar sem
hópurinn telur til bóta, en eftir
stendur frumvarp sem engin sátt er
um. Teljum við að frumvarpið byggi
á grunni sem var mjög einhliða unn-
inn og án samráðs eða samstarfs við
stóran hluta útivistarfólks. Því til
staðfestingar má benda á að yfir 16
þúsund manns skrifuðu undir mót-
mæli gegn frumvarpinu á vefsíðunni
www.ferdafrelsi.is.
Við óttumst að lögin óbreytt muni
hefta för almennings um íslenska
náttúru og skerða aðgengi til útivist-
ar á Íslandi. Því hvetjum við þing-
menn, sem vinna fyrir fólkið í land-
inu, til að standa vörð um vilja þess
fólks sem lögin eiga að gagnast,
hafna frumvarpinu og verja ferða-
frelsi Íslendinga um eigið land. Úti-
vistarfólk er hlynnt góðum og skýr-
um lögum um náttúruvernd; lögum
þar sem jafnræðis og meðalhófs er
gætt; lögum sem hægt er að fram-
fylgja og fara eftir. Svo er ekki með
þetta frumvarp.“
Telja lög hefta för al-
mennings um náttúruna
Morgunblaðið/RAX
Skógafoss í klakaböndum Ferðamennska að vetri á vaxandi vinsældum að
fagna. Skógafoss er ekki síður vígalegur á vetri en sumri.
Bíldshöfða 16, 110 Reykjavík 414 84 00 www.martex.is
Góð þjónusta
byrjar með
flottu útliti.
Fataframleiðandi
fagfólksins
BRAGARD
Hlíðasmára 11 · 201 Kópavogur · Sími: 534 9600 · heyrn.is
Heyrirðu fuglana syngja?
eða ertu að fara á mis við hljóð sem skipta miklu máli?
Komdu í
greiningu hjá
faglærðum
heyrnarfræðingi
Hugsaðu þér að þú getir auðveldlega fylgst með sérhverju samtali,
skynjað á réttan hátt hljóðin í kring um þig og getir án óþæginda verið í mjög mismunandi hávaða.
Eða með öðrum orðum getir á eðlilegan hátt hlustað á það sem þú vilt heyra.
Þetta er allt mögulegt með Verso, sem eru nýjustu og fullkomnustu heyrnartækin frá ReSound.