Morgunblaðið - 15.03.2013, Blaðsíða 54

54 MENNING
MORGUNBLAÐIÐ FÖSTUDAGUR 15. MARS 2013
Einar Falur Ingólfsson
efi@mbl.is
„Ef það augnablik kemur að ég næ
fullum tökum á þessu ferli og skil
það til fulls, þá ætti ég í raun að
breyta því,“ segir skoski myndlist-
armaðurinn Callum Innes brosandi.
Sýning á nýjum olíumálverkum og
vatnslitamyndum hans verður opnuð
í i8 galleríi klukkan 17 í dag. Innes
er vel kynntur í alþjóðlegu listalífi.
Hann er í hópi kunnustu abstrakt-
málara sinnar kynslóðar, er á mála
hjá þekktum alþjóðlegum galleríum
og var tilnefndur til Turner-
verðlaunanna á sínum tíma.
Verk Innes eru formhrein og
byggð á afmörkuðum litaflötum, en
olíuverkin eru byggð upp með
hverju litalaginu á fætur öðru sem
Innes síðan fjarlægir að hluta með
terpentínu. „Afmálun“ hefur tæknin
verið kölluð. Eins gerir hann í vatns-
litamyndunum, nema þar dregur
hann vatnið upp með svömpum og
penslum og bætir lagi á lag ofan af
litarefni. Áhrifin eru óvenjuleg og
heillandi; gegnumskin yfirborðslit-
anna gefur tilfinningu fyrir öðrum
litaheimum undir.
„Spurningin er alltaf hvernig
listamaðurinn vinnur með tungumál
síns miðils og þróar það áfram,“ seg-
ir Innes þar sem við skoðum verkin
sem verið er að stilla upp í gall-
eríinu.
„Í listsköpun skiptir mestu hvern-
ig reynt er að þoka miðlinum áfram.
En þettta snýst ekki bara um það
hvernig er málað heldur líka hvernig
verkin fanga augnablik í tímanum.
Það er margt sem gerist í ferlinu, á
leiðinni að augnablikinu sem áhorf-
andinn upplifir.
Allir bera eitthvert skynbragð á
málverk og ég þekki það vel, frá
þeim tíma sem ég kenndi við listahá-
skóla, að ef þriðja flokks málverk er
hengt upp við hlið þriðja flokks ljós-
myndar, þá lítur ljósmyndin alltaf
miklu betur út. Fólk skynjar betur
gallana í málverkinu en hins vegar
taka allir ljósmyndir sjálfir og eru
einhvern veginn glámskyggnari á
gallana þar.
Spíralverkun á fletinum
Í raun snúast verkin um ljós,“
segir Innes. „Ég er með bakgrunn í
fígúratífu málverki og lít enn á verk-
in sem fígúratíf, en það er svo margt
sem gerist í glímunni við fomin og
litina. Verkin eru gerð með hönd-
unum og möguleikinn á mistökum er
sínálægur.“
Lóðrétt lína skiptir myndfleti mál-
verkanna. Innes dregur fingur eftir
einni þeirra og segir að augnablikið
þegar hann dragi þessa línu á verkin
og skipti þeim upp geri þau spenn-
andi fyrir sér. „Það sem virkar jafn-
vel mínimalískt og útreiknað þegar
við horfum hér á verkin kemur út úr
óreiðu og viðkvæmu ferli. Ég fjar-
lægi lag eftir lag af málningu og þeg-
ar það gengur upp finnst mér ein-
hvers konar spíralverkun fara af
stað. Verkin öðlast dýpt og lifna,“
segir hann og höndin teiknar spíral í
loftið fyrir framan fjólubláan litaflöt
sem leynir rauðum, svörtum og
grænum tónum.
Þegar Innes málar vatnslita-
verkin dregur hann hverja litablönd-
una eftir aðra á pappírinn og er af-
raksturinn einstakar litablöndur
með sérkennilega ljóðrænu gegn-
umskini. „Hvert þessara verka hefur
sína sögu,“ segir hann. En hefur
Innes eitthvað á móti því að verkin
séu sögð falleg?
„Nei,“ segir hann og hlær. „Ég
hef ekkert á móti því að fólk skil-
greini verkin eins og því sýnist, en
ég myndi frekar nota orðið erfið!“
Morgunblaðið/Einar Falur
Afmálum „Verkin eru gerð með höndunum og möguleikinn á mistökum er sínálægur,“ segir Callum Innes.
Það sem virðist útreikn-
að sprettur úr óreiðu
 Skoski abstraktmálarinn Callum Innes sýnir í i8 galleríi
„Tónræn umönn-
un“ nefnist fyr-
irlestur sem Val-
gerður Jóns-
dóttir músík-
þerapisti heldur
á vegum tónlist-
ardeildar Lista-
háskóla Íslands í
Sölvhóli í dag kl.
12.30. Allir eru
velkomnir og að-
gangur ókeypis.
Í erindinu kynnir Valgerður
doktorsrannsókn sína sem nefnist
„Music-caring within the fram-
ework of early intervention. The
lived experience of a group of
mothers of young children with
special needs, participating in a
music therapy group“ og hún varði
við Álaborgarháskóla árið 2011.
„Í snemmtækri íhlutun er lögð
áhersla á að greiningu sé fylgt eftir
með úrræðum sem í ljósi núverandi
þekkingar séu líkleg til að draga úr
áhrifum fötlunar á líf barns og fjöl-
skyldu þess. Lögð er áhersla á að
bæta horfur barnsins, efla lífsgæði
þess og sjálfstæði. En fá úrræði eru
til sem hafa það að markmiði að
huga beint að foreldrunum sjálf-
um,“ segir m.a. í kynningu, en alls
tóku sjö mæður þátt í rannsókninni.
Fjallar um tónræna umönnun í Sölvhóli
Valgerður
Jónsdóttir
Félags íslenskra teiknara (FÍT) fagn-
ar 60 ára afmæli sínu á þessu ári og
af því tilefni var þeim Hauki Mar
Haukssyni og Guðmundi Oddi Magn-
ússyni boðin heiðursaðild að félag-
inu. Þeir þykja hafa unnið ötullega
að því að gera grafískri hönnun á Ís-
landi hærra undir höfði og að koma
henni á framfæri í öllum kimum
menningarsamfélagsins.
Á nýafstaðinni uppskeruhátíð FÍT
voru veitt verðlaun í 22 flokkum. Sér-
stök heiðursverðlaun hlaut bókakápa Ármanns Agnarssonar en bókin er
um verk myndlistarmannsins Hreins Friðfinnssonar Hús eða House Proj-
ect. Opnuð hefur verið sýning á þeim verkum sem hlutu verðlaun og við-
urkenningar í Listasafni Reykjavíkur og stendur sýningin til 17. mars.
Tveir nýir heiðursmeðlimir FÍT
Heiðraðir Guðmundur Oddur Magn-
ússon og Haukur Mar Hauksson.
Í tilefni þess að í dag eru 60 ár liðin
frá stofnun Bókasafns Kópavogs
verður boðið upp á afmælisdagskrá í
dag og næstu tvo daga. Gestir safns-
ins fá afmælisköku og kaffi í dag
milli kl. 13 og 17, auk þess sem boð-
ið verður upp á ljóðalestur og tón-
listarflutning. Á sama tíma á morgun
verður boðið upp á flaututónlist,
sögustund með Leynifélaginu auk
þess sem Gjábakkaskáldin og félagar í Ritlistarhópi Kópavogs lesa úr
verkum sínum.
Á sunnudaginn kl. 11 verður sérstök ljóðamessa í Kópavogskirkju. Þar
verða flutt ljóð eftir skáld tengd Kópavogi og í stað hefðbundinnar pré-
dikunar mun sr. Hjörtur Pálsson skáld fjalla um skáldið Þorstein Valdi-
marsson. Fyrir altari þjónar sr. Sigurður Arnarson. Kór Kópavogskirkju
syngur undir stjórn Lenku Mátéová. Allar nánari upplýsingar um afmæl-
isdagskrána eru á vefnum bokasafnkopavogs.is.
60 ár frá stofnun Bókasafns Kópavogs
Hátíð Safnahúsið í Kópavogi hýsir Bóka-
safn og Náttúrufræðistofu Kópavogs.
Breski plötu-
snúðurinn Mid-
land treður upp á
Volta við
Tryggvagötu 22 í
kvöld. Sam-
kvæmt upplýs-
ingum skipu-
leggjenda er
Midland „þekkt-
ur fyrir óhefð-
bundinn hljóðheim sinn þar sem
saman blandast rætur techno- og
house-tónlistar“. Til upphitunar
verða íslensku DJ-arnir Skeng og
Jon Edvald. Húsið opnað kl. 23.
Bandaríski saxófónleikarinn Col-
in Stetson leikur á staðnum nk.
sunnudagskvöld. Meðal þeirra sem
hann hefur starfað með í gegnum
tíðina eru Arcade Fire, Tom Waits,
TV on the Radio, Bon Iver, LCD
Soundsystem, The National, David
Byrne og Feist. Auk Colins Stetsons
kemur íslenski raftónlistarmað-
urinn Úlfur fram. Húsið opnað kl.
20.
Forsala miða á báða viðburði er á
midi.is en miðasala fer síðan fram
við innganginn.
Midland og Stetson leika á Volta
Midland
4ra rétta tilboðsseði
ll og A la Carte í Per
lunni
Perlan • Sími 562 0200 • Fax 56
2 0207 • perlan@perlan.is
Verð aðeins
6.850 kr.
Næg bílastæði
Gjafabréf
Perlunnar
Góð gjöf við öll
tækifæri