Morgunblaðið - 01.05.2013, Side 13

KAUPMÁTTUR
ATVINNA
VELFERÐ
1. MAÍ 2013
Í 90 ár hefur íslenskt launafólk fylkt liði í kröfugöngum
í baráttunni fyrir réttlátu samfélagi. Enda þótt mikið
hafi áunnist og þjóðfélagið tekið stakkaskiptum er
grundvallarstefið í verkalýðsbaráttu enn það sama. Við
verðum að hafa atvinnu, launin okkar þurfa að skila okkur
kaupmætti, við þurfum að geta skapað fjölskyldum okkar
öruggt húsnæði og velferðarþjónustan verður að vera á
viðráðanlegu verði.
Verðbólgan er versti óvinur launafólks. Hún skerðir
kaupmátt launanna okkar og orsakar háa vexti á lánunum
okkar. Óstöðugt gengi íslensku krónunnar er einn af
orsakavöldum mikillar verðbólgu. Því skiptir sköpum fyrir
hagsmuni launafólks að meiri festa verði í þróun á gengi
krónunnar. Við höfum ekkert val, við verðum að segja
verðbólgunni stríð á hendur.
ASÍ óskar launafólki til hamingju með daginn og hvetur
til samstöðu í aðgerðum stéttarfélaganna 1. maí.