Morgunblaðið - 14.05.2013, Blaðsíða 4
4 FRÉTTIRInnlent
MORGUNBLAÐIÐ ÞRIÐJUDAGUR 14. MAÍ 2013
Floti Landhelgisgæslunnar lá allur við bryggju í
Reykjavík nýlega. Utast lá eftirlits- og sjómæl-
ingaskipið Baldur en það hefur nú verið málað í
sömu litum og varðskipin Ægir, Týr og Þór.
Baldur var tekinn í slipp hjá Skipasmíðastöð-
inni í Njarðvík um síðustu mánaðamót og var þá
málaður. Hann mun sinna margvíslegum verk-
efnum við sjómælingar, æfingar og eftirlit.
Baldur var smíðaður í Vélsmiðju Seyðisfjarðar
og tekinn í notkun í maí árið 1991 eða fyrir 22
árum. Hann er sérstaklega smíðaður til sjómæl-
inga og um borð eru margvísleg mælitæki.
Öll skip Landhelgisgæslunnar eru nú orðin grá að lit
Morgunblaðið/Árni Sæberg
Flotinn sem gætir fiskimiðanna og veitir aðstoð á sjó
Ingvar P. Guðbjörnsson
ipg@mbl.is
„Þetta er bara sama og var í fyrra.
Það er lengdur opnunartíminn um
klukkutíma frá sex til sjö. Þetta er
eitthvað sem við sættumst á í fyrra,
að þetta væri gert með þessum
hætti. Við óskuðum hinsvegar eftir
því nú að þetta yrði opnað lengra
fram á kvöldið, til klukkan tíu,“ segir
Ásgeir Magnússon, sveitarstjóri
Mýrdalshrepps, um þá ákvörðun
Umhverfisstofnunar að opnunartími
í Dyrhólaey á tímabilinu frá 8. maí til
25. júní verði á þann hátt að umferð
gangandi almennings verður heimil
á Lágey og Háey eftir merktum
göngustígum frá kl. 9 til 19. Akandi
umferð verður heimil á Lágey á
sama tíma en óheimil á Háey. Á
kvöldin og yfir nóttina verði friðland-
ið lokað en frá 25. júní verði það opið
allan sólarhringinn.
Ásgeir segir sveitarfélagið hafa
óskað eftir lengdum opnunartíma á
kvöldin fyrir þær sakir að það sé
mikil ferðamannaumferð á svæðinu
fram á kvöld.
Skelltu á nefið á fólkinu
„Þeir sem voru að vinna þarna í
fyrra voru nánast að skella á nefið á
fólki þannig að við vildum að þetta
yrði opið lengur,“ segir hann.
„Eins erum við ósátt við að fólk fái
ekki að fara upp á Háey. Það er ekk-
ert varp þar og engin rök fyrir því en
ég geri ráð fyrir því að menn sætti
sig bara við þetta. Þetta er gott skref
í áttina og þjónar þeim hagsmunum
sem við erum fyrst og fremst að
horfa á þarna að ferðamenn geti
heimsótt þessa perlu,“ segir Ásgeir.
Hann segir að það hafi verið gerð
veruleg úttekt á stöðu fuglalífs í eyj-
unni í fyrra og fuglafræðingur sé
nýbúinn að fara um og telja. Nið-
urstaðan úr því hafi verið sú að hann
hafi ekki séð ástæðu til annars en að
með stýrðri umferð og leiðbeiningu
ætti varp æðafugls og mófugls að
geta farið vel saman við umferð
manna um svæðið og að umferð æða-
fugls í fyrra hafi verið með mesta
móti.
„Mesta hættan er á því að refurinn
eyðileggi varpið. Það voru tveir
skotnir um hábjartan dag árið 2011.
Þegar þetta er lokað þá getur ref-
urinn athafnað sig þarna. Mann-
skepnan er sú skepna sem refurinn
óttast hvað mest þannig að ef fólk er
á ferli þá er minni hætta á að hann
eyðileggi varpið,“ segir Ásgeir.
Í minnisblaði fuglafræðings frá
því í vor segir raunar að ein af for-
sendum fyrir því að æðavarp geti
dafnað í eyjunni sé að mikil áhersla
sé lögð á eyðingu refa og minka á
svæðinu.
Opið á daginn fyrst um sinn
Dyrhólaey verður opin allan sólarhringinn eftir 25. júní Meiri ógn er af ref en stýrðri umferð
manna, segir sveitarstjóri Mýrdalshrepps Mikil ásókn ferðamanna hefur verið í Dyrhólaey á kvöldin
Morgunblaðið/Árni Sæberg
Dyrhólaey Vinsæl hjá ferðamönnum allan ársins hring.
Skúli Hansen
skulih@mbl.is
Fjöldi fólks mætti á kynningarfund í
húsakynnum Bændaferða við Síðu-
múla 2 í Reykjavík í gærkvöldi þar
sem Ari Trausti Guðmundsson veð-
urfræðingur kynnti hópferð til suð-
urskautsins sem Bændaferðir munu
bjóða upp á í ársbyrjun 2014.
„Það er flogið til London og síðan
frá London yfir til Buenos Aires.
Svo er farið til Eldlands, Usuhaia,
og þar er farið um borð í 4.500 tonna
farþegaskip sem er styrkt til sigl-
inga í ís,“ segir Ari Trausti í samtali
við blaðamann og bendir á að þaðan
sé ferðinni heitið að Antarktíku-
skaganum. Að sögn Ara Trausta er
fjölbreytilegt dýralíf á skaganum en
þar sé meðal annars hægt að sjá
margar tegundir mörgæsa og
nokkrar tegundir af selum og hvöl-
um.
Óhrædd við mannfólk
Þá bendir Ari Trausti á að í ferð-
inni sé hægt að komast í mikla ná-
lægð við dýralífið. Þannig sé farið í
gúmmíbátum frá skipinu sjálfu og
yfir í land. Hann segir dýrin þarna
óhrædd við fólk. „Þú getur alveg
verið á kafi ofan í þeim,“ segir Ari
Trausti en bendir þó á að bannað sé
að snerta dýrin sökum smithættu.
Að sögn Ara er um ævintýraferð
að ræða enda sé dagskráin spunnin
dag frá degi.
„Skipstjóri skipsins getur engu
lofað um að hann ætli að stoppa hér
eða þar. Hann verður að fara eftir
sjólagi og eftir ís, þannig að þetta er
náttúrlega óvissuferð eftir að komið
er yfir á skagann,“ segir Ari Trausti.
Samkvæmt upplýsingum frá
Bændaferðum er um rúmlega
tveggja vikna ferð að ræða, en ferðin
mun standa yfir frá 19. janúar 2014
til 2. febrúar. Verðið á ferðinni er
mismunandi og fer það einkum eftir
því hvers konar klefa fólk pantar um
borð í skipinu, sem ber nafnið Sea
Explorer.
Alþjóðlegt flug vegna ferðarinnar
mun kosta um 350 þúsund krónur á
mann, þá kostar ódýrasti klefinn um
borð í skipinu tæpa 1,1 milljón á
mann og sá dýrasti rétt tæplega 1,9
milljónir. Innifalið í ferðinni er m.a.
fararstjórn af hálfu Ara Trausta,
gisting í eina nótt ásamt morgunmat
í Ushuaia, gisting og fullt fæði um
borð í skipinu og stígvél til afnota.
Ævintýraferð til suðurheimskautsins
Bændaferðir ætla að bjóða upp á ævintýralega hópferð til suðurheimskautsins í ársbyrjun 2014
Ari Trausti Guðmundsson verður fararstjóri Siglt verður á sérstaklega styrktu skemmtiferðaskipi
Morgunblaðið/Eggert
Fjölmenni Talsverður fjöldi fólks mætti á kynningarfundinn í gærkvöldi.
Ófært er á öllu hálendinu og á sum-
um fjallvegum er umferð bönnuð.
Þannig er allur akstur bannaður
inn í Landamannalaugar, um báðar
Fjallabaksleiðir, Arnarvatnsheiði,
Kjöl, hluta af Sprengisandsleið og
inn að Lakagígum.
Að sögn Pálls Halldórssonar,
rekstrarstjóra Vegagerðarinnar á
Selfossi, er ekki mikill snjór á fjall-
vegum á starfssvæði hans en mikill
klaki og aurbleyta komin í þá, að
minnsta kosti neðantil. Hann segir
Vegagerðarmenn vera búna að
moka þann snjó sem hægt var fyrir
innan Kerlingarfjöll. Sú leið gæti
opnast fyrst. Nú sé hins vegar spáð
kólnandi veðri aftur og því ólíklegt
að hægt verði að opna á umferð inn
á hálendið í bráð. kjartan@mbl.is
Lokað á alla umferð
á fjallvegum
Héraðsdómur Reykjavíkur dæmdi í
gær karlmann í fjögurra mánaða
skilorðsbundið fangelsi og til að
greiða 29 milljónir króna í sekt til
ríkissjóðs fyrir meiriháttar brot
gegn skattalögum og almennum
hegningarlögum.
Maðurinn var framkvæmdastjóri
og stjórnarmaður einkahlutafélags-
ins J-einnátta og stóð í starfi þess,
sem og persónulega, skil á efnis-
lega röngum skattframtölum. Þrátt
fyrir að maðurinn hafi neitað sök
þótti dóminum sannað að hann
hefði brotið af sér.
29 milljóna kr. sekt
fyrir skattalagabrot