Morgunblaðið - 14.05.2013, Blaðsíða 17
FRÉTTIR 17Innlent
MORGUNBLAÐIÐ ÞRIÐJUDAGUR 14. MAÍ 2013
Stofnun dr. Sig-
urbjörns Einars-
sonar heldur í
vikunni málþing
með Mark C.
Taylor, forseta
trúarbragða-
fræðideildar Col-
umbia háskóla í
New York.
Yfirskrift á er-
indi Taylors er
Fjármálamarkaðir: Trúarbrögð nú-
tímans. Málþingið verður í fyrir-
lestrarsal Þjóðminjasafnsins á
fimmtudag klukkan 13.30-16 en það
er haldið í samstarfi við Guð-
fræðistofnun Háskóla Íslands.
Viðbrögð við fyrirlestri Taylors
veita Jón Ólafsson heimspekingur
og Sigríður Ingibjörg Ingadóttir
hagfræðingur. Umræðustjóri verð-
ur Bogi Ágústsson, formaður Stofn-
unar Sigurbjörns Einarssonar. Mál-
þingið er öllum opið og án
þátttökugjalds.
Mark C. Taylor er doktor í heim-
speki frá Kaupmannahafnarhá-
skóla þar sem hann skrifaði um
Hegel og Kierkegaard, og doktor í
trúarbragðafræðum frá Harvard í
Bandaríkjunum. Hann var um tíma
prófessor við Williams háskóla. Eft-
ir hann eru fjöldi bóka og greina á
sviði trúarbragðafræði, heimspeki,
guðfræði, hagfræði, listfræði og
arkitektúr.
Fjallar um fjármál
og trúarbrögð
Mark C. Taylor
Borgarstjórinn í Reykjavík óskar
nú í þriðja sinn eftir ábendingum
frá borgarbúum um Reykvíking
sem verið hefur öðrum til fyrir-
myndar. Ábendingarnar verða not-
aðar til að velja Reykvíking ársins.
Til greina koma aðeins einstakl-
ingar, sem hafa með háttsemi sinni
eða atferli verið til fyrirmyndar á
einhvern hátt.
Reykvíkingur ársins hlýtur verð-
laun frá Reykjavíkurborg og fær
m.a. boð frá borgarstjóra um að
opna Elliðaárnar með honum.
Ábendingar um einstaklinga skal
senda ásamt rökstuðningi á net-
fangið hugmynd@reykjavik.is eða
bréflega til skrifstofu borgarstjóra
fyrir 22. maí nk.
Í Elliðaánum Theodóra Guðrún Rafnsdótt-
ir, Reykvíkingur ársins 2012, ásamt Jóni
Gnarr borgarstjóra í Elliðaárdal í fyrra.
Leitað að Reyk-
víkingi ársins
STUTT
Kjartan Kjartansson
kjartan@mbl.is
Alls lögðu 73 þúsund manns leið sína
á skíðasvæði höfuðborgarsvæðisins í
vetur. Það er fjölgun um 15.000 gesti
á milli ára. Skíðasvæðin voru opin 72
daga þennan veturinn, sem er tæpri
viku styttra en veturinn 2011-12.
Lokað var fyrir sumarið í Bláfjöllum
og Skálafelli eftir uppstigningardag.
„Veturinn var mjög góður og betri
en í fyrra. Það voru örlítið færri opn-
unardagar en mun fleiri gestir. Við
viljum bæði þakka það veðri og að
einhverju leyti nýju lyftunni sem við
keyptum í fyrra og við köllum töfra-
teppi,“ segir Magnús Árnason,
framkvæmdastjóri Skíðasvæða höf-
uðborgarsvæðisins.
Nýja lyftan er þeim kostum gædd
að nú þurfa foreldrar og börn ekki
að halda sér í neitt á leiðinni upp
brekkuna heldur standa þau á nokk-
urs konar færibandi. „Það varð gríð-
arleg aukning í kringum það og við
sáum svakalega mikla nýliðun. Bæði
yngri krakka, alveg niður í tveggja
ára, með foreldrum sínum og gömlu
skíðin koma út aftur,“ segir Magnús.
Ekki eru miklar framkvæmdir
fyrirhugaðar á skíðasvæðunum í
sumar og segir Magnús að aðallega
verði hugað að viðhaldi og hugs-
anlega landgræðslu. Stefnan sé þó
að festa kaup á troðara á þessu ári
sem kæmi þá til landsins á því
næsta. Slík vél gæti kostað á bilinu
42-45 milljónir króna.
Veðurfar hagstæðara í vetur
Magnús er einnig formaður Sam-
taka íslenskra skíðasvæða og segir
verulega fjölgun gesta á skíðasvæð-
um hafi átt sér stað á landinu öllu.
Um 222.000 manns hafi rennt sér í
skíðabrekkum landsins þennan vet-
urinn borið saman við 165.000 í
fyrra. Hann rekur fjölgunina fyrst
og fremst til veðursins.
„Það voru ríkjandi suðvestanáttir
í fyrra sem eru slæmar fyrir bæði
Hlíðarfjall og Reykjavík. Núna var
veðrið stöðugra og hagstæðari vind-
áttir,“ segir Magnús.
Lítill snjór
Mikill snjór hefur verið fyrir
norðan og austan í vetur en hið sama
var ekki upp á teningnum fyrir
sunnan.
„Það var lítill snjór fyrir sunnan
en hann hélst allan tímann í fjöll-
unum. Það kom hláka í febrúar og
við héldum að við værum búin að
missa svæðið út alveg. Við fluttum
snjó í byrjendasvæðin þar sem við
misstum allan snjóinn. Eftir að við
gerðum það var frost og smám sam-
an bætti í þannig að við þurftum
aldrei að hafa áhyggjur af þessum
plástrum sem við settum á.“
Morgunblaðið/Ómar
Salíbuna Veruleg nýliðun var á skíðasvæðum höfuðborgarsvæðisins að sögn framkvæmdastjóra þeirra. Hana
þakkar hann nýrri skíðalyftu sem tekin var í notkun í fyrra. Börn niður í tveggja ára komi með foreldrum sínum.
Þúsundir flugu upp skíða-
brekkurnar á töfrateppi
Gestum á skíðasvæði landsins fjölgaði um 57.000 milli ára
Í fremstu röð
í 20 ár...
Humarhúsið
101 Reykjavík · humarhusid@humarhusid.is
Amtmannsstíg 1 sími: 561·3303