Morgunblaðið - 14.05.2013, Blaðsíða 20
20 FRÉTTIRErlent
MORGUNBLAÐIÐ ÞRIÐJUDAGUR 14. MAÍ 2013
Kristján Jónsson
kjon@mbl.is
Minnst níu manns létu lífið af völdum bílsprengju nálægt
Jalaa-sjúkrahúsinu í Benghazi í austanverðri Líbíu í gær,
meðal hinna látnu voru tvö börn, að sögn BBC. Óttast var
að tala látinna myndi hækka. Efnt hefur verið til margra
tilræða í borginni síðustu daga og mikil ókyrrð hefur ver-
ið í öllu landinu síðustu vikurnar en þar er vopnaeign al-
menn. Herskáir íslamistar í landinu eru mjög ósáttir við
stefnu ráðamanna sem eru að miklu leyti úr röðum
hófsamra múslíma.
Benghazi hefur lengi verið vígi íslamista og vilja sumir
þeirra slíta tengslin við vesturhlutann með höfuðborginni
Tripoli. Vígamenn sem setið höfðu um ráðuneyti utan-
ríkis- og dómsmála í Tripoli í nokkrar vikur afléttu um-
sátrinu um helgina. Umsátursmenn kröfðust þess að
embættismenn sem gegndu störfum fyrir Gaddafí yrðu
reknir. Líbíska þingið samþykkti nýlega lagabreytingu til
að verða við kröfunni og Ali Zeidan, forsætisráðherra
landsins, sagði sl. miðvikudag að búast mætti við að
einhverjir ráðherrar misstu stólinn.
Átök hafa einnig verið í grannríkinu Túnis, þar komst
íslamistaflokkurinn Ennahda til valda í kosningum eftir
fall einræðisherrans Zine El Abidine Ben Alis, sem nú er í
útlegð. Ofstækisfyllsti hópurinn í sumum arabalöndum
kennir sig við salafisma. Leiðtogi þeirra í Túnis, Abu
Iyadh, sem er í útlegð, sendi í gær frá sér yfirlýsingu á
netinu og hótaði að hefja stríð gegn þarlendum ráða-
mönnum vegna stefnu þeirra sem væri andstæð íslam.
Mannskæð árás í Líbíu
Leiðtogi salafista í Túnis hótar nú þarlendum ráðamönnum stríði
Skipulagði ofbeldisverk
» Abu Iyadh, sem réttu nafni
mun heita Seif Allah Ibn Huss-
ein, er sakaður um að skipu-
leggja fjölda ofbeldisverka.
» Hann hefur verið á flótta
síðan í september sl. eftir að
íslamistar réðust á bandaríska
sendiráðið í Túnisborg. Fjórir
þeirra féllu.
Mexíkói kannar ástandið á 12 þúsund gúmmíöndum sem tóku þátt í geysi-
miklu kappsundi sem hófst á Nichupte-vatninu við borgina Cancun um
helgina. Ekki er alveg ljóst hvaða skilyrðum endurnar, sem vafalaust eru
nú allar úr plasti en ekki gúmmí, þurfa að fullnægja. Ágóðinn af keppninni
og veðmálum í tengslum við hana fer allur til góðgerðamála. Svipuð anda-
sund eru vinsæl víða um heim.
AFP
Andakappsundið mikla 2013 er hafið í Mexíkó
Líklega bannað að nota utanborðsmótor
Nýtt afbrigði svonefndrar kóróna-
veiru hefur orðið fimmtán manns að
bana í Sádi-Arabíu og ríkir nú ótti í
landinu vegna málsins í landinu, að
sögn AFP. Tilfelli hafa einnig verið
greind í Jórdaníu, Þýskalandi, Bret-
landi og Frakklandi. Fulltrúar Al-
þjóðaheilbrigðisstofnunarinnar,
WHO, segja líklegt að veiran geti
smitast milli manna sem eigi náin
samskipti og óttast að hún geti
breiðst út.
Nýja veiran nefnist NCoV, hún
kom fyrst upp í fyrra og er náskyld
HABL-veirunni (SARS) sem banaði
um 800 manns 2002-2003. Helstu ein-
kenni eru hiti, beinverkir, þurr hósti
og öndunarörðugleikar, vitað er að
veiran getur valdið lungnabólgu og
einnig nýrnabilun. WHO segir að
nýja afbrigðið sé ekki HABL, veir-
urnar séu ólíkar en sú staðreynd að
þær séu skyldar valdi áhyggjum.
Fjölmargir hafa leitað aðstoðar á
sjúkrahúsum í Al-Ahsa-héraði í Sádi-
Arabíu og verið settir í einangrun.
Alls hafa 34 tilfelli af veirunni komið
upp síðan hún var fyrst greind í sept-
ember 2012 og 18 látist úr sjúkdómn-
um, samkvæmt upplýsingum WHO.
Auk Sádi-Arabíu hafa tilfelli verið
greind í Jórdaníu, Þýskalandi, Bret-
landi og Frakklandi.
Í síðastnefnda landinu veiktist
maður um fimmtugt eftir að hafa deilt
sjúkrastofu með 65 ára manni sem
varð veikur eftir heimkomu frá Dubai
við Persaflóa. Kórónaveira veldur oft-
ast venjulegu kvefi en HABL olli al-
varlegri bráðri öndunarfærasýkingu
og lungnabólgu. kjon@mbl.is
Hættuleg veira
líkist HABL
Talið mjög lík-
legt að hún smitist
við snertingu
Lífshætta HABL (SARS) olli skelf-
ingu víða um heim fyrir um áratug.
Meirihluti fjárfesta í Evrópu er
vantrúaður á að kreppunni í evru-
ríkjunum sé að ljúka og telur að
hún eigi enn eftir að versna, ef
marka má skoðanakönnun Fitch-
matsfyrirtækisins, segir í Wall
Street Journal. En 41% segist vera
á því að stuðningur Seðlabanka
ESB við evruna dugi og það versta
sé afstaðið.
Uppgangur hefur verið á fjár-
málamörkuðum Evrópu frá sl.
hausti. En Eurostat, hagtölustofn-
un ESB, spáir að landsframleiðsla í
17 aðildarríkjum evrunnar minnki
að meðaltali um 0,4% á þessu ári.
Atvinnuleysi mældist í mars 12,1%.
Fram kom í könnuninni að aðeins
9% aðspurðra óttast verðbólgu en
29% segja á hinn bóginn að veruleg
hætta sé á að verðhjöðnun verði
vandamál.
Fjármálaráðherrar evruland-
anna hittust í Brussel í gær og var
búist við að þeir legðu blessun sína
yfir stuðning við bæði Grikkland og
Kýpur. En áhyggjur af erfiðri stöðu
Slóveníu varpa skugga á fundinn.
kjon@mbl.is
EVRÓPUSAMBANDIÐ
Fjárfestar svartsýnir
og segja að kreppan
sé alls ekki afstaðin
Leiðtogasætið á
afvopnunar-
ráðstefnu Sam-
einuðu þjóðanna
færist eftir staf-
rófsröð á milli 65
aðildarríkja
hennar og nú er
komið að Írön-
um. Sumir gagn-
rýna að ríki sem grunað er sterk-
lega um að hafa brotið ákvæði um
bann við útbreiðslu kjarnorku-
vopna skuli fá það hlutverk að stýra
umræðum um afvopnun.
„Þetta er eins og að láta Jack the
Ripper [frægan kvennamorðingja í
London seint á 19. öld] reka athvarf
fyrir konur,“ sagði Hillel Neuer,
yfirmaður SÞ-vaktarinnar, sam-
taka sem hafa aðsetur í Genf.
kjon@mbl.is
AFVOPNUNARRÁÐSTEFNA SÞ
Íranar taka við
stýrinu
Nethyl 2 110 Reykjavík Sími 568 1245
Sérfræðingar í
líkamstjónarétti
Veitum fría ráðgjöf
fyrir tjónþola
Pantaðu tíma: fyrirspurnir@skadi.is
www.skadi.is
Þ. Skorri
Steingrímsson,
Héraðsdóms-
lögmaður
Steingrímur
Þormóðsson,
Hæstaréttar-
lögmaður