Morgunblaðið - 14.05.2013, Blaðsíða 38

38 MENNING
MORGUNBLAÐIÐ ÞRIÐJUDAGUR 14. MAÍ 2013
Silja Björk Huldudóttir
silja@mbl.is
„Hér ríkir gríðarleg stemning og
óhætt að segja að strákarnir okkar
hafi gert það gott. Þeir hafa vakið
mikla athygli og Eyþór Ingi er að
slá í gegn. Þannig að við erum mjög
bjartsýn og
spáum því að lag-
ið komist upp úr
undankeppninni
og verði með á
lokakvöldinu,“
segir Felix
Bergsson, en
hann verður
kynnir Íslands í
Eurovision-
söngvakeppninni
árið 2013 sem haldin er í Malmö í
Svíþjóð. Fyrri undankeppnin fer
fram í kvöld og þar keppa 16 lög, en
seinni undankeppnin fer fram á
fimmtudaginn kemur og þar keppa
17 lög, þeirra á meðal „Ég á líf“ í
flutningi Eyþórs Inga sem er fram-
lag Íslands þetta árið. Aðalkeppnin
fer síðan fram laugardaginn 18. maí,
en öll þrjú keppniskvöldin verða
send út í beinni sjónvarpsútsend-
ingu í Ríkissjónvarpinu.
Líkt og síðustu ár er fyrir-
komulagið á undankeppnunum
þannig að opnuð verða tíu umslög
undir lok hvors kvölds þar sem
leynast nöfn þeirra landa sem kom-
ast áfram í úrslitin. „Allir eru sam-
mála um að okkar riðill, þ.e. seinna
kvöldið, sé miklu mun sterkari og
því má eiga von á hörkubaráttu það
kvöldið. Það eru nokkur mjög flott
lög fyrra kvöldið, en líka slatti af
slappari lögum,“ segir Felix. Hann
spáir því að Danmörk, Rússland og
Úkraína komist örugglega áfram í
kvöld. „Ég er sannfærður um að
Hvíta-Rússland komist áfram þó
menn séu ekki á eitt sáttir við gæði
lagsins, því atriðið er bara svo létt
og skemmtilegt. Ég held líka að
framlag Írlands og Hollands komist
áfram. Hollenska söngkonan,
Anouk, er hrikalega flott og ég held
að hún eigi eftir að negla þetta í
kvöld þannig að allir sjái að þarna
er alvöru fagmaður á ferðinni,“ seg-
ir Felix og bætir við að að sumu
leyti megi segja að keppnin í ár sé
keppni kvennanna sökum þess
hversu margar flottar söngkonur
taki þátt í ár.
Nú spá margir veðbankar því að
Danir vinni aðalkeppnina. Telur þú
að það gangi eftir?
„Ég er ekkert endilega viss um
það, þó Emmelie de Forest sé ægi-
lega sæt og krúttleg,“ segir Felix og
tekur fram að söngkonan hafi t.d.
bliknað í samanburðinum við Eyþór
Inga í norrænni tónlistarveislu sem
haldin var um helgina á skemmti-
staðnum Glasklart í bryggjuhverfi
Malmö þar sem allir keppendur
Norðurlandanna fluttu lög sín óraf-
mögnuð. „En auðvitað er það flutn-
ingurinn á keppniskvöldinu sjálfu
sem skiptir öllu máli og því verður
spennandi að sjá hvernig til tekst.“
Að sögn Felix er óhætt að segja
að Eurovision-keppnin sé mikill
sirkus og ljóst að áhorfendur muni
eiga von á miklu sjónarspili og flott-
um listamönnum. „Þannig teflir
Úkraína fram risa, en þar er á ferð-
inni stærsti maður Ameríku sem er
2,35 m á hæð. Hann mun bera söng-
konuna bæði inn og út af sviðinu, en
hún er í svo þröngum kjól að hún
getur ekki gengið í honum. Eins
verður fróðlegt að fylgjast með full-
trúa Slóveníu en Hannah verður á
12 cm háum hælum sem fær mann
til að sundla,“ segir Felix.
Von á miklu sjónarspili í Malmö
Ljósmynd/Dennis Stachel og Thomas Hanses
Berfætt Danska söngkonan Emmelie de Forest syngur ávallt berfætt og hefur gert síðan hún hóf söngferil sinn.
 16 lög keppa á
fyrra undankvöldi
Eurovision í
Svíþjóð í kvöld
Ljósmynd/Dennis Stachel og Thomas Hanses
Stórvirkir Rússar hyggjast bjóða upp á mikið sjónarspil í atriði Dinu Garipova og verður ekkert til sparað.
Felix Bergsson
Ljósmynd/Dennis Stachel og Thomas Hanses
Mögnuð Hollenska söngkonan Anouk þykir hafa mikla útgeislun.