Morgunblaðið - 14.05.2013, Blaðsíða 18

18 FRÉTTIRViðskipti | Atvinnulíf
MORGUNBLAÐIÐ ÞRIÐJUDAGUR 14. MAÍ 2013
Hörður Ægisson
hordur@mbl.is
Það ætlar að reynast erfiðara fyrir
þrotabú Sparisjóðabankans (SPB),
áður Icebank, að fá undanþágu frá
fjármagnshöftum til útgreiðslu gjald-
eyris til samningskröfuhafa bankans
en vonir stóðu til í upphafi árs. Heim-
ildir Morgunblaðsins herma að við
mat á beiðni SPB um undanþágu frá
höftum leggi Seðlabankinn áherslu að
hún verði aðeins veitt þannig að ekki
sé skapað óheppilegt fordæmi við
mögulega nauðasamninga Glitnis og
Kaupþings.
Ekki verður hægt að ljúka við
fyrirhugaðan nauðasamning SPB,
sem var lagður fyrir kröfuhafa um
miðjan mars sl., fyrr en slík heimild
hefur fengist samþykkt. Þrír mánuðir
eru síðan slitastjórn SPB óskaði
formlega eftir staðfestingu á því við
Seðlabankann að SPB væri heimilt að
klára nauðasamning með þeim hætti
sem stefnt væri að.
Erlendir kröfuhafar SPB gátu
fengið um 13,5 milljarða í gjaldeyri að
því gefnu að þeir kysu allir þá leið sem
gerði ráð fyrir útgreiðslu í erlendri
mynt. Samkvæmt upplýsingum
Morgunblaðsins völdu hins vegar
nokkrir erlendir kröfuhafar að fá
greitt út í íslenskum krónum og nem-
ur sú upphæð hundruðum milljóna.
Líklegt þykir að þeir hafi fremur kos-
ið að fá greitt í krónum en að taka á
sig þá áhættu að fá til að mynda borg-
að með kröfu á hendur þrotabúi
Kaupþing miðað við 16% nafnvirði
krafna á búið. Gríðarleg óvissa ríkir
um endanlegar heimtur kröfuhafa
föllnu bankanna.
Tveir mánuðir eru liðnir frá því að
slitastjórn SPB sendi kröfuhöfum
frumvarp að nauðasamningi. Yfir
90% allra kröfuhafa hafa nú þegar
greitt atkvæði sitt og samþykkt
nauðasamning. Enn eiga þó fullnægj-
andi gögn eftir að berast frá fjórum
kröfuhöfum. Til að nauðasamningur-
inn nái fram að ganga þarf samþykki
allra kröfuhafa.
Rétt eins og áður hefur verið greint
frá á viðskiptasíðum Morgunblaðsins
þá er áætlað að ESÍ, dótturfélag
Seðlabanka Íslands, fái 73 milljarða í
sinn hlut ef nauðasamningar SPB
klárast. Samkvæmt nauðasamnings-
frumvarpinu munu samningskröfu-
hafar – aðrir en ESÍ – fá greidd 22,8%
samþykktra krafna sinna, eða sem
nemur 19 milljörðum.
Nauðasamningur SPB frestast
Höft Slitastjórn Sparisjóðabankans bíður samþykkis Seðlabankans.
 Reynt að tryggja að ekki skapist óheppilegt fordæmi við mögulega nauðasamninga Glitnis og Kaup-
þings  Nokkrir erlendir kröfuhafar Sparisjóðabankans völdu að fá greitt í íslenskum krónum
Nauðasamningur SPB
» Yfir 90% samnings-
kröfuhafa SPB hafa greitt at-
kvæði og samþykkt nauða-
samning.
» Nokkrir erlendir kröfuhafar
höfðu valið að fá greitt í
krónum.
» Þrír mánuðir eru síðan SPB
óskaði eftir staðfestingu
Seðlabankans á að hægt yrði
að klára nauðasamning með
þeim hætti sem stefnt er að.
Starfsmenn ríkisskattstjóra munu
fara í vettvangsferðir og skoða aðila
sem bjóða upp á gistiþjónustu sem
ekki hafa verið greidd af skattar og
önnur gjöld og telst ólögleg. Þetta
segir Skúli Eggert Þórðarson ríkis-
skattstjóri í samtali við mbl.is, en
embættið mun einnig vinna sérstak-
lega að því að stemma stigu við
svartri atvinnustarfsemi. Tveir til
fjórir starfsmenn verða ráðnir til að
framfylgja vettvangsathugunum.
„Það var lagabreyting sem var
gerð á síðasta degi þingsins sem hef-
ur þann tilgang að stemma stigu við
svartri atvinnustarfsemi. Þar er
meðal annars styttur sá tími sem
menn eru áætlaðir, til að hægt sé að
taka þá af skrá í virðisaukaskatti.
Svo var heimild fyrir ríkisskattstjóra
til að loka starfsstöð þegar launa-
greiðandi tilkynnir ekki um starfs-
menn inn á launagreiðendaskrá,“
segir Skúli.
Hann segir að þessar heimildir
eigi að gagnast til að vinna gegn
svartri starfsemi en dugi ekki gegn
einstaklingum sem leigja út eigin
íbúðir. Skúli segir að embættið sé
aftur á móti einnig að undirbúa að
ráðast sérstaklega gegn þeirri ferða-
þjónustu í sumar sem ekki er gefin
upp til skatts og sé minni í sniðum. Á
hann þar sérstaklega við ólöglega
gistiþjónustu sem ekki er greiddur
af skattur.
„Við höfum verið í átaki og förum í
nýtt átak í sumar með SA og ASÍ.
Þar mun reyna á aðila í ferðaþjón-
ustu og öðrum greinum. Þar verða
skattskil skoðuð og hvort staðið hafi
verið skil á lögbundnum greiðslum
til lífeyrissjóða,“ segir Skúli.
Nánar á mbl.is
Átak gegn ólög-
legri gistingu
 Starfsmenn
RSK munu fara í
vettvangsferðir
Morgunblaðið/Golli
Skatturinn Skúli Eggert
Þórðarson, ríkisskattstjóri.
Trésmiðja GKS ehf, Funahöfða 19, sími 577 1600, gks@gks.is, gks.is
Gæði - Kunnátta - Sveigjanleiki
Dreymir þig nýtt eldhús!
Hjá þaulvönum starfsmönnum GKS færðu sérsmíðað eldhús
og allar innréttingar sem hugurinn girnist.
Við bjóðum framúrskarandi þjónustu og gæðasmíði
alla leið inn á þitt heimili.