Morgunblaðið - 14.05.2013, Blaðsíða 36
36 DÆGRADVÖL
MORGUNBLAÐIÐ ÞRIÐJUDAGUR 14. MAÍ 2013
Stjörnuspá
21. mars - 19. apríl
Hrútur Þú þarft að hafa það á hreinu að eng-
inn misskilji skilaboð þín því þá gætu afleið-
ingarnar orðið skelfilegar. Leyfðu öðrum að
gera hlutina á sinn hátt, og síðan má dæma
afleiðingarnar.
20. apríl - 20. maí
Naut Þú munt komast að því að þú átt margt
sameiginlegt með vinnufélögum þínum. Þú
þarft að gefa þér tíma til þess að íhuga eigin
mál því ýmsar breytingar eru á döfinni.
21. maí - 20. júní
Tvíburar Þér bjóðast að öllum líkindum
óvænt tækifæri til ferðalaga og framhalds-
menntunar þessa dagana. Gefðu þér því tíma
til að kryfja málin til mergjar.
21. júní - 22. júlí
Krabbi Það er engin ástæða að hengja haus,
þótt mótbyr sé. Spáðu í hvort þú getir fundið
leið til þess að vera samvistum með henni/
honum í stað þess að binda enda á allt.
23. júlí - 22. ágúst
Ljón Stundum er nauðsynlegt að halda fólki í
ákveðinni fjarlægð. Þér berast ef til vill gjafir
eða þá að einhver finnur sig knúinn til greiða-
semi.
23. ágúst - 22. sept.
Meyja Næsti mánuður er kjörinn fyrir frí,
rómantík og ástarævintýri. Ef þú ætlar að
fara í ferðalag á næstunni er þér ráðlagt að
fara á stað sem þú hefur komið á áður.
23. sept. - 22. okt.
Vog Þú ert alltaf til í að endurskapa sjálfan
þig. Ekki hafa áhyggjur af því að vera ekki
eins og hinir – í staðinn skaltu selja þína ein-
stöku hæfileika þeim sem kann að meta þá.
23. okt. - 21. nóv.
Sporðdreki Einhver kýs að vera stór í snið-
um varðandi eitthvað sem tengist heimilinu.
Reyndu að forðast árekstra og láttu mikil-
vægar samræður bíða betri tíma.
22. nóv. - 21. des.
Bogmaður Þú þarft að skipuleggja tímann
þinn betur en þú gerir nú þar sem þú kemst
ekki yfir þá hluti sem þér ber að vinna. Farðu
þér hægt, tækifærin hlaupa ekki frá þér.
22. des. - 19. janúar
Steingeit Maki þinn vill gera eitthvað á
heimilinu sem ekki er samstaða um. Dugn-
aður þinn skilar þér vel áfram og það er
þægileg tilfinning sem þú skalt njóta.
20. jan. - 18. febr.
Vatnsberi Þú skalt ekki vera vonsvikinn þótt
eitthvað renni þér úr greipum. Leitaðu sátta
og leggðu þitt af mörkum.
19. feb. - 20. mars
Fiskar Árangur er það sem allir horfa til en
sumir leggja minna upp úr því hvernig hann
næst. Sumir gera sér líklega enga grein fyrir
því hversu móðgandi þeir eru.
Guðmundur Magnússon fráReyðarfirði sendir Vísnahorn-
inu bögu með yfirskriftinni „Út-
svar: Fjarðabyggð – Reykjavík“:
Gumar margir glöddust þar,
glatt á bekkjum fólkið sat.
Drottinn minn, hve dýrlegt var,
þá Davíð lagði Golíat.
Björn Ingólfsson kastar fram
limru „að gefnu tilefni“:
Þótt líf mitt sé langur spölur
og lagt væri flest í sölur
er ég veggbrattur enn
sem áður – en senn
styttist í stórar tölur.
Baldur Garðarsson orti á sínum
tíma:
Ég nýfæddur nefndur var Baldur
það naumast gat talist neinn galdur.
Ég er ennþá á randi
og í ágætis standi
svona miðað við árgerð og aldur.
Arnþór Helgason var fenginn til
að kveða ásamt Ingimari Halldórs-
syni á tónleikum Samkórs Rang-
æinga og var það fyrir tilstilli Inga
Heiðmars Jónssonar. Þeir urðu
samferða Inga Heiðmari austur að
Laugalandi í Holtum í hellirigningu
og kastaði Arnþór fram stöku:
Ingi Heiðmar, hugum stór,
hellirignir á þig.
Nú er fyrir norðan snjór,
nálgast Rangæingakór.
Hjálmar Freysteinsson kastar
fram.
Fundin er á böli bót,
bjartsýnni í dag en gær
um skuldir mínar hirði ei hót;
hrægammarnir borga þær!
Þá Ágúst Marinósson:
Vongóður ég veginn treð
við mér brosa árin.
Skuldir hverfa og skattar með
skal nú þerra tárin.
Ármann Þorgrímsson er ekki
eins bjartsýnn:
Reglulega reikninginn
renni yfir, lítið finn
eg má bíða enn um sinn
alltaf tómur vasinn minn.
Guðmundur Ingi Jónatansson er
ánægður með yfirlýsinguna frá
Ágústi:
Þegar bregst mér bræðra lið
og brennheit gerast sárin.
Get ég unað glaður við
að Gústi þerrar tárin.
Pétur Blöndal
pebl@mbl.is
Vísnahorn
Af skuldum, sköttum,
Davíð og Golíat
Í klípu
„ÞVÍ MIÐUR ÞURFUM VIÐ AÐ SKERA NIÐUR
Á NÆSTUNNI. VIÐ GETUM ÞVÍ EKKI VERIÐ
ÁFRAM MEÐ HIRÐFÍFL Í VINNU.“
eftir Mike Baldwin eftir Jim Unger
„HRINGDU Í BLAÐIÐ! ÉG FANN ANNAN
SVÍNAKJÖTSBITA Í ÞESSARI BAUNADÓS.“
Hermann
Ferdinand
Hrólfur hræðilegi
Grettir
... æðislegur taktur.
ÞÚ ERT HÁLF
DAPURLEGUR,
GRETTIR.
ÞÁ ER
KOMINN
TÍMI Á ...
GOTT FÓLK,
ÉG KYNNI:
„DANS GLAÐA
APANS“.
ERTU EIN
HÉRNA?
JÁ. FRÁBÆRT! EN ÉG Á VON Á MANNINUMMÍNUM Á HVERRI STUNDU.
Víkverji fékk eina spurningu fráþrettán ára dóttur sinni um
helgina sem vörpuðu ljósi á nokkrar
staðreyndir í lífinu. Í fyrsta lagi
þeirri að Bretar eru ekki að fara að
vinna Eurovision þetta árið. Í öðru
lagi að Víkverji er að nálgast efri ár
en í þriðja lagi að tónlistarlegt upp-
eldi dótturinnar hefur mistekist.
x x x
Spurningin var einfaldlega þessi,spurð af mikilli einlægni:
„Pabbi, hver er Bonnie Tyler?“ Í
fyrstu varð Víkverji dálítið hneyksl-
aður á spurningunni; þessi unga
kynslóð, veit ekki neitt í sinn haus!
En síðan kom upp smá reiði í hug-
ann yfir því að hafa ekki náð að
fræða dótturina um einhverja mögn-
uðustu poppsöngkonu sem uppi hef-
ur verið. Vissulega hefur Tyler mátt
muna sinn fífil fegri en hún er enn að
blessunin, komin á sjötugsaldurinn.
Röddin og útlitið reyndar ekki upp á
sitt besta en hún er þó enn í sviðs-
ljósinu og stígur á stokk fyrir Breta í
Eurovision nk. laugardagskvöld í
Malmö.
x x x
Miðað við spurningu dótturinnar,sem er enn á þeim aldri að
dýrka Eurovision og hamast á far-
símum í símakosningu, þá er afar
ólíklegt að Bonnie Tyler slái í gegn.
Hún syngur lagið „Believe in Me“,
eða Trúðu á mig. Víkverji túlkar
þann boðskap ekki öðruvísi en skila-
boð frá eldri kynslóðinni til þeirrar
yngri, um að gefa gamla fólkinu
fleiri tækifæri. Bretar hafa verið
duglegir að senda gamla poppara í
Eurovision og kannski er verið að
undirbúa endurkomu Bítlanna!
x x x
Því meira sem Víkverji hugsar umþetta því betur skilur hann
stefnu Breta í Eurovision. Þeir hafa
jú fastan sess á úrslitakvöldinu í ljósi
stærðar sinnar og þurfa að gefa gott
fordæmi. Eftir þessa og síðustu
keppni veit dóttir Víkverja, og allir
hennar jafnaldrar, hver Bonnie
Tyler og Engelbert Humperdinck
eru og þar með hefur skaðinn verið
bættur sem foreldrar á borð við Vík-
verja hafa valdið í uppeldishlutverki
sínu. víkverji@mbl.is
Víkverji
En þú, Drottinn, ert miskunnsamur
og líknsamur Guð, þolinmóður,
gæskuríkur og harla trúfastur.
(Sálmarnir 86:15)
Kemi • Tunguhálsi 10, 110 Reykjavík • www.kemi.is • Sími: 544 5466
Opið: Mánudag - fimmtudags: Frá kl. 8.00-17.30. Föstudaga: Frá kl. 8.00-17.00.
ODORITE
ÖRVERUHREINSIR
MILDEX-Q
MYGLUEYÐIR
WIPE OUT
OFNA OG GRILLHREINSIR
NOVADAN
KLÓRTÖFLUR
- Í POTTINN
SEPT-O-AID
ÖRVERUR FYRIR ROTÞRÆR
HÁÞRÝSTIDÆLUR
ERTU Á LEIÐ Í BÚSTAÐINN
ÚRVALS VÖRUR FYRIR VIÐHALDIÐ OG VERKIN Í BÚSTAÐNUM.
KÍKTU Í KEMI BÚÐINA OG SKOÐAÐU ÚRVALIÐ!