Morgunblaðið - 14.05.2013, Blaðsíða 21

FRÉTTIR 21Erlent
MORGUNBLAÐIÐ ÞRIÐJUDAGUR 14. MAÍ 2013
Kristján Jónsson
kjon@mbl.is
Leit í rústum verksmiðjuhússins
sem hrundi í Dhaka í Bangladess
fyrir þrem vikum er lokið enda talið
útilokað að enn sé þar fólk á lífi. Vit-
að er að 1.127 manns fórust í slysinu
en fimm fyrirtæki sem framleiða
vefjarefni í fatnað leigðu þar að-
stöðu. Ríkisstjórnin hefur nú sam-
þykkt að starfsmenn megi stofna
verkalýðsfélög án þess að fá leyfi hjá
verksmiðjueigendum.
„Ríkisstjórnin gerir þetta með
velferð starfsmanna í huga, “ sagði
talsmaður stjórnvalda, Mosharraf
Hossain Bhuiyan, í gær. Á sunnudag
settu stjórnvöld á fót ráð með
fulltrúum launþegasamtaka og verk-
smiðjustarfsfólks til að berjast fyrir
hærri launum fólks í vefjariðnaði.
Atvinnugreinin aflaði í fyrra um 80%
af öllum erlendum tekjum Bangla-
dess en ríkið er meðal hinna fátæk-
ustu í heimi. Washington Post bend-
ir á að krafa vestrænna neytenda um
ódýran fatnað hafi gert samkeppn-
ina harða og minnki líkur á að hægt
verði að hækka kaup starfsmanna í
verksmiðjunum.
Mikil ólga hefur verið meðal
starfsmanna í greininni í kjölfar
slyssins og efnt hefur verið til fjöl-
mennra mótmæla vegna kjara og að-
búnaðar sem Frans páfi hefur sagt
að minni á þrælahald. Algeng mán-
aðarlaun eru 38 dollarar, um 4.580
ísl. kr. Vinnuveitendur sögðu í gær
að hundruðum verksmiðja í As-
hkulia-iðnaðarklasanum í úthverfi
Dhaka yrði nú lokað um óákveðinn
tíma í öryggisskyni vegna ókyrrðar-
innar. Talsmaður þeirra sagði að
nær engin starfsemi hefði verið í
flestum verksmiðjanna síðustu vik-
ur.
Um 4.500 vefjarverksmiðjur eru
í landinu, þar af um 500 í Ashkulia.
Þar er framleiddur ódýr fatnaður
fyrir fjölda þekktra fyrirtækja á
Vesturlöndum.
Kröfur Verksmiðjufólk mótmælir í
Dhaka, höfuðborg Bangladess.
Loka verksmiðjunum
 Eigendur vefjarfyrirtækjanna í Bangladess bera við
ókyrrð og mótmælum eftir slysið mannskæða í Dhaka
Sýrlenski skopmyndateiknarinn Ali Ferzat, kúbverska
andófskonan Berta Soler, norski mannréttinda-
frömuðurinn Thor Halvorsen, framkvæmdastjóri Amn-
esty International í Noregi, John Peder Egenæs og kín-
verski andófsmaðurinn Chen Guangcheng sóttu í gær
ráðstefnu samtakanna Oslo Freedom Forum. Chen
sagði brýnt að Norðmenn létu ráðamenn í Peking ekki
þvinga sig til að hætta stuðningi við mannréttindi.
AFP
Frelsið í hásætinu í Ósló
Hægt væri að bæta miklum um-
hverfisvænum mat, bjöllum,
fiðrildalirfum og vespum, við mat-
arforða jarðarbúa ef vestrænir
neytendur gætu yfirunnið and-
styggð sína á að
leggja sér skor-
dýr til munns.
Þetta kom fram
á fundi fulltrúa
Sameinuðu þjóð-
anna, Evu Müll-
er, í Róm í gær
en hún starfar
hjá Matvæla- og
landbún-
aðarstofnun sam-
takanna, FAO.
„Til er geysimikið af skordýrum
og þau eru verðmæt uppspretta
prótíns og steinefna,“ sagði Müller.
„Tveir milljarðar manna, um þriðj-
ungur mannkyns, borðar nú þegar
skordýr vegna þess að þau eru
gómsæt og næringarrík.“
Fram kemur í frétt AFP að
Gabriel Tchango, ráðherra skóga-
mála í Gabon, sagði neyslu skor-
dýra vera hluta af daglegu lífi
landa sinna. Litið væri á bjöllulirf-
ur og grillaða termíta sem algert
lostæti. Um 10% af öllu prótíni
sem Gabonar neyttu væru úr skor-
dýrum.
Í sameiginlegri skýrslu FAO og
háskólans í Wageningen í Hollandi
er bent á að alls staðar séu til
skordýr, þau fjölgi sér hratt og
vaxi einnig hratt og valdi almennt
litlu tjóni á náttúrunni. En „ógeð
neytenda“ á skordýrum í mörgum
vestrænum ríkjum sé ein af
stærstu hindrunum á leiðinni að
því markmiði að skordýr verði þar
mikilvægur þáttur í öflun prótíns.
Müller minnti fólk á að sum fyr-
irtæki, þ. á m. Danone og Campari,
notuðu lit úr skordýrum í fram-
leiðslu sína, annars vegar jógúrt og
hins vegar áfengi. kjon@mbl.is
Skordýr „gómsæt
og næringarrík“
Bæta þarf ímyndina
» FAO leggur til að mat-
vælaframleiðendur taki þátt í
að bæta orðspor skordýra með
því að hafa þau í uppskriftum.
» Einnig þurfi veitingahús að
bjóða upp á skordýrarétti.
» Loks nefnir FAO að hægt sé
að bæta lirfum algengra skor-
dýra eins og húsflugu og mjöl-
orma út í hefðbundið hús-
dýrafóður. Lirfa Á leiðinni
á matardiskinn.
Þar sem að gervihnattabúnaðurinn fæst
ALVÖRU
MÓTTAKARAR
MEÐ LINUX
ÍSLENSK VALMYND
Auðbrekku 3 ~ 200 Kópavogur ~ Sími: 564 1660 ~ oreind.is
25
1988-2013