Morgunblaðið - 14.05.2013, Blaðsíða 23
23
MORGUNBLAÐIÐ ÞRIÐJUDAGUR 14. MAÍ 2013
Lækkar flugið Ljóst er að mikill sjónarsviptir verður að því þegar stærstu trén í Öskjuhlíð verða lækkuð en það er brýnt til að koma í veg fyrir að þau valdi hættu fyrir flugumferð.
RAX
Nú skrifaði Össur Skarphéð-
insson grein í Moggann þann 10.
maí sl. undir heitinu „Sigmundur
Davíð og 300 milljarðarnir“, og
virtist í öðru orðinu orðinn fram-
sóknarmaður rétt eins og hálf
þjóðin. Mærði Sigmund Davíð og
tíundaði loforð flokksins en lét
svona í veðrinu vaka að ekki stæði
til að standa við þau. Nefndi nafn
mitt til staðfestingar loforðanna
svona eins og prestar gera í
messu þegar þeir segja amen á
eftir efninu. Púkinn á fjósbitanum er aftur
kominn með sinn þræl í vinnu eða starfsþjálfun.
Össur er semsé vaknaður upp við vondan
draum, ölið er af könnunni og hann verður
kvaddur í nýja en gamla herþjónustu. Við upp-
haf fyrstu hreinu vinstristjórnarinnar var
bloggpenninn tekin af þessum mikla meistara
og hann skyldi aðeins sinna því fyrir Samfylk-
inguna að koma Íslandi í ESB. Þetta hlutverk
rækti hann all vel. Þó var honum tekið að leið-
ast þófið því ESB vildi engar undanþágur gefa
og hlemmurinn var hafður á sjávarútvegs- og
landbúnaðarpakkanum, sem staðfestir stöðu
málsins. Þetta eru aðlögunarviðræður við ykk-
ur og ekkert annað er haft eftir Stefáni Fule.
En megum við ekki láta eins og við séum að
semja er sagt að okkar maður hafi þá sagt. Allt
í lagi sögðu þeir því Össur er skemmtilegur í
veislum og hvers manns hugljúfi við slík tæki-
færi, hann kann að mæra og blessa allt og alla.
Svo tóku þau nú Kínabeygju í restina. Hann og
Jóhanna Sigurðardóttir gerðu tvíhliðasamning
milli þjóðanna sem segir allt um hversu alvaran
er mikil í samningunum við ESB.
En eitt skulum við hafa hugfast,
Össur Skarphéðinsson, að marg-
ir leikir og lærðir innlendir og er-
lendir fræðimenn vitnuðu í kosn-
ingabaráttunni með
Framsóknarflokknum um að
þeir teldu hægt að sækja hluta af
stórgróða vogunarsjóðanna enda
væri Ísland frjálst og fullvalda
ríki, sem þið virtust ekki vita t.d.
í Icesave-málinu. Vogunarsjóð-
irnir eiga banka sem þeim voru
seldir á slikk og hlutu ótrúlegan
skyndigróða í þeim bréfum sem þeir keyptu á
dánprís. Hversvegna skyldi heimilunum ekki
hjálpað núna, þau voru svikin af Skjaldborg-
arstjórninni á síðasta kjörtímabili? Ég treysti
bæði framsóknarmönnum og sjálfstæðis-
mönnum til að efna sín kosningafyrirheit og lof-
orð. Það munu þeir gera og vonandi meira til
verði ríkisstjórn þessara flokka að veruleika.
Ekkert annað afl er til staðar eftir fall flokksins
þíns í kosningunum, kæri Össur. Nú verðið þið
bara að sleikja sárin eins og sá bröndótti. Á bak
við kosningasigra er fólk, munum það að eilífu,
allir.
Eftir Guðna Ágústsson
»Hversvegna skyldi
heimilunum ekki hjálpað
núna, þau voru svikin af
Skjaldborgarstjórninni á
síðasta kjörtímabili?
Guðni Ágústsson
Höfundur er fyrrv. landbúnaðarráðherra.
Bloggarinn Össur
Skarphéðinsson kominn
í starfsþjálfun
Davíð Þorláksson, formaður
Sambands ungra sjálfstæð-
ismanna, skrifar grein í Morg-
unblaðið 7. maí þar sem hann
hvetur hægrimenn til að hætta
svokallaðri stóriðjustefnu. Hér
er ekki ætlunin að svara fyrir
hönd annarra hægrimanna.
Hins vegar er rétt að benda á
ákveðin atriði varðandi raf-
orkuverð og svokallaða stór-
iðjustefnu.
Ábyrgðargjald til eigenda
Davíð segir hið opinbera sjá stóriðjunni fyr-
ir ódýrri orku sem hann rekur til opinberra
ábyrgða á lánsfjármögnun orkufyrirtækja.
Þær skili lágum fjármagnskostnaði sem aftur
skili sér svo í lægra orkuverði til stóriðjunnar.
Nú er það hins vegar svo að samkvæmt lögum
nr. 144/2010 og lögum nr. 21/2011 greiða Orku-
veita Reykjavíkur og Landsvirkjun ábyrgð-
argjald af þeim lánaskuldbindingum sem
ábyrgð eigenda er á, gjald sem svarar að fullu
til þeirrar ívilnunar sem fyrirtækin eru talin
(af óháðum aðilum) njóta á grunni ábyrgða
eigenda. Þriðja fyrirtækið sem selur raforku
til stóriðju, HS Orka hf., er í eigu einkaaðila og
nýtur engra opinberra ábyrgða á sínum lána-
samningum. Ekki þarf því að óttast að orku-
fyrirtæki séu að bjóða lágt orkuverð á þessum
grundvelli.
Tækifæri með sæstreng
Hins vegar er það rétt að stóriðjufyrirtæki
hafa (líkt og allir aðrir) getað nálgast sam-
keppnishæf verð fyrir raforku hér á landi,
enda landið lítill og einangraður raforkumark-
aður. Sú staða gæti reyndar
breyst með lagningu sæstrengs til
Evrópu sem nú er til ítarlegrar
skoðunar. Með tilkomu slíkrar
tengingar væri hægt að afla mun
hærri orkuverða en núverandi
markaðsaðstæður bjóða upp á.
Þannig vekur athygli að Norð-
menn telja sín tækifæri af sölu
endurnýjanlegrar orku jafn verð-
mæt og af sölu á olíu. Hérlendis er
orkugetan í endurnýjanlegri orku
þreföld á hvern íbúa miðað við
Noreg og því ljóst að Íslendingar
búa að gríðarlegum tækifærum á þessu sviði.
Íslensk orkufyrirtæki halda ekki uppi því
sem oft er nefnt stóriðjustefna. Það er ekkert
markmið orkufyrirtækja að hér sé ráðist í til-
teknar tegundir fjárfestinga í atvinnulífinu.
Framleiðendur raforku vilja einfaldlega há-
marka arðsemi og verðmætasköpun af sölu
endurnýjanlegrar orku, að sjálfsögðu að upp-
fylltum öllum skilyrðum um umhverfiskröfur
og leyfisveitingar. Fjölmargir aðrir hafa hins
vegar kallað eftir aukinni fjárfestingu í ís-
lensku atvinnulífi, en hún mun vera í lágmarki
þessi árin. Samningar um kaup á miklu magni
af raforku eru oft nauðsynleg forsenda slíkra
fjárfestinga, en hagsmunir orkuframleiðenda
snúast í þessu samhengi einfaldlega um arð-
semi umræddra orkusölusamninga.
Eftir Gústaf Adolf
Skúlason
» Íslensk orkufyrirtæki
halda ekki uppi því sem
oft er nefnt stóriðjustefna
Gústaf Adolf Skúlason
Höfundur er framkvæmdastjóri Samorku,
samtaka orku- og veitufyrirtækja.
Af raforku og
„stóriðjustefnu“