Morgunblaðið - 16.05.2013, Page 7

„Þær komu hérna fjórar í gærmorgun og bara hlunkuðu sér niður á hvalbakinn. Þar steinsváfu þær fram á kvöld og
voru greinilega örþreyttar. Það komst loks hreyfing á þær er leið á kvöldið og hafa sennilega tekið flugið aftur und-
ir miðnætti.“ Þannig lýsir Kristinn Gestsson, skipstjóri á Þerney RE, heimsókn þriggja heiðagæsa, sem hvíldu sig
um borð í skipinu við landhelgislínuna á Reykjaneshrygg í fyrradag.
Þær hafa væntanlega verið á leið á varpstöðvarnar, en heiðagæs verpir á Íslandi, Grænlandi og á Svalbarða. Hún
hefur aðallega vetursetu á Bretlandi, en einnig í Hollandi og á Jótlandi. Gæsir virðast vera þungar á flugi og þær
eiga erfitt með að hækka flugið. Þrátt fyrir það fljúga þær nokkuð hátt og fara hratt yfir. Þær eru mjög þolnar og
geta flogið mörg hundruð kílómetra í einu, segir á Vísindavef Háskóla Íslands.
„Bara hlunkuðu sér niður á hvalbakinn“
SYFJAÐAR OG ÞREYTTAR HEIÐAGÆSIR Í HEIMSÓKN
FRÉTTIR 7Innlent
MORGUNBLAÐIÐ FIMMTUDAGUR 16. MAÍ 2013
Ágúst Ingi Jónsson
aij@mbl.is
„Þetta gengur ljómandi vel og mun
betur en í fyrra,“ sagði Kristinn
Gestsson, skipstjóri á Þerney RE í
samtali í gær. Skipið var þá við
karfaveiðar við landhelgislínuna á
Reykjaneshrygg ásamt tólf öðrum
íslenskum frystiskipum. Þar voru
líka fjölmargir erlendir togarar frá
Rússlandi, Spáni, Portúgal, Noregi
og Færeyjum.
Gætum eflaust fengið meira
Kristinn sagði umferðina við lín-
una ganga vel og engir árekstrar
væru í samskiptum skipanna á
karfamiðunum. „Við erum núna um
300 faðma innan við línuna, en út-
lendingarnir eru rétt utan við,“
sagði Kristinn. „Við fáum nóg í
vinnsluna og gætum eflaust fengið
meira ef því væri að skipta.
Vinnslugeta skipanna er 45-55 tonn
á sólarhring og við höfum verið að
fá þetta 4-6 tonn á klukkutímann.
Við drögum 6-8 tíma í einu og reyn-
um að skammta okkur þannig að
ekki séu meira en 30-35 tonn í hali.
Það er þægilegur skammtur til að
ráða við að taka inn fyrir og fer vel
með fiskinn.“
Alltaf ein og ein slök
vertíð inn á milli
Auk Þerneyjar voru á miðunum í
gær Arnar, Þór, Málmey, Örfirisey,
Venus, Mánaberg, Gnúpur, Snæfell,
Kleifaberg, Vigri, Barði og Helga
María. Kristinn segir að Granda-
skipin fjögur sem eru á karfanum
megi veiða 650 tonn hvert og séu
þeir á Þerney tæplega hálfnaðir
með þann kvóta.
„Heimildirnar hafa minnkað með
hverju árinu, en það er ekki að sjá í
ár að minna sé af karfanum. Það
hefur líka verið þannig frá því að
þessar úthafsveiðar byrjuðu á karfa
að inn á milli hefur alltaf komið ein
og ein slök vertíð. Í fyrra voru afla-
brögðin döpur og þá var það í raun
bara ein vika sem gaf eitthvað og
þó ekkert í líkingu við það sem hef-
ur verið í ár,“ sagði Kristinn.
Rússar ekki aðilar
Úthafskarfaveiðar íslenskra
skipa máttu hefjast 10. maí og
strax á miðnætti fóru troll tólf ís-
lenskra skipa í sjóinn. Í gildi er
samkomulag milli strandríkjanna,
Íslands, Færeyja og Grænlands,
ásamt Evrópusambandinu og Nor-
egi, um stjórnun veiða á úthafs-
karfa á Reykjaneshrygg og gildir
það út árið 2014. Leyfilegur há-
marksafli er 26 þúsund tonn í ár og
kemur rúmlega 31% í hlut Íslands
og er aflamark íslenskra skipa um
átta þúsund tonn árið 2013.
Rússar hafa mótmælt sam-
komulaginu og telja ástand úthafs-
karfa mun betra en ICES telur.
Jafnframt eru þeir ósáttir við skipt-
ingu heildar-aflamarks á milli aðila
samkomulagsins. Með tilliti til
þessa hafa Rússar ákveðið sér ein-
hliða aflamark, 29.500 tonn.
Mokveiða karfa á Reykjaneshrygg
 Mörg skip frá mörgum þjóðum við landhelgislínuna og umferðin gengur vel  Mun betri gangur
heldur en í fyrra, segir Kristinn Gestsson, skipstjóri á Þerney  Kvótinn minnkar með hverju árinu
Ljósmynd/Björn Hjálmarsson
Þreyttar Gæsirnar létu skarkið um borð ekki hafa áhrif á sig heldur sváfu daglangt áður en þær tóku flugið á ný.
Ármúla 30 | 108 Reyk jav í k | S ími 560 1600 | w w w.borgun . i s
Borgarferð
til Frankfurt
Myndavél
63.900 kr.
89.900 kr.
Pizzuveisla 7.400 kr.