Morgunblaðið - 16.05.2013, Síða 16

ÚR BÆJARLÍFINU
Skapti Hallgrímsson
Akureyri
Af norðlensku veðri er lítið annað
að frétta en að síðustu daga hefur
verið skítkalt! En svo langt er þó lið-
ið á sumar – og það hefur verið til-
tölulega snjólétt í byggð enn sem
komið er – að flestir eru búnir að
taka nagladekkin undan bílnum.
  
Kostnaður við rekstur Sjúkra-
hússins á Akureyri hefur lækkað að
raungildi um rúmar 800 milljónir
króna frá árinu 2008 eða um 16%. Á
þeim rúmu fjórum árum sem liðin
eru frá efnahagshruninu hefur samt
tekist að halda úti þjónustu við sjúk-
linga án verulegrar skerðingar,
sagði Bjarni Jónasson forstjóri á
ársfundi FSA í gær.
  
Bjarni sagði árangur FSA í
rekstri og þjónustu við sjúklinga
hafa verið mjög góðan í fyrra þrátt
fyrir niðurskurð. Sjúklingum fjölg-
aði um rúm 6%, fæðingum um 20%
og komur á slysa- og bráðamóttöku
voru um 7% fleiri. Skurðaðgerðum
og rannsóknum fjölgaði og dag- og
göngudeildarstarfsemi jókst á milli
ára, sagði hann.
  
Forstjórinn vonar að þar sem
fjárveitingar fyrir 2013 voru ekki
skertar frá fyrra ári sjái fyrir end-
ann á niðurskurðartímabilinu. „Að
auki fékkst viðbótarfjármagn til
tækjakaupa og eflingar geðheil-
brigðisþjónustu. Þrátt fyrir þetta
vantar nokkuð upp á að starfsemin
komist yfir sársaukamörk þannig að
unnt verði að veita nauðsynlega
þjónustu án þess að óhóflegt vinnu-
álag skapist,“ sagði forstjórinn.
  
Í framtíðarsýn Sjúkrahússins á
Akureyri er gert ráð fyrir að árið
2017 hafi sjúkrahótel, líknardeild og
ný legudeildarálma verið tekin í
notkun. „Mikilvægt er að þau áform
um þróun starfseminnar verði að
veruleika,“ sagði hann.
  
Bjarni skoraði á þá sem senn
taka við stjórn landsmála að standa
við það sem sagt var í kosningabar-
áttunni, um að heilbrigðisþjón-
ustuna verði að efla og stjórnvöld
sjái til þess að Sjúkrahúsið á Ak-
ureyri fái aukið fjármagn svo það
geti haldið áfram að sinna „því hlut-
verki sínu að vera miðstöð sér-
fræðiþjónustu utan höfuðborg-
arsvæðisins og varasjúkrahús
landsins“.
  
Nýverið var settur á laggirnar
nýr KEA-sjóður og eru allir stofn-
félagar starfsmenn Kaupfélags
Skagfirðinga. Vissulega óvenjulegt í
ljósi sögunnar, en KEA stendur í
þessu tilfelli fyrir körfuendurnýj-
unarsjóður Akureyrar. Stofn-
framlag var 500 krónur.
  
Það var í hófi að loknu árlegu
körfuboltamóti Þórs í íþróttahöllinni
á dögunum sem lið Molduxa úr
Skagafirði tilkynnti stofnun sjóðsins
og kvaðst talsmaður þeirra vonast til
þess að í fyllingu tímans myndi sjóð-
urinn eiga þátt í því að hægt yrði að
kaupa nýjar körfur á hliðarveggi
hallarinnar. Sagði ekki veita af.
  
Fregnir herma að í hófi að loknu
móti Molduxa sjálfra á Sauðárkróki
á dögunum hafi þeir tvöfaldað eigið
fé sjóðsins …
  
Málverkasýning Hjördísar Frí-
mann, Spor í áttina – áfangastaður
ókunnur, verður opnuð í Ketilhúsinu
á laugardaginn. „Formin eiga hug
hennar og hjarta um þessar mundir
og litagleðin vísar veginn. Farið er í
allar áttir enda formgerðin af marg-
víslegum toga og blindgöturnar
margar. Sjálf segist Hjördís breyta
um stíl oft á dag!“ segir í tilkynn-
ingu.
  
Svo því sé haldið til haga þá var
veitingastaður Hamborgarafabrikk-
unnar á Akureyri opnaður í gær.
Forstjóri FSA brýnir stjórnvöld
Morgunblaðið/Skapti Hallgrímsson
Sumar Kalt hefur verið í veðri á Akureyri flesta daga upp á síðkastið. En ef
gróðurinn grænkar ekki er a.m.k. hægt að mála húsin sumargræn!
Sumar Löngu á að vera búið að
kippa nagladekkjum undan bílnum
en nú viðrar loksins til þess.
16 FRÉTTIRInnlent
MORGUNBLAÐIÐ FIMMTUDAGUR 16. MAÍ 2013
bestalambid.isBeztu uppskriftirnar okkar
Enn einn dagur
í Paradís