Morgunblaðið - 16.05.2013, Blaðsíða 42

42
MORGUNBLAÐIÐ FIMMTUDAGUR 16. MAÍ 2013
Silja Björk Huldudóttir
silja@mbl.is
„Þetta leggst mjög vel í mig og ég
hlakka til kvöldsins, en annars er ég
bara býsna rólegur yfir þessu öllu
saman,“ segir Eyþór Ingi sem syng-
ur lagið „Ég á líf“ eftir Pétur Örn
Guðmundsson og Örlyg Smára í
seinni undankeppni Eurovision-
söngvakeppninnar sem fram fer í
Malmö í kvöld, en alls taka 17 lönd
þátt. Þegar blaðamaður náði tali af
Eyþóri Inga í gær var hann að und-
irbúa sig fyrir tvö búningarennsli
samdægurs, en seinna rennslið er
svokallað dómararennsli þar sem
dómnefndir landanna fylgjast með
og gefa stig sem gilda til jafns á móti
niðurstöðum símakosningarinnar.
Þriðja og síðasta búningarennsli fer
síðan fram í dag. Aðspurður við-
urkennir Eyþór Ingi að stærðin á
keppninni hafi komið honum á óvart.
Eins þyki honum ótrúlegt að upplifa
hversu umfangsmikið verkefnið sé
þegar haft sé í huga að lagið sjálft sé
aðeins þrjár mínútur í flutningi. „En
það er frábært hvað allt gengur
smurt, enda miklir fagmenn hér að
verki,“ segir Eyþór Ingi.
Spurður hvort eitthvað hafi komið
honum á óvart í Malmö svarar Eyþór
Ingi því játandi. „Ég vissi í raun ekk-
ert út í hvað ég væri að fara og því er
vissulega margt sem kemur á óvart,“
segir Eyþór Ingi og nefnir í því sam-
hengi fjölmiðlafárið og ýmsar uppá-
komur á rauða dreglinum. „Þetta
hefur hins vegar verið mjög lær-
dómsríkt og heilt námskeið í sjálfu
sér,“ segir Eyþór Ingi.
Aðspurður hvernig hann búi sig
undir stóru stundina svarar Eyþór
Ingi: „Ég verð sennilega með [tónlist
Jeffs] Buckley í eyrunum, loka aug-
unum, anda djúpt og hugsa um fjöl-
skylduna mína. Þannig tekst mér að
koma mér í réttu stemninguna fyrir
flutninginn.“ Spurður hvort hann
geri sér góðar vonir um að komast
áfram í kvöld segist Eyþór Ingi að-
eins einbeita sér að einu verkefni í
einu og sé því ekki farinn að leiða
hugann að úrslitakvöldinu nk. laug-
ardag. „Mér finnst mikilvægast að
taka bara einn dag í einu og reyna að
njóta þess að vera í þessu ferðalagi
sem þessi keppni er. Ég vil heldur
ekki eyða of mikilli orku í að velta
fyrir mér hvað gerist. Komist ég í úr-
slit þá er það hreinn bónus,“ segir
Eyþór Ingi að lokum.
Mest reynt á hláturvöðvana
„Æfingar hafa gengið vel, en milli
þeirra nýtur maður þess bara að vera
í Malmö. Við erum mjög spenntir
fyrir kvöldinu, en ekkert kvíðnir.
Þetta verður bara rosa gaman og við
hlökkum til,“ segir Örlygur Smári
annar tveggja höfunda lagsins sem
er framlag Íslands í Eurovision í ár.
Hann var mjög afslappaður þegar
blaðamaður náði tali af honum og
benti á að það hjálpaði sennilega að
þetta væri fjórða Eurovision-
keppnin sem hann tæki þátt í, en
hann fór utan sem lagahöfundur með
„Je ne sais quoi“ árið 2010, „This is
my life“ 2008 og „Tell me“ 2000.
Bendir hann á að Pétur Örn sé að
taka þátt í Eurovision í sjötta sinn, en
raunar í fyrsta sinn sem lagahöf-
undur.
„Það er gott að búa að þessari
reynslu. Við erum
t.d. að hitta margt
af sama fólkinu
sem við höfum
hitt áður og kunn-
um svolítið á
þetta. Við reynum
þannig að nýta þá
þekkingu vel til
að koma Eyþóri
Inga og laginu al-
mennilega á framfæri,“ segir Örlyg-
ur og bætir við: „Við vitum nú orðið
hvað maður á að leggja áherslu á,
hvenær maður á að segja nei og hve-
nær já, hvar maður á að taka lagið og
hvar ekki, hvenær maður á að slaka á
og hvíla sig og hvenær maður á að
eyða orkunni. Margir þeirra sem eru
að koma hingað í fyrsta skiptið eru
oft alveg búnir á því þegar kemur að
því að fara upp á svið á sjálfu keppn-
iskvöldinu vegna þess þeir hafa verið
eins og útspýtt hundskinn úti um allt
að kynna sig.“
Með í för þetta árið eru Bergþór
Smári sem syngur í bakröddum, en
hann er yngri bróðir Örlygs Smára.
Spurður hvort legið hafi beint við að
velja bróður sinn til verksins, enda
vel þekkt að ber sé hver að baki
nema sér bróður eigi, svarar Örlygur
Smári því játandi. „Bergþór er hok-
inn af reynslu, þó hún sé ekki á sviði
Eurovision, því hann hefur spilað
blús bæði heima og erlendis sl. 15 ár.
Íslenski hópurinn er samsettur af
vinum okkar, sem eiga það allir sam-
eiginlegt að vera tónvissir og örugg-
ir, en það er fyrir mestu. Svo spillir
ekki fyrir hversu skemmtilegir þeir
eru. Það hefur því mest reynt á hlát-
urvöðvana hingað til.“
Ljósmynd/Sander Hesterman
Jakkinn Eyþór Ingi mun ekki keppa í hvíta jakkanum heldur svörtum, en sá þótti koma betur út í mynd.
„Ég hlakka til kvöldsins“
 Eyþór Ingi flytur „Ég á líf“ á sviðinu í Malmö í kvöld
 Hlustar á Jeff Buckley til að koma sér í rétta gírinn
Örlygur Smári
 Framlag
Makedóníu í ár
syngja þau Esma
og Lozano, sem
fullu nafni heita
Esma Redzepova
Teodosievska og
Vlatko Lozan-
oski. Esma, sem
verður sjötug
síðar á árinu, á
að baki langan
og farsælan fer-
il. Hún átti ekki auðvelda skóla-
göngu þar sem hún var sígauni og
því vildu skólafélagar hennar ekki
tala við hana. Þegar hún var fjór-
tán ára gömul bað skólastjórinn
hana um að vera fulltrúi skólans í
vinsælli hæfileikakeppni í útvarp-
inu og gerði hún sér lítið fyrir og
vann keppnina. Í framhaldinu
bauð tónlistarmaðurinn og tón-
skáldið Stevo Teodosievski henni
að gerast nemandi hjá sér, en ári
síðar sendi hún frá sér sína fyrstu
plötu.
 Krista Siegfrids sem keppir fyrir
hönd
Finna þyk-
ir mjög lit-
ríkur kar-
akter. Hún
er óhrædd
við að
vekja at-
hygli jafnt
með klæðaburði sem og fram-
komu. Að hennar sögn var hún að-
eins fimm ára þegar hún heillaðist
af laginu „Fångad av en Storm-
vind“ sem Carola söng fyrir hönd
Svía í Eurovision árið 1991. Krista
Siegfrids söng lagið í tíma og
ótíma, en hugföngnust var hún þó
af vindvélinni og líkti eftir henni
með hárblásaranum sínum. Hún
lofar því áhorfendum vindvél í
finnska atriðinu í kvöld.
 Framlag Svisslendinga þetta ár-
ið er flutt af hljómsveitinni Takasa.
Í hljómsveitinni eru sex meðlimir
sem allir eiga það sameiginlegt að
vera í Hjálpræðishernum og hafa
keppendurnir látið hafa eftir sér
að keppnin sé afbragðs tækifæri til
að vekja athygli á Hjálpræðis-
hernum. Líklega eru vandfundnar
hljómsveitir þar sem jafn mikið
aldursbil er á meðlimum, sá yngsti
er hin 21 árs gamla Sarah Breiter
en sá elsti er hinn 95 ára gamli
Emil Ramsauer. Þess má geta að
Ramsauer brýtur blað í sögu Jú-
róvisjón í kvöld því hann verður
elsti keppandinn í sögu keppn-
innar til að stíga á svið.
Seinni undankeppni
16. maí - listi yfir keppendur
SÖNGVAKEPPNI
MALMÖ 2013
Land Flytjandi Lag
01 Lettland PeR Here We Go
02 San Marínó Valentina Monetta Crisalide (Vola)
03 Makedónía Esma & Lozano Pred Da Se Razdeni
04 Aserbaídsjan Farid Mammadov Hold Me
05 Finnland Krista Siegfrids Marry Me
06 Malta Gianluca Tomorrow
07 Búlgaría Elitsa Todorova, Stoyan Yankulov Samo Shampioni
08 Ísland Eyþór Ingi Ég á líf
09 Grikkland KozaMostra feat.Agathon Iakovidis Alcohol Is Free
10 Ísrael Moran Mazor Rak Bishvilo
11 Armenía Dorians Lonely Planet
12 Ungverjaland ByeAlex Kedvesem (Z. Remix)
13 Noregur Margaret Berger I Feed You My Love
14 Albanía Adrian Lulgjuraj & Bledar Sejko Identitet
15 Georgía Nodi Tatishvili & Sophie Gelovani Waterfall
16 Sviss Takasa You And Me
17 Rúmenía Cezar It’s My Life
Aldursmetið slegið
og vindvélin á fullt
Eurovision 2013
STOFNAÐ 1987
M
ál
ve
rk
:
Ú
lf
ar
Ö
rn
einstakt
eitthvað alveg
Ú r v a l e i n s t a k r a m á l v e r k a o g l i s t m u n a e f t i r í s l e n s k a l i s t a m e n n | Sk ipholt 50a Sími 581 4020 | www.gal ler i l i s t . i s