Morgunblaðið - Sunnudagur - 16.06.2013, Blaðsíða 8

8 MORGUNBLAÐIÐ SUNNUDAGUR 16.6. 2013
A
ð undanförnu hefur kveðið við nýjan
tón í stjórnmálum, sem virðist fá dá-
góðan hljómgrunn hjá mörgum.
Hann gengur út á að útrýma átökum
á vettvangi stjórnmálanna; þar eigi
allir að vera vinir, setjast niður og spjalla og komast í
rólegheitum að niðurstöðu. Allt í góðu. Svo stökkvi
menn eins og íkornar grein af grein og njóti lífsins í
skóginum, svo vísað sé í smellna ræðu á Alþingi á
eldhúsdegi. Inn í þetta hefur fléttast hneykslan á því
sem kallað hefur verið málþóf á þingi. Langvinnar og
stundum harkalegar deilur um ýmis grundvallarmál
þykja þannig ámælisverðar.
Besti flokkurinn í Reykjavík gekk lengst allra
flokka í þessari hugsun með því að neita yfirhöfuð að
gera grein fyrir stefnu sinni og jafnvel henda gaman
að þeim sem töldu sér skylt að kynna hverju þeir
vildu fá áorkað kæmust þeir til áhrifa. Besti flokk-
urinn sagðist hins vegar ætla að „gera allskonar fyrir
alla“ og setja ísbjörn í Húsdýragarðinn. Þetta geng-
ur ágætlega upp í landi þar sem stjórnmálaflokkar
hafa hlaupist frá loforðum sínum eftir að þeir eru
komnir í stjórn og þannig gert stjórnmál ótrúverðug.
En er þá gott að taka upp hinar öfgarnar og setja
enga stefnu fram? Það þykir mér ekki.
Vissulega eru á vinnsluborði stjórnmálamanna
fjöldi verkefna sem þeir leiða til lykta án þess að það
hljóti mikla athygli enda um þau enginn grundvallar-
ágreiningur. Síðan eru önnur mál sem ágreiningur
er um og þá jafnvel svo mikill að æskilegt er að um-
ræðan endurómi um allt þjóðfélagið. Þá náttúrlega
gengur ekki að þegja málið í hel yfir kaffibolla.
Stjórnmálabarátta gengur út á að setja fram til-
lögur um leiðir og lausnir og safna liði þeim að baki.
Öll viljum við gott heilbrigðiskerfi. En hvernig á að
reka það og efla? Þar eru mismunandi hugmyndir
uppi. Öll viljum við öflugt atvinnulíf, en hvaða leiðir á
að fara til að byggja það upp? Um það eru deildar
meiningar. Og auðvitað á skoðanaágreiningur að
vera sýnilegur.
Væri rétt að umhverfissinnar á þingi færu nánast
með veggjum ef virkja ætti Skjálfandafljót í þágu
stóriðju; ræddu málið í vinsamlegu spjalli og síðan
yrði virkjað og allir góðir vinir?
Umræðan hverju sinni hlýtur að ráðast af tilefn-
inu. Hin miklu málþófsmál á tíunda áratugnum og
fyrsta áratug þessarar aldar voru í reynd sárafá en
snerust um grundvallaratriði, umhverfi og samfélag.
Á síðasta kjörtímabili var stjórnarandstaðan sök-
uð um málþóf og pólitískt skemmdarstarf. Ég hallast
að því að nokkuð sé til í þeim ásökunum en minni þó
á að einkaeignarrétturinn – líka yfir vatninu – og
óbreytt kvótakerfi er mörgum hjartans mál, ekki síst
þeim sem eru hagsmunatengdir. Þá er ekki við öðru
að búast en menn reyni að standa í fæturna. Auk
þess er ég þeirrar skoðunar að umdeildum málum
eigi að vera erfitt að koma í gegn, valdhafar eiga að
svitna yfir Kárahnjúkum og einkavæðingu heilbrigð-
iskerfisins – þess vegna líka afnámi kvótakerfisins í
núverandi mynd, nýrri stjórnarskrá eða almanna-
eign á auðlindum.
Allt eru þetta grundvallarmál sem samfélagið hef-
ur ríkar skoðanir á og eðlilegt að tekist sé á um þau.
Ef nú á að taka upp þráðinn þar sem núverandi
stjórnarflokkar skildu við eftir tólf ára samstarf árið
2007 og hefja nýja hrinu einkavæðingar- og stór-
iðjustefnu, þá verð ég ekki í þeim hópi sem situr og
hvíslast á um þessi málefni. Ég mun með öðrum orð-
um ekki svara kallinu um að stjórnmálamenn allra
landa sameinist… í spjalli yfir kaffibolla.
Ég mun þvert á móti gera allt sem hægt er til að
sveigja þróunina í gagnstæða átt. Jafnvel þótt það
kosti stundum margar og langar ræður.
Stjórnmálamenn allra landa…
ÚR ÓLÍKUM ÁTTUM
Ögmundur Jónasson
ogmundur@althingi.is
Steinunn Ólína
Þorsteinsdóttir,
leikkona, skellti
inn á fésbókarsíð-
una sína í vikunni;
„Ef þið YRÐUÐ
að velja ykkur ættarnafn, hvað yrði
fyrir valinu?“ Ekki stóð á svörum
því rúmlega 100 svöruðu spurningu
Steinunnar;
Stefán Karl myndi velja sér Shav-
ing, Magnús Jónsson myndi velja sér
Magnús Morð, Þráinn Bertelsson
myndi velja sér Mörland, Jóhanna
Vigdís Arnardóttir sagði „Æ, bara
Clausen!“ og henti í broskall á eftir.
Ágústa Eva Erlendsdóttir átti þó
frumlegasta heitið en hún vildi
gjarnan heita Lachtoffszher-
ichaszdash.
Útvarpsmaður-
inn Ívar Guð-
munds er dugleg-
ur maður á
morgnana. Rífur í
lóð áður en hann mætir í stúdíó
Bylgjunnar. Hann sagði á fésbókar-
síðunni sinni; „Hrikalega gott að
taka daginn snemma og henda sér á
æfingu, ýttu öllum afsökunum í
burtu og drífðu þig af stað í dag!“
Bróðir hans, Hermann sem eitt
sinn var forstjóri N1 svaraði um
hæl. „Ég kastaði öllum afsökunum
burt og settist á skrifstofuna – eld-
snemma“
Þórður Þórð-
arson, betur
þekktur sem
Doddi Litli, kvaddi
morgunútvarpið á
föstudaginn. Hann
setti stöðufærslu
inn á fésbókina af
því tilefni og svaraði Þráinn Steins-
son, kollegi hans úr Bítinu, þegar
kom í ljós að Doddi vaknaði fjögur.
„4 til hvurs? þið byrjið 5 mín
á undan okkur, og ég vakna kl 6...
hvað ertu eiginlega að gera í 2 tíma
fyrir þátt??“ Doddi var ekki lengi að
svara; „Ég er að vinna, þú gerir eitt-
hvað minna!“ Þráinn svaraði ekki
aftur.
Landsliðsmenn-
irnir í fótbolta Rú-
rik Gíslason og
Alfreð Finn-
bogason fóru út
að borða með Sig-
urjóni Sighvats en
þeir félagar eru í Los Angeles.. Vakti
myndin sem Rúrik birti í kjölfarið
töluverða athygli en Sigurjón var í
skyrtu yfir skyrtu sem sló í gegn.
AF NETINU
Þær Hulda Þorgilsdóttir og Yvonne Tix, semstarfa hjá slökkviliði Akureyrar í sumar,mönnuðu C-vaktina á sjúkrabíl á dögunum
og sinntu sjúkraflutningum. Þær eru fyrsta kven-
áhöfnin á sjúkrabíl á Akureyri. Konum fer fjölgandi
í slökkviliðum landsins en ekki er langt síðan mynd-
ir birtust af kvenáhöfn í Reykjavík.
Hulda hefur verið í Slökkviliði Akureyrar í þrjú
og hálft ár.„Ég er enn í afleysingum eins og er.
Yvonne er á sínu fyrsta sumri. Ég hef verið eina
stelpan hér í gegnum tíðina en við erum þrjár í sum-
ar. Ég og Yvonne hjá Slökkviliðinu og svo er ein hjá
eldvarnaeftirlitinu. Ef maður hefur áhuga á starf-
inu þá skiptir engu máli hvort maður er kona eða
karl í þessu starfi. Það skiptir máli að hafa áhuga og
hafa gaman af þessu,“ segir Hulda. Hún segir vakt-
ina sem þær áttu saman hafa verið rólega.
Hulda Þorgilsdóttir og Yvonne Tix
fyrir framan sjúkrabílinn. Stóðu vakt-
ina þann 11. júní með glæsibrag.
Ljósmynd/Slökkvilið Akureyrar
Mönnuðu
C-vaktina
HULDA OG YVONNE HJÁ
SLÖKKVILIÐI AKUREYRAR Birna Björnsdóttir og
Kristín Eva mönnuðu
sjúkrabíl í Reykjavík.
Morgunblaðið/Júlíus
Vettvangur