Morgunblaðið - Sunnudagur - 16.06.2013, Blaðsíða 46

46 MORGUNBLAÐIÐ SUNNUDAGUR 16.6. 2013
Viðtal
S
vavar er giftur einni þekktustu
sjónvarpskonu landsins og að-
spurður hvernig hann hafi
kynnst henni segir hann að það
hafi verið í gegnum starfið. „Við
Þóra unnum samtímis á RÚV, hún á
Fréttastofu sjónvarps og á Rás 2 en ég á
Fréttastofu útvarpsins. Við auðvitað vissum
hvort af öðru en kynntumst fyrst þegar við
unnum að sömu frétt hvor fyrir sinn mið-
ilinn. Þetta var eitthvert lögreglumál og
þræðirnir lágu til Svíþjóðar. Það þurfti að
taka útvarpsviðtal við sænska löggu í gegn-
um síma og þá fékk ég hana til aðstoðar.
Þá svona fórum við í fyrsta skipti að
spjalla eitthvað fyrir alvöru og svo leiddi
eitt af öðru. Ég bauð nokkrum kollegum
heim eitt kvöldið og Þóra var í þeim hópi.
Gott ef Sigmundur Davíð Gunnlaugsson
forsætisráðherra var þar ekki líka. Það
rennur upp fyrir mér núna, ætli það megi
ekki segja að hann sé nokkurs konar guð-
faðir sambands okkar Þóru,“ segir Svavar
og hlær.
Svavar lýsir heimilinu sem nokkurs kon-
ar umferðarmiðstöð. „Einu sinni taldi ég
þrettán börn í húsinu þegar ég fór á fætur
á laugardagsmorgni,“ segir Svavar sem er
samt sáttur við stöðu sína. Hann segir
þetta allt vera frábæra krakka sem komi
og fari inn og út af heimilinu.
Aðspurður hvort hann ætli ekki að snúa
aftur í blaðamennskuna segir hann að í
raun sé hann ekki farinn úr henni, þótt
hann hafi sagt upp á RÚV. „Ég er búinn
að vera rúman áratug í blaðamannabrans-
anum og er ekkert hættur. Ég er sjálf-
stætt starfandi matarblaðamaður í dag. Ég
kem efninu frá mér í formi bóka eða
blaðagreina og á vefnum. Svo er ég líka að
framleiða sjónvarpsþætti um mat. Þeir
verða sýndir á RÚV þarnæsta vetur og við
erum búnir að vera í tökum í vor og verð-
um áfram í sumar. Hugmyndin að þátt-
unum er sú að fylgja matnum eftir frá
upphafi til enda. Sýna hvaðan hann er
upprunninn, hvernig hann verður að mat.
Hvernig þetta lifir í sátt og samlyndi, mat-
ur sem verður til með flóknum aðferðum
og sá sem verður til með einföldum aðferð-
um. Hvort sem þetta er svartfuglsegg sem
þú borðar hrátt í bjarginu eða laktósalaus
mjólk sem fer í gegnum flókið vinnsluferli.
Uppruninn er alltaf sá sami: íslensk nátt-
úra. Niðurstaðan er líka alltaf sú sama. ís-
lenskur matur.
Í þessum þáttum förum við út um allt
land, í sveitir og á sjó, inn í vinnslur og
reynum að sýna heildstæða mynd af því
hvernig matur verður til á Íslandi.
Þetta er hluti af því að gera bara það
sem mér finnst skemmtilegt. Í raun taka
það skemmtilegasta úr fréttamennskunni og
gera bara það. Fara út á land og hitta
fólk og skoða áhugaverða hluti.
Vera í stígvélunum og verða svolítið skít-
ugur, það er skemmtilegast. Það er líka
svo margt magnað sem er í gangi út um
allt land. Fólk er að gera alveg frábæra
hluti sem fer oft ekki mikið fyrir.“
Barðist fyrir eiginkonuna
Svavar Halldórsson tók sér frí í fyrra frá
RÚV til að hjálpa eiginkonu sinni, Þóru
Arnórsdóttur, í forsetaframboði hennar. Að-
spurður hvort það hafi ekki verið erfitt að
koma til baka á fréttastofuna eftir að hafa
verið hinumegin við borðið í nokkurn tíma;
verandi aðalfréttamaturinn. „Jú, það var
pínulítið skrítið að koma til baka eftir for-
setakosningarnar. En við höguðum okkur
þannig í baráttunni að það var ekki neitt
sem við þurftum að sjá eftir eða skammast
okkar fyrir. Við létum skítkast og neð-
anbeltisbaráttu alveg eiga sig. Það þýðir að
við stöndum eftir keik og stolt af því sem
við og stuðningsmenn Þóru gerðu. Kosn-
ingabaráttan var fyrst og fremst merkileg
og skemmtileg reynsla. Við kynntumst svo
mörgu frábæru fólki og ótrúlegt að sjá
hverju er hægt að áorka ef fólk hefur
sameiginlegt markmið. “
Aðspurður hvort hann hafi ekkert verið
ósáttur við umfjöllun félaga sinna á RÚV í
kosningabaráttunni vill hann ekki meina
það. Það hafi samt augljóslega frekar hall-
að á Þóru en hitt, en það sé skiljanlegt.
„Það voru allir á RÚV að passa sig á
því að vera hlutlausir sem var erfitt í um-
fjöllun um okkur sem erum félagar þeirra
og persónulegir vinir margra í Efstaleitinu.
Þegar maður einbeitir sér að því að passa
sig að draga ekki taum þeirra sem maður
þekkir verður maður stundum hlutdrægur í
hina áttina. Við höfðum fullan skilning á
því. Mér finnst til dæmis gagnrýnin sem
kom fram um að RÚV væri með umfjöllun
Þóru í hag hafa verið algjörlega út í hött.
Ef einhver myndi greina þessa umfjöllun
alla saman að þá held ég að fólk sjái að
það hafi frekar hallað á Þóru heldur en
hitt þegar RÚV átti í hlut.
En það var ekkert mál. Það hefur ekk-
ert með uppsögn mína á RÚV að gera.
Fyrir kosningarnar var ég farinn að verða
þreyttur í starfinu. Neistinn svolítið farinn
að hverfa. Það sem heldur fólki í svona
starfi er vissan um að maður er að vinna
fyrir almenning í landinu, varpa ljósi á
kuskið í hornunum og fletta hulunni af því
sem gerist fjarri sjónum almennings. Það
er auðvitað ofboðslega skemmtilegt að vera
fréttamaður hjá RÚV. Það var hins vegar
búin að vera mikil keyrsla alveg frá hruni,
uppsagnir, aukið álag, sameining fréttastof-
anna og árásir úr öllum áttum. Þetta er
spurning um það hversu lengi maður er
tilbúinn að vinna undir svona álagi, oft um
helgar og lengi fram eftir. Því auðvitað er
þetta lýjandi. Ekki eru launin heldur neitt
til að hrópa húrra fyrir. Ég vil helst ekki
vera í vinnu þar sem ég sprett ekki upp á
Matur er málið,
það er ekkert
skemmtilegra
EFTIR HARÐA KOSNINGABARÁTTU UM FORSETAEMBÆTTIÐ SEM HINN
ÞEKKTI FRÉTTAMAÐUR, SVAVAR HALLDÓRSSON, TÓK ÞÁTT Í MEÐ EIG-
INKONU SINNI, ÞÓRU ARNÓRSDÓTTUR, KOM HANN AFTUR UPPÁ
FRÉTTASTOFU RÚV Í HAUST. HANN SEGIR AÐ ÞAÐ HAFI VERIÐ SKRÍTIÐ
FYRIR FRÉTTAMANN AÐ HAFA UM TÍMA VERIÐ AÐALFRÉTTAMATURINN.
HANN STOPPAÐI SAMT STUTT VIÐ Í ÞETTA SINN, SAGÐI UPP Á ÁRAMÓT-
UM OG HEFUR ALFARIÐ SNÚIÐ SÉR AÐ MATARPÓLITÍK.
Börkur Gunnarsson borkur@mbl.is
Svavar elskar að borða og ætlar að einbeita sér að matarblaðamennsku.