Morgunblaðið - Sunnudagur - 16.06.2013, Blaðsíða 38

*Föt og fylgihlutir Hönnuðir eins og Jil Sander og Alexander Wang leggja upp með hvítt í sumarlínum sínum »40
Hver hafa verið bestu kaupin þín fatakyns?
Trench coat eða síður frakki sem ég fann
þegar ég var að vinna í Spúútnik 2009. Ást
við fyrstu sýn en hann féll ekki alveg í kram-
ið hjá öllum á þessum tíma en ég elskaði
hann, geri enn og held að ég muni hreinlega
alltaf gera.
En þau verstu?
Allt sem ég hef mokað í poka í einhverjum
trans í utanlandsferðum og síðan aldrei not-
að. Það er samt liðin tíð, almennt finnst mér
ég alltaf gera góð kaup, að minnsta kosti á
þeim tíma sem ég geri þau.
Hvað finnst þér smart í dag?
Dragtir og sett eru eitthvað sem ég fell alltaf
fyrir. Fyrsta dragtin sem ég eignaðist var
pilsdragt úr ljósu flaueli sem ég fékk í kring-
um fermingaraldurinn. Síðan þá hafa þær
verið ótalmargar og enn bætist í safnið svo
mér finnst það smart núna og hefur alltaf
þótt. Ég er líka ótrúlega hrifin af framandi
mynstrum og textílum, suður-amerískri-
indíána-afrískri-drottningar flækju með ind-
versku ívafi.
Hvernig myndir þú lýsa fatastílnum þínum?
Fjölbreyttur fyrst og fremst. Ég er engin
týpa og á sama tíma allar týpur. Ég klæði
mig eftir degi, skapi, tilfinningu,
árstíð þó sjaldnast veðri sem ég
mætti hugsanlega bæta úr…
Hver er flottasta búð sem þú
hefur komið í?
Ampersand er náttúrulega uppáhaldsbúðin
mín og ótrúlega falleg en svo held ég að
Aftur á Laugavegi sé sú búð sem fangar
mig mest, svona einskonar heimur sem
dregur mann inn og lætur mann langa til að
vera hluti af honum.
Manstu eftir einhverjum tískuslysum sem
þú tókst þátt í?
Er ekki allt tískuslys eftir á? Nei, ég myndi
kannski frekar segja að ég hafi átt tískuka-
tastrófur. Mér dettur í hug neongul, ökk-
lasíð dúnkápa, bleikir og fjólubláir Buffalo
skór og svo mætti lengi telja.
Hvað hefurðu helst í huga þegar þú velur
föt?
Ég er alltaf með einhvers konar þema þegar
ég klæði mig, hvort sem það er byggt á bíó-
mynd sem ég var að horfa á eða einhverri
ákveðinni persónu eða tilteknu tímabili.
Annars bara hvernig mér líður og hvernig
fötin láta mér líða.
Áttu þér einhvern uppáhaldsfatahönnuð?
Eva Dögg Rúnarsdóttir. Hún er eins og ég,
svo fötin sem hún hannar eru ég.
Ef þú þyrftir aldrei að kíkja á verðmið-
ann, hvaða flík eða fylgihlut myndirðu
kaupa?
Fyrir tveimur árum var ég svo heppinn að
fá að vera í grænum Chanel jakka úr haust-
línu Chanel 2011 í myndtöku, ég varð ást-
fangin af honum og hef þráð hann alla tíð
síðan. Annars er það kannski ekki alltaf
verðmiðinn sem skiptir öllu, ég hef stundum
séð eftir því að hafa ekki keypt sumar flíkur
strax. Þetta á sérstaklega við um „vintage“
og „one of a kind“ stykki sem ég ákvað að
bíða með að kaupa. Svo voru þær kannski
farnar þegar ég kom aftur og ég er enn með
þær á heilanum, svo hik er sama og tap.
Einhver ráð eða mottó sem þú lumar á
þegar kemur að fatavali?
Ekki fylgja trendum of stíft, það eru þau
sem láta þig fá kjánahroll þegar þú horfir á
gamlar myndir. Já, og klæddu þig eftir
veðri… Það borgar sig.
Anna Sóley Viðars-
dóttir er ávallt vel til
höfð og smart í
tauinu. Hún hefur sér-
stakan en einstaklega
fallegan stíl.
REKUR VERSLUN Í KAUPMANNAHÖFN
Með Chanel jakka
á heilanum
ANNA SÓLEY VIÐARSDÓTTIR FLUTTI TIL DANMERKUR FYRIR STUTTU SÍÐ-
AN Í SKIPTINÁM EN STEFNIR EKKI Á AÐ KOMA HEIM Í BRÁÐ. HÚN ER
ANNAR HELMINGUR SKAPANDI SUÐUPOTTS, EN HÚN OG VINKONA
HENNAR, EVA DÖGG RÚNARSDÓTTIR, OPNUÐU SAMAN VERSLUNINA
AMPERSAND Í KAUPMANNAHÖFN FYRIR TÆPU ÁRI SÍÐAN.
Gunnþórunn Jónsdóttir gunnthorunn@mbl.is
Anna Sóley sækir innblástur meðal annars í afrískan og indverskan stíl.
„Dragtir og
sett eru eitt-
hvað sem ég
fell alltaf fyr-
ir“.