Morgunblaðið - Sunnudagur - 21.07.2013, Síða 13

21.7. 2013 MORGUNBLAÐIÐ SUNNUDAGUR 13
íþróttum á Bislett-leikvanginum í
Osló. Þar vann Gunnar Huseby gull
í kúluvarpi og kringlukasti. Örn
Clausen vann gull bæði í 110 m og
400 m grindahlaupi, Hörður Har-
aldsson vann gull í 200 m hlaupi,
Torfi Bryngeirsson vann bæði í
langstökki og stangarstökki og
Skúli Guðmundsson vann hástökkið.
Íslendingar unnu bæði 4x100 m
og 4x400 m boðhlaupin.
Á sama tíma og þessi sögulegi
sigur náðist í frjálsíþróttum vann
Ísland Svíþjóð í landsleik í knatt-
spyrnu á Melavellinum 4:3, þannig
að stolt hinnar nýfrjálsu þjóðar var
mikið þennan dag.
Silfur á Ólympíuleikunum
Vilhjálmur Einarsson er eini Ís-
lendingurinn sem hefur náð silfri á
Ólympíuleikunum í einstaklingsí-
þrótt, en því náði hann í Melbourne
í Ástralíu árið 1956, en Bjarni Frið-
riksson og Vala Flosadóttir náðu
bronsi seinna á öldinni.
Eins og algengt var á þeim tíma
var Vilhjálmur á fullu í annarri
vinnu en sinnti frjálsíþróttunum í
frítíma sínum. Um sumarið 1956
tekur hann sér frí til að keppa á
móti í Svíþjóð enda hafði hann not-
að bók sænska þjálfarans Gösta
Holmers um þrístökk sér til stuðn-
ings. Holmers hleypti honum samt
ekki inn á æfingar með sænsku
hetjum þrístökksins fyrir mótið þar
sem hann vildi ekki koma upp um
leyndarmál sænska landsliðsins.
Vilhjálmur fékk samt í fyrsta skipt-
ið á ævinni þrjár vikur sem hann
gat notað eingöngu í það að æfa
þrístökkið. Þegar kom að mótinu
stökk hann strax í fyrsta stökki svo
langt að hann setti nýtt Norð-
urlandamet. Sænsku landsliðs-
mönnunum brá svo við að Íslend-
ingur sem enginn kunni deili á
hefði slegið Norðurlandametið í
fyrsta stökki að þeir hrukku í bak-
gír og stukku allir langt undir getu
á mótinu.
Um haustið mætti Vilhjálmur á
Ólympíuleikana í Melbourne og
setti nýtt heimsmet í öðru stökki
sínu. Það stóð reyndar aðeins í
tvær klukkustundir því Bras-
ilíumaðurinn de Silva sló heims-
metið og tók gullið í síðasta stökki
sínu. En silfrið var Vilhjálms og
varð hann að þjóðhetju fyrir vikið.
Kúluvarparar
Meðal skærustu stjarna frjáls-
íþróttanna á síðustu áratugum ný-
liðinnar aldar voru kúluvarpararnir
Hreinn Halldórsson og arftaki hans
Pétur Guðmundsson. Lengst náði
Hreinn á alþjóðlegum mótum þegar
hann varð Evrópumeistari í kúlu-
varpi í San Sebastian á Spáni árið
1977. En Hreinn komst einnig í úr-
slit í kúluvarpi á Ólympíuleikunum
í Moskvu 1980 og endaði í 9. sæti á
leikunum en á þeim leikum keppti
einnig Óskar Jakobsson í kúluvarpi
og endaði í 11. sæti.
Sigrar Péturs Guðmundssonar
voru margir og glæstir en lengst
náði hann með bronsverðlaunum á
EM innanhúss 1994.
Eins og áður er getið var Örn
Clausen einn sterkasti tugþraut-
armaður í heiminum um nokkurra
ára skeið en hætti aðeins 24 ára.
Valbjörn Þorláksson var um ára-
bil gríðarlega öflugur í tugþraut og
náði meðal annars 12. sæti á Ól-
ympíuleikunum í Tókýó 1964 og
varð Norðurlandameistari árið eft-
ir.
Jón Arnar Magnússon vakti fyrst
verulega athygli í unglingakeppni
Frjálsíþróttasambandsins 1985 þar
sem hann vann til verðlauna í öllum
greinum nema einni. Hann átti síð-
ar eftir að leggja tugþraut fyrir sig
og verða Norðurlandameistari í
þeirri grein og keppti tvisvar á Ól-
ympíuleikunum. Hann náði silfri á
heimsmeistaramóti og bronsi á
Evrópumeistaramóti í sjöþraut.
Stangarstökkið
Íslendingar hafa verið farsælir í
stangarstökki en áður er getið
Torfa Bryngeirssonar sem ólst upp
í Vestmannaeyjum þar sem einn af
hápunktum þjóðhátíðar var stang-
arstökk sem hann síðar gerði að að-
algrein sinni og varð Norð-
urlandameistari í en fékk reyndar
óvænt gullið á EM í Brussel fyrir
hliðargrein sína, langstökkið.
Vala Flosadóttir varð sigursæl,
hún varð Evrópumeistari í stang-
arstökki innanhúss 1996, en það var
í fyrsta skipti sem keppt var í
stangarstökki kvenna á stórmóti, og
hafnaði í þriðja sæti á Evr-
ópumeistaramótinu árið 1998. Hún
vann Evrópumeistaramót 22 ára og
yngri 1999 og varð önnur á evr-
ópska unglingameistaramótinu
1997. Hún er ein þriggja Íslendinga
sem hafa komist á verðlaunapall á
Ólympíuleikunum í einstaklings-
íþrótt en hún fékk bronsverðlaun á
Ólympíuleikunum í Sydney í Ástr-
alíu 2000.
Þess má geta að Þórey Edda El-
ísdóttir tvíbætti Íslands- og Norð-
urlandamet Völu, þó að hún næði
ekki á verðlaunapall, en hún varð í
fimmta sæti á Ólympíuleikunum
2004 og 6. sæti á HM 2001.
Framtíð frjálsíþróttanna
Aníta Hinriksdóttir er eitt mesta
efni sem Ísland hefur alið í frjáls-
um íþróttum og allra augu eru á
þessari hæfileikastelpu. Íslendingar
hafa ekki átt hlaupara á heims-
mælikvarða í flokki kvenna síðan
Guðrún Arnardóttir komst í úrslit
Ólympíuleikana í Sydney árið 2000
og endaði þar í 7. sæti í 400 m
grindahlaupi. Aníta er fyrst Íslend-
inga til að vinna heimsmeistaratitil
og tryggði sér á fimmtudaginn sæti
í úrslitum 800 metra hlaupsins á
Evrópumeistaramóti 19 ára og
yngri á Ítalíu af miklu öryggi. Hún
á mikla möguleika á að vinna gull í
úrslitakeppninni sem fer fram í dag
laugardag, klukkan 15.15.
Nokkrir Íslendingar hafa unnið
heimsmeistaratitla í frjálsum íþrótt-
um öldunga en þau mót eru ekki
innan Alþjóðasambands frjálsra
íþrótta (IAAF).
Á Evrópumeistaramótinu í Zür-
ich í Sviss á næsta ári mun Aníta
Hinriksdóttir væntanlega keppa í
fyrsta skipti á móti fullorðinna.
Frjálsíþróttasamband Íslands
(FRÍ) hefur sett sér það markmið
að senda góðan hóp íþróttamanna á
EM í Zürich á næsta ári, enda lofar
frammistaða ungu íþróttamannanna
mjög góðu. Fara þær Ásdís
Hjálmsdóttir og Aníta þar fremstar
í flokki, en margir efnilegir og ung-
ir frjálsíþróttamenn eru í mikilli
framför um þessar mundir. Augu
Íslendinga verða á mótinu.
Morgunblaðið/Ómar
Vala Flosadóttir er sigursælasti
íslenski frjálsíþróttamaðurinn á EM,
HM og Ólympíuleikunum.
Morgunblaðið/Sverrir
Sigursælasta lið Íslendinga á alþjóðlegu stórmóti til dagsins í dag er án vafa það lið sem fór á EM í Brussel árið
1950. Flestir enduðu í einhverju af efstu sætunum í sinni grein og þar af tveir í fyrsta sæti og einn í öðru sæti.
Fremst frá vinstri: Ásmundur Bjarnason, Finnbjörn Þorvaldsson, Haukur Clausen, Örn Clausen og Jóel Sigurðsson.
Miðröð: Magnús Jónsson, Guðmundur Lárusson, Pétur Einarsson, Gunnar Huseby og Torfi Bryngeirsson. Aftast:
Ingólfur Steinsson, Garðar S. Gíslason og Benedikt Jakobsson landsliðsþjálfari.
* Árið 1951vann síðanÍsland sögulegan
sigur í landskeppni
við Norðmenn og
Dani í frjálsum
íþróttum.
DÚKA KRINGLUNNI SÍMI: 533 1322 SMÁRALIND SÍMI: 564 2011 DUKA.IS
Litríkar, hagnýtar,
fíngerðar, óbrjótandi,
fallegar, spennandi,
endingargóðar, mjúkar,
skemmtilegar...
Alls konar gjafir á
óskalistann ykkar.
Kláraðu listann
Brúðhjón sem gera
óskalista fá
10% afslátt
af öllum vörum
hjá okkur
í 6 mánuði
eftir brúðkaupið.