Morgunblaðið - Sunnudagur - 18.08.2013, Qupperneq 8

8 MORGUNBLAÐIÐ SUNNUDAGUR 18.8. 2013
Íbúum austan Lækjar finnst trúlega nóg umfréttir af þrjú hundruð metra götuspotta áMelunum og þeirri breytingu sem stendur þar
yfir með lagningu hjólreiðastíga og málaðra um-
ferðarmerkinga á götuna, marglitra. Sumum
kann líka að þykja mótmæli við breytingunni til-
hæfulaus. Er ekki verið að „hressa upp á“ götuna,
bæta ásýnd hennar, koma til móts við hjólreiða-
menn og draga úr umferðarhraða? Og það er nú
ekki eins og öll gatan sé hér undir. Enn er hátt í
kílómetri eftir óbreyttur fyrir þá sem ekki kunna
við nýja útlið. En þegar nánar er að gætt stendur
ekki steinn yfir steini í skýringum embættis-
manna á fyrirbærinu, hvaðan sem á málið er litið.
Hofsvallagatan er kannski ekki breiðgata að
hætti stórborga en hún er ein fárra breiðra íbúða-
gatna í Reykjavík. Gangstéttarnar eru einnig fá-
dæma breiðar og húsin þeirrar gerðar að óhætt er
að fullyrða að götumynd Hofsvallagötu, með sjáv-
arsýnina hátt frá Landakotshæð, sé heildstæð.
Slíkar götumyndir í vesturhluta borgarinnar hef-
ur löngum þótt nokkurs virði að varðveita. En nú
ber svo við að borgaryfirvöld telja að ásýnd göt-
unnar þurfi að bæta og það hafa þau gert með því
að vekja upp Walt heitinn Disney og fengið hann
til að selja upp á götuna fyrir 20 milljónir. Vissu-
lega er fegurðin afstæð og huglæg en hér verður
það fullyrt að þótt umferðarmerkingar kunni að
vera nauðsynlegar þá bæta þær ekki ásýnd nokk-
urrar götu, hvað þá þegar merking er endurtekin
fimmhundruð sinnum á 300 metra kafla.
Og hjólreiðamennirnir? Hvert eiga þeir að
hjóla þegar þeir hafa hjólað alla 300 metrana á
þar til gerðum marglitum stígunum, 90 cm
breiðum? Eiga þeir bara að henda sér út í um-
ferðina á næstu litlausu götu, án fána og fugla-
húsa? Það hljómar reyndar ekki illa eftir að
hafa verið notaðir sem mannlegir vegatálmar í
þeim yfirlýsta tilgangi borgarstjórnarinnar að
tefja fyrir bílaumferð.
Auðvitað þurfa hjólreiðamenn að komast
ferða sinna eins og aðrir. Skipulag borgarinnar
verður hins vegar að taka tillit þarfa borg-
arbúa á hverjum tíma um leið og gera þarf ráð
fyrir breyttum þörfum síðar. Upplagt er að
hafa þetta í huga við hönnun nýrra hverfa og
meiriháttar skipulagsbreytinga í eldri hverf-
um.
Enginn kjörinn fulltrúi í borgarstjórn hefur
gengist við breytingunum og borgarfulltrúar
meirihlutans hafa jafnvel ekki fengist til að
ræða þær við fjölmiðla. Okkur hjólreiðamönn-
um þætti áhugavert að heyra skýringar borg-
arfulltrúa meirihlutans, sem alla jafna forðast
nú ekki sviðsljósið, á því af hverju nota eigi
okkur sem vegatálma. Það verður kannski eitt-
hvað að frétta í næstu viku.
Mannlegir skildir við Hofsvallagötu
*Hjólreiðamönnum erengin þægð í því að hjól-reiðum skuli sífellt vera att
gegn bílaumferð og þær bein-
línis notaðar til að hindra
hana á annars greiðförnum
vegi.
ÚR ÓLÍKUM ÁTTUM
Sigríður Ásthildur
Andersen
sigga@sigridurandersen.is
Halla Vilhjálmsdóttir leikkona
og fyrirsæta fékk sendan blómvönd
frá nafnlausum
aðdáanda í vikunni
en hún býr í Lond-
on. Halla auglýsti
eftir sendanda
blómvandarins á
Facebook-síðu
sinni á fimmtudag.
„Hver sendi blóm? Takk, þau eru
falleg, en þú gleymdir að láta nafn
þitt fylgja með. Engin svör virðast
hafa borist.
Hamingjuóskum rigndi inn á Fa-
cebook-síðu
listakokksins
Yesmine Olsson
í gær en hún og
eiginmaður henn-
ar, Arngrímur
Fannar Haralds-
son, héldu þá upp
á 5 ára brúðkaupsafmæli. Meðal
þeirra sem sendu þeim hlýja kveðju
var bróðir Adda Fannars, eins og
hann er jafnan kallaður, Einar Bárð-
arson.
Meðan þau hjón tóku við ótal
kveðjum var annar sem lýsti því yfir
á Facebook þennan sama dag að
hann ætlaði alls ekki að gefa „læk“
á stöðuuppfærslur. „Í dag ætla ég
að vera mjög spar á lækin mín, svo
ef þið fáið læk frá mér, þá megið
þið vera upp með ykkur,“ skrifaði
Óttar Martin Norðfjörð.
Kvikmyndaspekúlantinn Ás-
grímur Sverrisson tók það svo
að sér að mæla
með bíómynd fyrir
facebook-vini sína.
„Mikið makalaust
afbragð er Before
Midnight, illa svik-
inn ef þetta er
ekki ein allra besta mynd ársins og
þó víðar væri leitað. Einföld, sterk
og grípandi.“ Kvikmyndin er sýnd í
Bíó Paradís þessa dagana en Ás-
grímur getur þess einnig að gamall
kennari hans, tökumaðurinn Wal-
ter Lassally, leiki aukahlutverk í
kvikmyndinni. Lassaly hlaut Ósk-
arsverðlaun fyrir Zorba the Greek
frá árinu 1964 og er einn þekktasti
tökumaður Breta.
AF NETINU
Hárgreiðslustofan Carter í Hafnarfirði býður
viðskiptavinum „meira“ í stólnum í auglýs-
ingu sem birt hefur á vefmiðlum. Eins og sjá
má á auglýsingunni sem birt er til hliðar sýn-
ir hún mynd af sólbrúnni konu sem liggur út
af með buxurnar hnepptar frá og texti við
myndina segir: „Þú færð meira í stólnum hjá
okkur.“
Róbert Magnússon, eigandi Carter, segir í
samtali að hver megi túlka slagorðið á sinn
hátt. „Hvað viltu að það sé?“ segir Róbert að-
spurður fyrir hvað „meira“ stendur fyrir.
„Þessi auglýsing er búin að vera síðan 1994,
af hverju ertu ekki búin að hringja fyrr?
Þetta er auglýsing sem var sett saman af
strákum og ef fólk vill lesa gott eða misjafnt í
þetta, þá bara gerir það það. Það er ekkert
annað en jákvætt á bak við þetta.“ Róbert
segir að í hvert skipti sem auglýsingin sé birt
skapist umræður um hana. „Þessi auglýsing
kemur og fer en það myndast alltaf ein-
hverjar umræður þegar ég set hana upp og
það er bara ágætisauglýsing,“ segir Róbert.
„En það hefur enginn karlmaður kvartað yfir
þessari auglýsingu,“ tekur hann fram í sam-
tali við blaðamann.
Bara konur þá?
„Ja, eða það hefur ein hringt hérna á stof-
una yfir þetta 19 ára tímabil.“
Af hverju helduru að það sé?
„Ég veit það ekki. Það er allavega enginn
að tuða yfir þessu eða argast út í þetta eða
neitt.“
Aðspurður hvort viðskiptin aukist eftir
birtingu auglýsingarinnar segir hann svo ekki
vera. „Ég er ekki að segja að ég hafi fengið
meira að klippa, þetta er nú bara hárgreiðslu-
stofa. En það eru ýmsar konur sem hafa
ákveðnar skoðanir og þær mega alveg hafa
þær“. gunnthorunn@mbl.is
Djörf auglýsing gefur
óljós skilaboð
Vettvangur