Morgunblaðið - Sunnudagur - 18.08.2013, Side 34

*Græjur og tækniEinn af skrautlegustu karakterum tækniheimsins Kim Dotcom íhugar að flytja til Íslands »36
M
ikið hefur verið fjallað um ís-
lensku deilingarsíðurnar eftir
að þær fóru að leyfa íslenskt
efni þar inni. Nú getur hver
sem er náð sér í kvikmyndirnar Djúpið,
Borgríki, Kurteist fólk, Frost og þætti
frá Stöð 2 og SkjáEinum án þess að
kunna nokkuð á tölvur. Ekki voru allir á
eitt sáttir með þessa ákvörðun og hættu
margir sem stjórnendur og umsjónarmenn
vefsíðnanna. Vildu ekki eiga það á hættu
að þurfa að borga háar skaðabætur þeg-
ar lögreglan og lögfræðingar næðu í
skottið á þeim.
Klámefni er aðgengilegt á þessum síð-
um. Sunnudagsblað Morgunblaðsins komst
í samband við mann sem áður rak slíka
síðu en hætti í kjölfar þess að íslenska
efnið var leyft. Hann segist hafa fengið
talsvert upp úr því að reka síðuna. „Ég
var að fá svona 400-500 þúsund á mán-
uði, 40 þúsund fóru í rekstur á síðunni
og restin í minn eigin vasa,“ segir mað-
urinn, sem vill ekki láta nafns síns getið.
„Margir vitlausir í klám“
Maðurinn kallar sig Dean Sounders í net-
heimum og stjórnaði áður íslenskri deil-
ingarsíðu. Hann segir að peningarnir
komi frá notendum og í formi styrkja.
„Ég er með afbrotaferil á bakinu og
flestir aðrir í þessu, en sá sem rekur
deildu er bara gutti og ekki á sakaskrá.
Hann hefur unnið sem pitsusendill.“
Dean Sounders er að setja á laggirnar
nýja síðu sem verður opnuð von bráðar.
Hann vill ekki meina að svona síður
gangi út á klám og að klám sé einhvers
konar gjaldmiðill þarna inni. „Nei, ég
myndi ekki segja það, en auðvitað eru
margir vitlausir í klám og það hjálpar
öðrum notendum. Síðurnar eru aðallega
gerðar út á allt annað en klám, þó klám-
ið sé vissulega til staðar.“
Ofbeldisklám aðgengilegt
Eins og blaðamaður komst að raun um
spannar klámefnið á síðunum allt frá eró-
tískum myndum yfir í ofbeldisklám þar
sem konum er misþyrmt á hryllilegan
hátt. Slíkar myndir eru vinsælar til nið-
urhals og þegar þær koma inn fara þær
yfirleitt strax á toppinn. Myndirnar
ganga út á að konan gerir einhver mis-
tök og er refsað grimmilega. Oft má sjá
maskara og annað leka eftir að leikkonan
grætur og biður um miskunn. Í titli
myndarinnar er svo sagt að allt þetta sé
„bara leikur“. Tólf klámmyndir komu inn
á deildu.net á miðvikudag, allar nema ein
frá sama notanda.
Vinsælustu myndinni var halað niður
sex þúsund sinnum, jafnoft og íslensku
myndinni Djúpið.
Dean Sounders segir að strákarnir sem
eru á bak við síðurnar séu 15-25 ára.
Hann hefur vitað um eina konu sem hef-
ur verið stjórnandi eða stofnandi svona
vefsíðu. „Ég hafði nokkra sem unnu í
kvikmyndahúsum ásamt ýmsum öðrum,“
segir hann en oft komi myndir til hans í
fullum gæðum með íslenskum texta á
undan myndbandaleigum. Enda eru slíkar
að deyja hægt og rólega út. Það er erfitt
að keppa við efni sem er frítt og komið
inn á heimili fólks í fullum gæðum með
íslenskan texta.
Óhræddur við lögguna
Afleiðingar af því að stjórna svona síðum
eru ekki miklar. Miðað við að stjórn-
endur séu með 500 þúsund í mánaðar-
laun. Sektin sem stjórnandi Istorrent
fékk í Hæstarétti var milljón krónur, eða
tvenn mánaðarlaun. Síðan var uppi tölu-
vert lengur en það. Enginn þurfti að
sitja inni vegna málsins. „Ég er ekkert
sérstakalega hræddur við að löggan komi
og banki uppá hjá mér. Þá greiði ég
mína sekt og held mína leið. Ég veit að
sá sem á deildu.net er reyndar skít-
hræddur núna.
Það vissi enginn að ég átti eða var
stjórnandi þessarar síðu. Ég gerði þetta í
algjöru leyni og ætla að gera slíkt hið
sama með nýju síðuna mína.“
Skjáskot úr tveimur ofbeldisklámmyndum sem deilt hefur verið margoft á íslenskri síðu.
Menn geta falið sig í
netheimum en skilja
alltaf eftir spor sem
lögreglan finnur á
endanum.
Ljósmynd/Kristinn Ingvarsson
ÍSLENSKU TORRENTSÍÐURNAR FULLAR AF KLÁMI
„Klámið er
vissulega til
staðar“
ÍSLENSKU NIÐURHALSSÍÐURNAR, SEM DEILA ÍSLENSKU EFNI FRÍTT MILLI
NOTENDA, GEYMA MYNDIR OG MYNDBROT SEM SÝNA GRÓFT KLÁM.
NAUÐGANIR, BARSMÍÐAR OG ÖNNUR NIÐURLÆGING ER MIKIÐ SÓTT Á
ÞESSUM SÍÐUM. SUNNUDAGSBLAÐ MORGUNBLAÐSINS KOMST Í SAM-
BAND VIÐ FYRRUM STJÓRNANDA SLÍKRAR SÍÐU. HANN SEGIR SÍÐURNAR
EKKI GERÐAR ÚT Á KLÁM EN ÞAÐ SÉ VISSULEGA TIL STAÐAR.
Benedikt Bóas benedikt@mbl.is
Vegvisir.is er ný ís-
lensk heimasíða sem
gefur upp vegalengd á
milli tveggja áfanga-
staða. Með því að slá
inn brottfarastað og
áfangastað færðu ná-
kvæmar upplýsingar
um vegalengd, áætl-
aðan ökutíma, elds-
neytiseyðslu og
kostnað, ásamt upp-
lýsingum um hvort
bundið slitlag er alla
leið. Síðan er hönnuð með birtingu í snjallsíma í huga og
hentar því einkar vel á ferðalaginu.
VEGVÍSIR
Hægt að áætla ökutíma
Frábært smáforrit
sem aðstoðar þig
við matargerðina.
Forritið hefur að
geyma yfir 40.000
uppskriftir sem þú
getur skoðað eða
þú getur hreinlega
slegið inn það hrá-
efni sem þú kýst að
nota og forritið
finnur fyrir þig upp-
skrift. Einnig gefst
kostur á að geyma matarlista inni á forritinu og sjá næring-
argildi hvers réttar fyrir sig. Smáforritið er einfalt í notkun og
sparar bæði tíma og vangaveltur.
UPPSKRIFTARFORRITIÐ ALLRECIPES
Uppskriftir í símann
Aviary er eitt besta
myndvinnslu-smáfor-
ritið í dag. Aviary er
ókeypis og er ekki
ósvipað Instagram og
Camera+ að því leyti að
það hefur að geyma
ýmsa ljósmyndafíltera.
Aviary er smáforrit sem
gerir þér þó kleift að
vinna myndirnar mun
meira, eins og að klippa
þær til, stilla lýsingu,
hylja misfellur og margt, margt fleira sem gerir símamynd-
irnar þínar enn fullkomnari.
Myndvinnslu smá-
forritið Aviary
FULLKOMNAÐU SÍMAMYNDIRNAR