Morgunblaðið - Sunnudagur - 18.08.2013, Side 39

18.8. 2013 MORGUNBLAÐIÐ SUNNUDAGUR 39
www.gilbert.is
KLASSÍSK ÍSLENSK ÚR
FYRIR ÖLL TÆKIFÆRI
Stofnað 1957
Jarðvegsþjöppur - Vatnsdælur - Malbikunarvélar
Vinnustaðamerkingar - Vélsópar - Hellulagningatæki
A. Wendel ehf - Tangarhöfða 1 - 110 Reykjavík - Sími 551 5464 - wendel.is
Tæki til verklegra
framkvæmda
Þ
að er yfirleitt ekki venjan að
mann langi í hvít föt í síð-
sumrinu, en lífið er svo dásam-
lega óútreiknanlegt á köflum,
að ég vissi ekki fyrr en ég stóð inni í
mátunarklefa í skjannahvítri hnés-
íðri kápu eins og ekkert væri eðli-
legra …
Veðurfarið kallaði kannski ekki beint
á snjóhvíta kápu, meira svona pollagalla með
hettu og vöðlur, en mér leið engu að síður eins og
drottningu þegar ég var komin í hana. Hugurinn reikaði
fram í tímann og um stund leið mér eins og myndi ekki lifa þennan sam-
kvæmisvetur af nema að eiga eins og eina hvíta kápu. Leikhúsferðir,
tónleikar og afmæli vetrarins yrðu litlaus ef engin væri kápan.
Það er eitthvað við hvít föt sem er svo ógurlega sjarmerandi en á
sama tíma eru þau svo hættuleg eitthvað. Lýsingarorðin sjarmerandi
og hættulegt gætu reyndar átt við margt í lífinu. Það er einhvern veg-
inn þannig að það sem kallar á vesen og dálitla óvissu verður yfirleitt
meira spennandi …
Áhættan við að fjárfesta í hvítum fötum er töluverð. Þetta er pínulítið
eins og að hafa keypt hlutabréf í banka sumarið 2008 … Þegar þú
kaupir hvít föt veistu nefnilega ekki hvort þau verði einnota eða ekki.
Mæður ungra drengja með mikla snertiþörf ættu til dæmis alls ekki að
klæðast hvítu nema að þær séu haldnar spennufíkn á háu stigi.
Það má þó ekki gleyma því að lífið verður svo litlaust ef við tökum
aldrei áhættu. Ef við ætluðum alltaf að vera praktískar myndum við
panta okkur 10 svartar flíspeysur um leið og við löbbuðum út af fæðing-
ardeildinni og klæðast þeim þangað til barnið yrði 10 ára. Þá yrðum við
aftur við sjálfar og gætum farið að lifa lífinu … það er að segja ef við
værum ekki búnar að drepa okkur áður.
En hvernig eigum við að klæðast hvítum fötum? Í hausttískunni ber
töluvert á hvítu við hvítt og má fabúlera endalaust með það og prófa sig
áfram án þess að við lítum út fyrir að vera í hjúkkubúningi. Að blanda
svörtu og hvítu saman er alltaf elegant og ef þú ferð til dæmis í hvítan
jakka er upplagt að fara í svartar buxur við. Coco Chanel var fær í að
blanda þessum tveimur litum saman. Hún notaði svartar líningar á hvít
föt og öfugt sem gerðu þau ennþá meira elegant. Ef þú hnýtur um slíkar
flíkur skaltu endilega máta og gefa séns.
Það er áskorun fyrir mjög óþekkar konur að klæðast hvítu. Í lifi
óþekku kvennanna gengur nefnilega oft á ýmsu og þá getur verið stór-
hættulegt að vera mikið í hvítum fötum. En stundum þurfum við að ögra
okkur, líka óþekku konurnar, og fara út úr litla pappakassanum til að
sjá nýjar hliðar á tilverunni …
martamaria@mbl.is
Óþekkar
konur í hvítu
Coco Chanel í
hvítum jakka
með svörtum
líningum.
Hálsmen
frá Zöru.
8.990 kr.
Hvít kápa
frá Zöru.
16.990 kr.
Kjóll úr Zöru,
13.990 kr.