Morgunblaðið - Sunnudagur - 18.08.2013, Qupperneq 50

50 MORGUNBLAÐIÐ SUNNUDAGUR 18.8. 2013
Viðtal
G
eysishúsið, heimkynni Höf-
uðborgarstofu, iðar af lífi.
Sendinefnd Morgunblaðsins
þarf að skáskjóta sér fram
hjá upplýsingaþyrstum út-
lendingum á jarðhæðinni áður en haldið er
upp stigann, þar sem skrifstofuna er að
finna. Bókaður hefur verið tími hjá sjálfum
forstöðumanninum, Einari Bárðarsyni, en
hann er hvergi að finna. „Svo virðist sem ég
sé búin að týna honum, hvernig sem það er
nú hægt,“ segir stúlkan í móttökunni afsak-
andi og brosir sínu blíðasta. Fullyrðir að Ein-
ar geti ekki verið langt undan. Augnabliki
síðar birtist hann líka, hress í bragði. Hafði
bara rétt skotist frá til að sinna aðkallandi
verkefni. Ekkert út á það að setja, sendi-
nefndin kom hvort eð er með fyrri skipunum.
Spurður um fjölmennið í húsinu segir Ein-
ar það daglegt brauð. „Ferðamönnum fjölgar
jafnt og þétt á Íslandi og álagið er alltaf að
dreifast betur. Vetrartúrismi hefur aukist
verulega, ekki síst eftir að við fórum að aug-
lýsa norðurljósin. Hver vill ekki berja þau
augum? Það er ekkert óalgengt að hér sé
fullt úr úr dyrum, strax í mars,“ útskýrir
hann.
Höfuðborgarstofa tók til starfa í ársbyrjun
2003 og sinnir hún þríþættum verkefnum
fyrir hönd Reykjavíkurborgar; rekstri Upp-
lýsingamiðstöðvar ferðamanna í Reykjavík
(UMFR), almennum ferða- og kynning-
armálum Reykjavíkur auk þess að bera
ábyrgð á skipulagi og framkvæmd ýmissa
lykilviðburða á vegum borgarinnar, svo sem
Vetrarhátíð, Menningarnætur, Aðventuhátíð-
ar o.fl. og vera ráðgefandi fyrir skipuleggj-
endur stórra viðburða í borginni.
Níu manns vinna hjá Höfuðborgarstofu og
sex til tólf ganga vaktir hjá UMFR, eftir
álagi.
Vildi vinna fyrir aðra
Einar Bárðarson hefur víða komið við á ferl-
inum, áður en hann kom til Höfuðborg-
arstofu rak hann útvarpsstöðina Kanann og
lagði stund á MBA-nám við Háskólann í
Reykjavík. „Ég hef gaman af ólíkum verk-
efnum. Ég hafði unnið lengi fyrir sjálfan mig
og fór eiginlega í MBA-námið til þess að búa
mig undir að fara að vinna fyrir einhvern
annan. Öfugt við flesta skólafélaga mína, þeir
þráðu flestir að vinna fyrir sig sjálfa,“ segir
hann.
Einar brautskráðist úr náminu vorið 2012
og skömmu síðar auglýsti Höfuðborgarstofa
eftir forstöðumanni. Hann var ekki seinn að
senda inn umsókn.
„Ég þekkti aðeins til Höfuðborgarstofu,
hafði unnið með henni að verkefnum. Kom
meðal annars að því að stofna Reykjavík
loftbrú sem hefur heppnast afskaplega vel og
síðan hjálpaði ég til við að hafa ofan af fyrir
Yoko Ono þegar hún byrjaði að venja komur
sínar hingað í tengslum við friðarsúluverk-
efnið.“
Höfuðborgarstofa heyrir undir menningar-
og ferðamálasvið Reykjavíkurborgar en Ein-
ar og sviðsstjórinn þar, Svanhildur Konráðs-
dóttir, hafa unnið tölvert saman áður. „Mér
þótti eftirsóknarvert að vinna meira með
henni,“ segir hann.
Margir voru um hituna og Einar kveðst af-
ar þakklátur fyrir að hafa hreppt hnossið.
Hann tók til starfa 1. janúar síðastliðinn. „Ég
skildi áferðina og sá verkefnin en það tekur
alltaf tíma að komast til botns í þeim og
kynnast umhverfinu. Í það fór fyrsta hálfa ár
mitt í starfi. Sumir hlógu bara upp í opið
geðið á mér þegar ég var orðinn opinber
starfsmaður en mig langaði að prófa eitthvað
nýtt. Þetta var frábært tækifæri.“
120 þúsund vinnuveitendur
Spurður um viðbrigðin segir Einar það vissu-
lega hafa verið skrýtið að vera kominn með
vinnuveitanda – ekki bara einn, heldur 120
þúsund. Hann er að vinna fyrir alla Reykvík-
inga. „Ég var samt fljótur að aðlagast. Borg-
arkerfið er þægilegra en ég átti von á. Mýt-
an um hinn opinbera starfsmann á ekki við
hér. Kerfið er lipurt og virkar vel. Það eru
andlit á bak við tölvupóstana,“ segir hann og
skellir upp úr.
„Auðvitað gengur maður ekki alltaf inn um
réttar dyr til að byrja með en það er manni
sjálfum að kenna og lærist fljótt. Þegar mað-
ur er farinn að þekkja réttu boðleiðirnar
gengur allt vel fyrir sig. Ég er farinn að
standa ölduna,“ segir Einar og bætir við að
hann sé mjög hrifinn af vinnubrögðunum í
borgarkerfinu, „þau eru öguð og góð“.
Hann kveðst meðal annars hafa lært mikið
af stjórnendum menningarstofnana í borginni
en með þeim fundar hann reglulega. Þá sé
stoðkerfið eðli málsins samkvæmt öflugra en
hjá einherja úti í bæ. „Annars er stærsti
munurinn á því að vinna fyrir borgina sá að
maður fær útborgað í hverjum mánuði.“
Hann brosir.
Endurskoða markaðsefnið
Ekki er tjaldað til einnar nætur á Höf-
uðborgarstofu, heldur unnið markvisst eftir
ferðamálastefnu Reykjavíkurborgar fyrir ár-
in 2011 til 2020. Markmiðin eru skýr.
Einar segir helsta verkefnið þessar vik-
urnar vera að endurskoða allt markaðsefni
borgarinnar. „Við erum alltaf að reyna að
gera borgina meira aðlaðandi sem áfangastað
Umboðs-
maður
Reykjavíkur
MEÐAN EINAR BÁRÐARSON VAR AÐ BÚA SIG UNDIR AÐ TAKA VIÐ
STARFI FORSTÖÐUMANNS HÖFUÐBORGARSTOFU GERÐIST HANN
FERÐAMAÐUR Í REYKJAVÍK OG KUNNI VEL AÐ META ÞAÐ SEM HANN
UPPLIFÐI OG SÁ. HANN SEGIR VERKEFNI STOFUNNAR FJÖLBREYTT OG
SPENNANDI OG SÓKNARFÆRIN Í FERÐAÞJÓNUSTU ÓTVÍRÆÐ.
Orri Páll Ormarsson orri@mbl.is