Morgunblaðið - 31.12.2013, Page 22

22 FRÉTTIRInnlent
MORGUNBLAÐIÐ ÞRIÐJUDAGUR 31. DESEMBER 2013
Gylfaflöt 16-18 •112 Reykjavik • Sími 553 5200 • solo.is
Íslensk hönnun og framleiðsla
www.facebook.com/solohusgogn
Kæru landsmenn!
Óskum ykkur gleðilegra hátíðar
og farsældar á komandi ári
Við óskum þér
GLEÐILEGRA JÓLA
Hafðu það hátíðlegt í glæsilegum nærfötum frá Change
Eve l yn k r. 1 2 .980
Thelma k r. 1 2 .980
S i lk inát tk jó l l
k r. 6 . 490
*þú greiðir aðeins fyrir dýrasta settið.
AF ÖLLUM
NÆRFATASETTUM*
2 1fyrir
Scarlet t
k r. 18 .980
CHANGE smárAliNd • sími: 5545600 • CHANGE.Com
Björn Már Ólafsson
bmo@mbl.is
„Þetta er bara vegna þess að það
náðust ekki samningar við rétt-
hafa sem okkur þóttu viðunandi,“
segir Friðrik Friðriksson, fram-
kvæmdastjóri Skjásins, en sjón-
varpsstöðin SkjárGolf verður lögð
niður um áramótin. Í staðinn ætl-
ar Skjárinn að hefja útsendingar
á íþróttastöðinni SkjárSport sem
mun sýna meðal annars frá þýsku
og hollensku knattspyrnunni.
„Fótboltinn er auðvitað það sem
er vinsælast svo við ætlum að
byggja svolítið á því. Við munum
líka hefja árið á því að sýna æf-
ingamót sem handboltalandsliðið
tekur þátt í sem lið í undirbún-
ingi þess fyrir Evrópu-
meistaramótið sem hefst þann 13.
janúar.“
Áhugasamur kúnnahópur
Friðrik segir stöðina hafa verið
nokkuð vinsæla, en að það sé til-
tölulega takmarkaður hópur sem
sé til í að kaupa eina stöð sér-
staklega eins og SkjárGolf.
„Þetta verður alltaf bara viðbót-
arstöð. Þetta er hins vegar mjög
áhugsamur kúnnahópur,“ bætir
Friðrik við.
Golfið yfir á 365
365 mun þann 3. janúar setja í
loftið nýja golfstöð. Fyrirtækið
hefur tryggt sér sýningarréttinn
að öllum helstu risamótum í golfi,
þar á meðal Ryder Cup, Masters
og PGA-mótaröðinni.
Skipta golfi út
fyrir knattspyrnu
 Golfið færist yfir á nýja golfstöð 365
Mynd/AFP
Kylfingur Tiger Woods og félagar
færa sig á milli sjónvarpsstöðva
Hólmfríður Gísladóttir
holmfridur@mbl.is
Það telst vart til tíðinda að lægðir gangi yfir
Norður-Atlantshaf í desembermánuði en sú
lágþrýstitíð sem hófst um 12. desember síð-
astliðinn hefur einkennst af
óvenjudjúpum lægðum,
sem hafa valdið talsverðum
usla í norður- og vestur-
hluta Evrópu en með þeim
þrálátar norðan- og norð-
austanáttir hérlendis, með
fannfergi á Norðurlandi og
Vestfjörðum. Einar Svein-
björnsson veðurfræðingur
segir útlit fyrir heldur ró-
legra veður á nýja árinu en
þó verður vindasamt af
norðaustri fyrstu dagana, ef spár ganga eftir.
„Það er ekkert óeðlilegt og ekkert óalgengt
að það komi kaflar með rosatíð að vetrarlagi,
með stormum þar sem vindur er á milli norð-
urs og austurs og það snjói mikið um norðan-
og austanvert landið. En það sem er kannski
sérstakt og óvenjulegt er hvað lægðirnar sem
hafa verið hérna á Atlantshafi hafa verið
margar mjög djúpar. Þetta hafa ekki verið
neinar venjulegar lægðir, heldur hafa þær
hver á fætur annarri farið undir 950 hektó-
pasköl og sumar verið óvenjukrappar að
auki,“ segir Einar.
Hann segir lægðirnar hafa reynst einkar
illskeyttar og valdið miklum gauragangi og
víðtæku tjóni á Bretlandseyjum, í Færeyjum
og í sunnanverðri Skandinavíu en Ísland hafi
verið meira baksviðs, ef svo má að orði kom-
ast; verið í jaðrinum og fengið snjóinn en ekki
blotann sem fylgir. Hann minnist svipaðra
kafla fyrir um 20 árum, nokkurra vetra upp
úr 1990, þegar óvenjumikill lægðagangur,
með afar djúpum lægðum, var á Norður-
Atlantshafi en Einar segir lægðakaflana frek-
ar einkennandi fyrir veðurfar í heimshlut-
anum en að þeir séu til marks um einhverja
ákveðna veðurþróun.
„Ég held að þetta sé í raun og veru bara
hluti af óreiðu veðurkerfanna á norðurhveli
jarðar. Það hittist stundum þannig á að ískalt
heimskautaloft liggur sunnarlega yfir Kanada
og streymir þaðan óheppilega í veg fyrir
miklu hlýrra loft sem er að koma að sunnan.
Þegar þannig hittist á losnar mikil orka úr
læðingi í formi djúpra lægða og getur gerst
síendurtekið um skeið þar til loftstraumarnir
breytast, sem gerist alltaf á endanum. Þá
sjáum við oft að kalda og hlýja loftið er ein-
angrað hvað frá öðru. Þá er tíðin rólegri í
heildina hér sunnan við okkur en getur verið
illskeytt Kyrrahafsmegin á norðurhvelinu,“
segir hann.
Róast á nýju ári
Einar segir lægðirnar oft koma tvær til
þrjár í syrpu, svo geri stundum hlé í örfáa
daga, áður en næsta syrpa gengur yfir.
Munstrið sé orðið þekkt og ástandið geti var-
að í nokkrar vikur. „En ef maður horfir á
spárnar núna er ekkert ósennilegt að þetta
róist eitthvað á nýja árinu. Það verða áfram
lægðir en það er varla tilefni til þess að þær
verði nokkuð verri en venjulegar janúar-
lægðir. Annars er ómögulegt að geta sér til
um það,“ segir hann.
Einar segir menn hafa verið duglega við að
draga ályktanir um veðurbreytingar og því sé
gjarnan haldið fram að nú sé önnur tíð en var
í „gamla daga“. Breytileikinn í veðrinu sé þó
það mikill á þessum slóðum að erfitt sé að
bera kennsl á langtímasveiflur. „Í raun og
veru skiljum við ekki breytingar sem kunna
að verða og munu verða til lengri tíma. Við
skynjum þær sennilega ekki á einum manns-
aldri,“ segir hann.
Óvenjudjúpar desemberlægðir
 Lægðirnar á Norður-Atlantshafi í desember voru óvenjudjúpar  Margar undir 950 hektópasköl-
um  Þáttur í óreiðu veðurkerfa norðurhvels jarðar  Skynjum ekki breytingar á einum mannsaldri
Morgunblaðið/Ómar
Veður Lægðirnar ganga gjarnan yfir í syrp-
um, tvær til þrjár í senn, með hléum á milli.
Einar
Sveinbjörnsson