Morgunblaðið - 17.01.2014, Page 12

VIÐTAL
Baldur Arnarson
baldura@mbl.is
Halldór Halldórsson ætlar Sjálf-
stæðisflokknum stóra hluti í sveitar-
stjórnarkosningunum í vor.
Listi flokksins í borginni var sam-
þykktur í gær, eins og rakið er á
blaðsíðu 8 í Morgunblaðinu í dag, og
er kosningabaráttan því að hefjast
fyrir alvöru, tveimur mánuðum eftir
prófkjör flokksins í nóvember.
Halldór kveðst aðspurður vilja
hafa flugvöll áfram í Vatnsmýri, ef
betri staður á höfuðborgarsvæðinu
finnst ekki. Reykjavík hafi enda
skyldum að gegna sem höfuðborg.
Halldór vann sigur í prófkjörinu
sem aðkomumaður. En mun hann
koma fram sem oddviti flokksins í
kosningabaráttunni?
„Já, ég er oddviti þessa framboðs-
lista og borgarstjóraefni. Borgar-
fulltrúarnir sinna sínum störfum
fram á vorið. Í þeim hópi stýrir
fyrsti maður á lista þeirri vinnu; Júl-
íus Vífill Ingvarsson. Ég er auðvitað
ekki á borgarstjórnarfundum en ég
sit undirbúningsfundi með borgar-
fulltrúum.“
Með ýmis járn í eldinum
– Hvaða starfa hefurðu þangað til
kosið verður 31. maí?
„Ég er formaður Sambands ís-
lenskra sveitarfélaga og svo hef ég
unnið sérverkefni, bæði rekstrar-
verkefni og verkefni í mannauðs-
málum.“
– Hvað finnst þér um þá gagnrýni
sem hefur komið fram á rýran hlut
kvenna í efstu sætum listans?
„Hún er skiljanleg. Ég lagði
áherslu á það í prófkjörinu að mitt
stuðningsfólk væri með sem jafn-
asta kynjaskiptingu. Mér finnst það
mjög mikilvægt. En það var ákveðið
að fara í prófkjör með þeim reglum
sem um prófkjör gilda. Það eru ekki
kynjakvótar í prófkjörsreglum Sjálf-
stæðisflokksins. Þannig að við vor-
um meðvituð um að allt gæti gerst.
Þegar 5.000 manns taka þátt í próf-
kjöri er auðvitað erfitt að hræra í því
eftir á. Við ættum þá frekar að taka
umræðuna um það hvort okkur regl-
ur og aðferðir séu fullnægjandi.“
– Á að breyta listanum?
„Nei. Vegna þess að það var
ákveðið að fara í prófkjör. Vegna
þess að 5.000 manns völdu röðun á
listann.“
Valkostirnir séu skýrir
– Sjálfstæðisflokkurinn mældist
með 26,6% fylgi í könnun sem
Félagsvísindastofnun Háskóla Ís-
lands gerði fyrir Morgunblaðið í
nóvember. Það er langt undir því
fylgi sem flokkurinn hafði um ára-
tugi. Á tímabilinu 1930 til 1998 fékk
flokkurinn ekki undir 45,2% í kosn-
ingum í borginni. Flokkurinn fékk
skell 2010, fékk aðeins 33,6% at-
kvæða. Þú hefur rúmlega 130 daga
til kosninga. Hvernig ætlarðu að ná
fylgi flokksins upp á þeim tíma?
„Listinn er að verða til. Stefnu-
mótunarvinnan fer fram á næstunni.
Ef allt gengur eftir þá mun ég boða
stefnumótunarfund á laugardaginn.
Það sem er auðvitað mikilvægast hjá
okkur er að sýna fram á af hverju
það skiptir máli fyrir borgarbúa að
kjósa Sjálfstæðisflokkinn.“
– Hvernig á að sýna fram á það?
„Fyrst og fremst með því að sýna
að við höfum fram að færa málefni
sem skipta borgarbúa máli. Góð
þjónusta og mikið aðhald. Stefna
Sjálfstæðisflokkins er að nýta skatt-
peninga sem best og að það sé ekk-
ert náttúrulögmál að það sé enda-
laust hægt að sækja meiri skatta.
Frekar að leita allra leiða til hag-
ræðingar. Ég vil að það sé markmið
okkar með Sjálfstæðisflokkinn í
meirihluta að lækka útsvarið.“
– Hvernig á að gera það?
„Með því að hagræða meira í
rekstri. Ákveðnir rekstrarþættir
borgarinnar eru umfram lands-
meðaltal. Veltufé frá rekstri er und-
ir landsmeðaltali. Þannig að ég trúi
því að langstærsta sveitarfélag Ís-
lands hafi hagræðingarmöguleika.“
– Er yfirbyggingin orðin of mikil?
„Að hluta til. Með því að hagræða
þar skapast möguleikar á að lækka
útsvarið. Þetta skiptir borgarbúa
máli. Þetta getur snúist um hvort
fólk í lægri launaþrepum kemst í
sumarfrí eða ekki. Það munar um
hverja krónu. Svo eru stórir mála-
flokkar eins og skólamálin þar sem
ég vil að við verðum með nýjar og
róttækari hugmyndir en verið hafa.
Að óttast ekki að nýta kosti einka-
framtaksins. Að reyna að draga úr
miðstýringaráráttunni. Ég tek fram
að við eigum eftir að móta stefn-
una.“
– Það hefur að margra mati ein-
kennt framgöngu borgarfulltrúa
Sjálfstæðisflokksins síðustu ár að
þeir fylgi einskonar hlutleysisstefnu,
séu hikandi við að taka afgerandi af-
stöðu í málum. Kjósi fremur sam-
stöðu en einarðan málflutning sem
kann að mæta traustri mótspyrnu.
Verður stefna Sjálfstæðisflokksins
skýrari með þig sem oddvita?
„Ég ætla að vona að okkur takist
að gera valkostina skýrari fyrir
borgarbúa. Ég vil þó segja borgar-
fulltrúum Sjálfstæðisflokksins eigin-
lega til afsökunar, að þau hafa verið
að vinna í mjög sérstöku ástandi.
Bæði ástandinu sem einkenndi allt
eftir hrun og vilja til þess að vinna í
einskonar þjóðstjórnarumhverfi.
Svo hafa mál sem þau hafa sett fram
og verið ósammála meirihlutanum
um heldur ekki náð í gegn.“
Umræðunni drepið á dreif
– Af hverju ekki?
„Ég kann ekki einhlíta skýringu á
því. Það er einhvern veginn þannig
að ef borgarstjórnarflokkurinn set-
ur fram gagnrýni hefur Jóni Gnarr
borgarstjóra tekist það – hann er
mikill snillingur – að drepa um-
ræðunni á dreif. Fara að tala um
eitthvað annað, kannski mannrétt-
indi í Rússlandi. Það er að hluta til
ástæða þess að okkar borgar-
fulltrúar ná ekki með sín mál í gegn
í umræðunni.“
– Telurðu að núverandi borgar-
fulltrúar Sjálfstæðisflokksins hafi
verið of hikandi við að gagnrýna Jón
Gnarr og framgöngu hans?
„Ég held að þau hafi hreinlega
ekki haft stöðu til þess. Þegar þau
hafa reynt það hefur honum tekist
að snúa því upp í það að það sé verið
að beita hann einelti og ofbeldi.“
– Er það ekki ódýr afsökun? Þetta
eru ekki byrjendur í stjórnmálum.
„Nei, nei. En þetta hefur samt
verið svolítið svona. Ég get þó alveg
viðurkennt að stundum hefur mér
fundist vanta upplýsingar um það
hvað það væri sem minnihlutinn
væri ósáttur við.“
– Þá eru það skipulagsmálin.
Ýmsir telja að hafin sé róttæk
stefnumörkun um þéttingu byggðar.
Hver er þín skoðun á því?
„Ég hef sagt að ég tel að það séu
margir þættir í þessu aðalskipulagi
sem séu ágætir. Enda á Sjálfstæðis-
flokkurinn töluvert mikið í þessari
vinnu. Ég er búinn að nefna flug-
vallarmálið sem mér finnst ljóður á
þessu aðalskipulagi. Það að gera
ekki ráð fyrir flugvelli nema til árs-
ins 2022. Ég vil breyta því. Varðandi
þéttingarmálin er ég almennt mjög
hlynntur þéttingu byggðar og tel að
það sé hluti af því að búa í borg að
gera ráð fyrir frekar þéttri byggð.
Byggð í úthverfum er líka þétting.“
Rifti samkomulagi við ríkið
– Reykjavík hefur fengið lítið fjár-
magn til vegaframkvæmda og t.d.
langt síðan síðast voru gerð mislæg
gatnamót. Sú stefna var mótuð að
setja frekar fé í strætisvagna. Hver
er stefna þín í samgöngumálum?
„Það þarf að taka upp þennan
samning við ríkið og óska eftir
endurröðun á þessu, að borgin sé
búin að afsala sér öllum fram-
kvæmdum ríkisins í vegamálum í tíu
ár. Það eru mjög mikilvægar fram-
kvæmdir og stórverkefni sem þarf
að fara í eins og að setja Miklu-
brautina í stokk. Á því svæði þar
sem húsin standa hvað næst henni
og þar sem umferðin er gríðarlega
mikil.“
– Telurðu að samræðustjórnmál,
þar sem ekkert eitt sjónarmið fær
að vera ofan á, þvert á yfirlýst mark-
mið, geti leitt til lægsta samnefnara,
þannig að útkoman verði óæskileg?
Liggur það í orðum þínum?
„Það getur gerst.“
– Telurðu að það hafi gerst í
Reykjavík á þessum áratug?
„Að einhverju leyti hefur það
gerst. Valkostirnir hafa ekki verið
nógu skýrir í hugum borgarbúa.“
– Telurðu þá að sá tími samræðu-
stjórnmála sem Ingibjörg Sólrún
Gísladóttir innleiddi sé liðinn?
„Ég náði reyndar aldrei þessum
samræðustjórnmálum sem Ingi-
björg Sólrún var að tala um. Stjórn-
mál hafa alltaf verið samræðustjórn-
mál. Meirihluti og minnihluti hafa
alltaf þurft að takast á um hug-
myndir. Það er heilbrigt. Ef sam-
ræðustjórnmál þýða að það eigi að
tóna svo mikið niður umræðuna að
hún megi helst ekki heyrast þá er ég
ekki samræðustjórnmálamaður.“
Tími skýrra valkosta runninn upp
 Borgarstjóraefni Sjálfstæðisflokksins í Reykjavík vill draga úr yfirbyggingu í stjórn borgarinnar
 Sjálfstæðisflokkurinn hafi farið halloka í umræðunni  Tími samræðustjórnmála liðinn í borginni
Morgunblaðið/Kristinn
Borgarstjóraefni Halldór Halldórsson, oddviti sjálfstæðismanna í Reykjavík, hyggst rífa upp fylgi flokksins.
Lausn á bráðavanda
» Halldór vill hraðvirkari
lausnir í húsnæðismálum en
nú eru á teikniborðinu.
» Þar þurfi að leysa bráða-
vanda á skemmri tíma en
þremur til fimm árum.
» Víða erlendis sé bráða-
birgðahúsnæði, sumt í háum
gæðaflokki, mjög litlar íbúðir,
reist til að standa í sjö til tíu ár.
Þá leið sé rétt að skoða hér.
12 FRÉTTIRInnlent
MORGUNBLAÐIÐ FÖSTUDAGUR 17. JANÚAR 2014
Skeifunni 8 | Kringlunni | sími 588 0640 | casa.is
framúrskarandi ítölsk hönnun
Vínupptakari
7.950,-
Rifjárn
12.950,-
Ávaxtakarfa
21.900,-
Sítrónupressa
12.900,-