Morgunblaðið - 17.01.2014, Blaðsíða 19

VIÐTAL
Helgi Bjarnason
helgi@mbl.is
Stjórnendur Eimskips hafa hug á að
efla starfsemi félagsins enn frekar á
Norður-Atlantshafinu sem er skil-
greint sem heimamarkaður fyrirtæk-
isins. Gylfi Sigfússon forstjóri telur
að Eimskip geti tekið að sér leiðtoga-
hlutverk við að nýta þau fjölmörgu
tækifæri sem skapast í nágrenni Ís-
land og á norðurslóðum á næstu ár-
um og áratugum.
„Við teljum að við séum enn óska-
barn þjóðarinnar, erum það flutn-
ingafélag sem haldið hefur tryggð við
Ísland og erum stolt af því að kalla
okkur íslenskt skipafélag,“ segir
Gylfi þegar hann er spurður um hlut-
verk félagsins í ljósi sögunnar.
„Hlutverk okkar breytist, í stað
þess að tryggja að þjóðin einangr-
aðist ekki frá öðrum löndum hjálpum
við til við að nýta þau tækifæri sem
hér gefast á næstu árum og áratug-
um.“
Hvert stefnir Eimskip?
„Það eru spennandi tímar fram-
undan á Norður-Atlantshafi. Í stað
þess að ræða um útrás íslenskra fyr-
irtækja er meira talað um innrás er-
lendra inn á þetta svæði. Okkar
heimamarkaður er að verða meira
spennandi, fyrirtæki og fjárfestar í
Asíu líta til Norður-Atlantshafsins.
Við þurfum því ekki að sækja langt
út til að stækka og getum gert það
með því að halda áfram að gera það
sem við höfum verið að gera.
Hér eru gríðarleg tækifæri í líf-
rænni ræktun, fiskeldi og nýjum af-
urðum úr íslensku sjávarfangi, eins
og makríl. Við áliðnaðinn bætist nýr
iðnaður, með uppbyggingu kísilvera.
Ég tel að það verði einnig töluverð
vinnsla á góðmálmum frá Grænlandi
og að jafnvel verði eitthvað unnið úr
þeim hér á landi. Svo eykst þjónusta
við olíuiðnaðinn. Sem dæmi má nefna
að í Færeyjum starfa 150 manns við
undirbúning.“
Nýju skipin yfir Pólinn
Gylfi telur að þegar framtíðin í
siglingum um norðurheimskautið
fari að skýrast betur skapist tæki-
færi fyrir Eimskip að taka að sér
leiðandi hlutverk á þeim vettvangi.
Hann bendir á að mikil aukning hafi
orðið í siglingum um heimskauts-
svæðið. Það hafi aðallega verið stór-
flutningar. Þó hafi Cosco, stærsta
skipafélag Kína, sent eitt skip þar yf-
ir síðasta haust. „Það gengur ekki að
vera með eitt og eitt skip, nauðsyn-
legt er að setja upp reglubundna
áætlun. Áætlunarsiglingar eru nú
þegar mögulegar en þá er farið rétt
utan við strendur Rússlands. Þeir
sem komu á kínverska ísbrjótnum
Snædrekanum sigldu miðleiðina sem
er langstyst og liggur beint til Ís-
lands. Þeir furðuðu sig á því hvað lít-
ill ís var á leiðinni.“
Sú hugmynd hefur komið upp að
Eimskip sigli nýju gámaskipunum
sem verið er að smíða í Kína heim
eftir heimskautsleiðinni. Segir Gylfi
það spennandi kost að skoða, til
reynslu, að sigla skipunum heim að
sumri til. Annars þyrfti að fara um
Súez-skurðinn sem er mun lengri
leið. Hann tekur það fram að sigl-
ingar með þessum skipum myndu
aldrei standa undir sér. Nota þyrfti
fjórum sinnum stærri skip en Goða-
foss sem er stærsta skip Eimskips,
og fjögur skip til að mynda hring
með vikulegum siglingum. „Ég er
ekki að segja að við myndum ráðast í
þetta verkefni en værum reiðubúnir
að skoða það með erlendum aðilum.“
Gylfi telur að fimm ár geti verið í
að það reglulegar siglingar hefjist yf-
ir norðurheimskautið en eftir tuttugu
ár verði heimsmyndin breytt með
enn frekari starfsemi á norð-
urslóðum.
Þarf að stækka hafnirnar
Hvað þarf að gera hér á landi til að
grípa þessi tækifæri?
„Við þurfum að fara að huga að
hafnaraðstöðu okkar til framtíðar,
eins og Færeyingar og Grænlend-
ingar eru að gera, og öðrum inn-
viðum. Mér finnst ekki þurfa að vera
mikil samkeppni á milli landshluta
um að byggja nýjar hafnir, það er af
svo miklu að taka að nóg verður að
gera fyrir fleiri stórar hafnir en við
höfum nú. En þær þurfa að vera und-
ir það búnar að taka miklu stærri
skip. Við erum komnir að þolmörkum
með okkar stærstu skip, Goðafoss og
Dettifoss, að komast inn til Reykja-
víkur og 900 gámaeiningaskip eru
hámarkið í Vestmannaeyjum og fleiri
smærri höfnum. Við eigum eftir að
sjá í norðurhöfum stóru olíuskipin,
stórflutningaskip með timbur og hrá-
vöru, gámaskip, fjölda rannsókn-
arskipa, björgunarskip af ýmsum
gerðum og fleiri skemmtiferðaskip.
Erlendum fiskiskipum mun fjölga á
hafsvæðinu. Ef menn vilja sérhæfa
hafnirnar geta þeir það.“
Nýtt siglingakerfi reynst vel
Nýtt siglingakerfi sem Eimskip
tók upp fyrir um ári hefur reynst vel,
að sögn Gylfa. Þjónustan var aukin
og strandsiglingar tengdar við áætl-
un til Evrópu. Segir hann að með
breytingunni hafi flutningskostnaður
hjá fyrirtækjum á landsbyggðinni
lækkað. Nefnir Akureyri og Ísafjörð
sem dæmi um það. Innflutningur
beint til Akureyrar hafi aukist og
jafnvel hafi verið sett upp heildsölu-
fyrirtæki í kjölfarið.
Þá hafi aukin þjónusta í Færeyjum
gert það að verkum að hægt sé að
flytja ferskan lax í gámum til Skot-
lands og fljúga með hann þaðan á
markaði í Asíu og Ameríku. Þá getur
hann þess að fjölgun ferða til Banda-
ríkjanna með tengingu við Noreg
hafi bætt þjónustu við viðskiptavini.
„Þetta er í samræmi við stefnu okk-
ar, að auka starfsemina á Norður-
Atlantshafinu,“ segir Gylfi Sigfús-
son.
Leiðtogi á Norður-Atlantshafi
 Gylfi Sigfússon, forstjóri Eimskips, segir að mörg tækifæri séu fyrir félagið á heimamarkaði  Athygli
erlendra fyrirtækja beinist að norðurslóðum  Íslendingar þurfi að koma upp fleiri og stærri höfnum
Morgunblaðið/RAX
Forstjórinn Gylfi Sigfússon stendur við stýrið á Eimskip og stýrir því í átt til norðurslóða, telur að þar verði næg tækifæri á næstu árum og áratugum.
19
MORGUNBLAÐIÐ FÖSTUDAGUR 17. JANÚAR 2014
Eimskip er alhliða þjónustufyr-
irtæki í flutningum með starfsemi
um allan heim. Öflugust er starf-
semin þó á Norður-Atlantshafi.
Eimskip rekur sextán skip af
ýmsum gerðum og stærðum. Það
er með um fimmtíu starfsstöðvar í
nítján löndum. Starfsmenn eru um
1.300, þar af um helmingurinn á
Íslandi.
Auk öflugrar flutningastarfsemi
á Norður-Atlantshafi, á milli
Bandaríkjanna og Kanada, Græn-
lands, Íslands, Færeyja og Noregs,
er það með alhliða flutnings-
miðlun um allan heim. Um síð-
arnefndu þjónustuna fer svipað
magn og í eigin siglingakerfi fé-
lagsins.
Við fjárhagslega endur-
skipulagningu félagsins voru seld-
ar allar eignir sem ekki tengdust
skilgreindri kjarnastarfsemi, flutn-
ingunum. Auk þess reksturs sem
nefna má gamla Eimskipafélagið á
Eimskip aðalskipafélag Færeyja og
Eimskip CTG Noregi, skipafélag
sem rekur sjö skip. Þessu til við-
bótar kemur svo aukin alþjóðleg
flutningsmiðlun. „Segja má að
Eimskip sé mun stærra en það var
í gamla daga en áherslan er þó á
flutningastarfsemina,“ segir Gylfi.
Rekstur fyrirtækja er ekki alltaf
dans á rósum, eins og hefur sýnt
sig síðustu árin. Þannig hefur inn-
flutningur ekki náð sér eftir hrun
þegar hann dróst saman um 30%.
Gylfi nefnir sem dæmi að 2007
hafi farið um 150 þúsund gámaein-
ingar í gegnum höfnina í Reykjavík
en séu 100-110 þúsund nú. „Við
eigum okkar kerfi og þegar inn-
flutningur til Íslands eykst á ný
verðum við tilbúnir að taka við
honum,“ segir forstjórinn.
Meiri starfsemi
en hjá gamla Eimskip
REKSTUR Í NÍTJÁN LÖNDUM
„Þetta er skemmtilegt starf
og lifandi starfsumhverfi. Þótt
ég hafi verið lengi í þessu
kemur maður að einhverju
nýju á hverjum einasta degi,“
segir Gylfi. Hann hefur verið
stjórnandi í flutningafyrir-
tækjum í tæp 24 ár, þar af
forstjóri Eimskips í bráðum
sex ár.
Eftir að Gylfi útskrifaðist
sem viðskiptafræðingur frá
Háskóla Íslands, vorið 1990,
var hann ráðinn fram-
kvæmdastjóri hjá Tollvöru-
geymslunni hf. (TVG), fyr-
irtæki sem rak vörugeymslur
og var með flutninga-
starfsemi. Eftir að Eimskip
keypti TVG tók hann við
stjórnun dótturfélags Eim-
skips í Bandaríkjunum og tók
þátt í að umbreyta því og var
síðan forstjóri Eimskips í
Bandaríkjunum og Kanada. Á
árinu 2008 var hann kallaður
heim til að taka við starfi for-
stjóra og stýrði end-
urskipulagningu félagsins eft-
ir efnahagshrunið.
Kemur að ein-
hverju nýju á
hverjum degi
Gámar Mikil umsvif eru á athafna-
svæði Eimskips í Sundahöfn.
FORSTJÓRI EIMSKIPS Í 6 ÁR
Aldarafmælis Eimskips verður minnst með ýmsum hætti á afmæl-
isárinu. Stærstu atburðirnir verða þó í kringum afmælisdaginn sem er í
dag.
Gefin hefur verið út saga Eimskips í 100 ár ásamt listaverka- og
skipasögu í tveimur aukabindum. Í dag verður afmælisfagnaður í Hörp-
unni, meðal annars með tónleikum sem teknir verða upp og sýndir í
Sjónvarpinu um páskana.
Félagið hefur látið gera heimildarmynd um 100 ára sögu félagsins og
verður hún sýnd í Sjónvarpinu í tveimur þáttum í febrúar.
Haldið verður upp á komu tveggja nýrra gámaskipa félagsins á árinu
og afmælisins verður minnst á starfsstöðvum þess víðsvegar um heim-
inn.
Afmælisfagnaður í Hörpunni
100 ÁRA SAGA EIMSKIPS OG TÓNLEIKAR