Morgunblaðið - 17.01.2014, Blaðsíða 27

27
MORGUNBLAÐIÐ FÖSTUDAGUR 17. JANÚAR 2014
Ævintýraheimur Logagyllt skýin á himni fyrir ofan Reykjavíkurflugvöll voru ævintýraleg á að líta í ljósaskiptunum. Engu er líkara en flaggið og lendingarljósið myndi kirkju í fjarlægð.
Ómar Ragnarsson
Framkvæmdastjórn
Evrópusambandsins
heggur enn í sama
knérunn. Á sama hátt
og fólki var hótað
með atvinnuleysi,
háum vöxtum og al-
mennri vesöld ef það
játaðist ekki evrunni
er fólki nú hótað með
stríði öfgahópa játist
það ekki undir banda-
ríki Evrópu. Enginn
þarf lengur að efast um markmið
ESB, þegar varaforseti fram-
kvæmdastjórnar ESB, Viviane
Reding, lýsir því yfir að „byggð
verði upp bandaríki Evrópu með
framkvæmdastjórnina sem rík-
isstjórn – Evrópuþingið og öld-
ungadeild með fulltrúum aðild-
arríkjanna“. Þessi afstaða, sem nú
er sett fram á svo skýran hátt,
hefur þegar sundrað Evrópu í
tvær fylkingar: eina stórrík-
issinnaða fylkingu og aðra, sem
aðhyllist og virðir sjálfsákvörð-
unarrétt þjóða. Evran hefur skipt
Evrópu upp í fátæk suðurríki og
efnameiri norðurríki og bakbundið
hendur ríkja eins og Grikklands,
Portúgals, Spánar, Ítalíu og Ír-
lands.
Atvinnuleysisher ESB nálgast
27 miljónir og fer vaxandi með
hverju ári. Eurostat
lagar atvinnuleys-
istölur og básúnar
sem stórkostlegan ár-
angur í stöðugu at-
vinnuleysi sambands-
ins upp á 12,1%.
Atvinnuleysi Grikkja
og Spánverja er um
27%. Talað er um
heila glataða kynslóð
landanna með 60%
ungmenna án atvinnu.
Hversu mikið at-
vinnuleysið er eða
eymdin stór veit trú-
lega enginn. Einungis þeir sem
þurfa að betla brauð til að geta
séð morgundaginn vita hvað þetta
þýðir. Sífellt fleiri raddir og há-
værari eru um að ef ekki verði
hætt við stórríkisstefnuna muni
uppþot og óeirðir flæða yfir meg-
inlandið eins og arabíska vorið.
Kjör tekjulágra eru allt að fimm
sinnum betri í Norður-Evrópu en í
suðurríkjunum og gjáin stækkar
stöðugt. Auknar kröfur um að
jafna muninn vilja Þjóðverjar ekki
hlusta á. Samt gera þeir kröfur á
hendur skuldugum evruríkjum að
skera niður þjónustu við almenn-
ing, hækka skatta og núna síðast
að gangast undir að missa fjár-
ræði, þar sem þingin fá fjárlög
þjóða sinna send til sín í pósti frá
Brussel. Evran hefur beðið skip-
brot. Hún er ekki lengur einn
sameiginlegur gjaldmiðill heldur
a.m.k. tveir. Ein evra fyrir þá
efnameiri og önnur fyrir þá fá-
tæku. Búið er að breyta jað-
arríkjum Evrópu í gettó þar sem
hið nýja herrafólk meginlandsins
getur keypt hvað sem er á bruna-
útsölum. Aukin afskipti almenn-
ings af stjórnmálum eru því ekki
einungis jákvæð heldur beinlínis
lífsnauðsynleg forsenda fyrir end-
urheimt valdsins úr höndum bú-
rókratanna í Brussel.
Kosningarnar í maí til Evrópu-
þingsins geta því orðið sögulegar
ef almenningur kemur á kjörstað í
stað þess að verma sófann. Fram-
kvæmdastjórn ESB óttast ekkert
meira en að almenningur vakni til
vitundar og krefjist lýðræðisskip-
anar mála, sem gæti kollsteypt
áformunum um alríki Evrópu.
Ráðamenn ESB hafa myndað
hræðslubandalag og hóta íbúum
aðildaríkjanna, að öfgaöfl til hægri
og vinstri kveiki nýja styrjöld, ef
almenningur flykkist ekki á kjör-
stað og kjósi bandaríki Evrópu.
José Manual Barroso sagði í
ræðu við innsetningu ESB-
formennsku Grikkja, að „Engin
önnur stjórnmálahönnun (en ESB
innskot GS) hefur fram til þessa
fundist sem skipuleggur lífið bet-
ur og minnkar illmennskuna í
heiminum.“ Framkvæmdastjórinn
fer hér vísvitandi með ósannindi,
því ekki stöðvaði ESB morðin í
Srebrenica 1995. NATO-ríkin,
Bandaríkin og Bretland neyddust
til að grípa inn í atburðarásina og
binda enda á það hræðilega stríð,
sem hrjáði fornu Júgóslavíu eftir
dauða Títos. ESB gat ekki minnk-
að illmennskuna og hefði því verið
treyst til þess, þá gengu stríðs-
glæpamenn á borð við Radovan
Karadzic, Ratko Mladic og Slo-
bodan Milosevic enn lausir og
Srebenica hefði bara verið fyrsta
stoppistöðin í útbreiðslu átakanna
til annarra landa.
Leiðtoga ESB skortir lýðræð-
islegt umboð fyrir vegferð sinni
að bandaríkjum Evrópu. Að
draga alla, sem vilja ræða aðra
valkosti en bandaríki Evrópu í
dilk með nýnasistum og öðrum
öfgahópum, er tilraun til að kæfa
lýðræðislega umræðu. Slíkur
hræðsluáróður er líklegur til að
kynda undir þeim ólýðræðislegu
öflum, sem kviknað hafa og nær-
ast í kjölfar fjármálakrísunnar.
Lýðræðisöfl í Bretlandi telja
ástandið svo alvarlegt að um eitt
hundrað þingmenn Íhaldsflokks-
ins krefjast nú lagasetningar til
að stöðva ESB-lög og verja þjóð-
arhagsmuni Breta. Óvíst er hvort
Evrópusambandið lifir af í núver-
andi mynd fram að þjóð-
aratkvæðagreiðslu Breta um
breytta skilmála ESB árið 2017.
ESB gæti allt eins liðast sundur
og Þýskaland ásamt 10-15 fylgi-
hnöttum verði hið nýja súperríki
Evrópu. Þjóðverjar eru búnir að
endurheimta fyrri styrk og eng-
inn gerir neitt í dag án vitundar
þeirra. Engin trygging er fyrir
því að sagan muni ekki endurtaka
sig með nýju stórveldi, sem telur
eðlilegt fyrir íbúa sína að krefjast
olnbogarýmis á kostnað annarra.
Það glittir óþyrmilega í vofu das
Herrenvolks.
Þar sem enginn veit hvers
slags Evrópusamband verður út-
koman úr öllu þróunarferlinu
gæti virk aðildarumsókn dregið
þjóðina inn í lokaátök hinnar
óskrifuðu sögu. Framtíð Íslands
er því best borgið óháð aðild-
arskilmálum ESB. Ég fagna
þeirri umræðu er Alþingi mun
innleiða um þróun Evrópusam-
bandsins með skýrslu um málið
og hvet alla til að skoða og ræða
málin í fullri hreinskilni.
Eftir Gústaf
Adolf Skúlason »Engin trygging er
fyrir því að sagan
muni ekki endurtaka sig
með nýju stórveldi sem
krefst olnbogarýmis
á kostnað annarra.
Gústaf Adolf
Skúlasson
Höfundur er fv. ritari
Smáfyrirtækjabandalags Evrópu.
Endurkoma herrafólksins