Morgunblaðið - 17.01.2014, Blaðsíða 17

FRÉTTIR 17Innlent
MORGUNBLAÐIÐ FÖSTUDAGUR 17. JANÚAR 2014
Uppþemba, bjúgur
eða flensa?
Fæst í Lyfju, heilsubúðum, Hagkaupsverslunum (Smáralind og Spönginni),
Fjarðarkaupum, ýmsum apótekum og sérverslunum.
Er á Facebook
www.annarosa.is
Tinktúran Fjallagrös og fíflarót þykir
hreinsandi fyrir meltinguna og mjög góð gegn
uppþembu, vindverkjum og ristilkrampa.
Ég er 64 ára og ákvað að prófa tinktúruna Fjallagrös
og fíflarót frá Önnu Rósu. Nú er ég búinn með þrjár
flöskur og finn að virknin er mjög góð. Ég finn mikinn
mun á maganum og hef líka miklu meiri orku en áður.
Ég mæli hiklaust með þessari tinktúru því hún virkar
mjög vel!
– Guðjón Einarsson
Ég er asma- og ofnæmissjúklingur
og viðkvæm fyrir kvefi, háls-
bólgu, eyrnabólgum og ennis- og
kinnholusýkingum. Mér finnst
tinktúran Sólhattur og hvönn svín-
virka fyrir mig og það skemmir ekki
hversu einfalt er að nota hana.
– Inga Harðardóttir
Ég er 47 ára
og hef verið
með gigtarverki
og stirðleika í
liðum, stundum
það mikið að
ég á erfitt með
að klæða mig í
sokka á
morgnana. Ég
er að bíða eftir tíma hjá gigtarlækni
en í millitíðinni ákvað ég að prófa
Fíflablöð og birki. Nú er ég búin með
tvær flöskur og finn mikinn mun á
mér og það er mikill léttir að vera
ekki stirð og kvalin. Tinktúran hefur
líka haft vatnslosandi áhrif sem
dregur úr liðverkjum. Ég mun halda
áfram að taka þessa tinktúru því
ég hef fulla trú á henni og því sem
kemur úr náttúrunni.
– Hrönn Traustadóttir
Tinktúran Fíflablöð og
birki þykir draga úr bjúg og
liðverkjum vegna mikillar
vökvasöfnunar.
20%
afsláttur
17.-31. janúar
Tinktúran Sólhattur og
hvönn er talin styrkja
ónæmiskerfið. Hún hefur
m.a. reynst afar vel
gegn kvefi, hálsbólgu,
flensu, hósta og ennis- og
kinnholusýkingum ásamt því
að örva blóðflæði.
Hjördís Ýr John-
son gefur kost á
sér í 4. sæti í próf-
kjöri sjálfstæðis-
manna í Kópavogi
8. febrúar nk.
Hjördís er kynn-
ingarstjóri Árvak-
urs, útgáfufélags Morgunblaðsins,
og hefur starfað sem þjálfari hjá
Dale Carnegie á Íslandi frá árinu
2006. Hún er með BA-gráðu í fjöl-
miðlun og sjónvarpsþáttagerð frá
Emerson College í Boston og hefur
stundað meistaranám í uppeldis- og
menntunarfræðum við Háskóla Ís-
lands.
Hjördís Ýr er í sambúð með Árna
Friðleifssyni, varðstjóra hjá lög-
reglunni á höfuðborgarsvæðinu, og
saman eiga þau fimm börn á aldr-
inum 11-17 ára.
Framboð í 4. sæti
Pétur Gautur
myndlistarmaður
gefur kost á sér í
4. sæti í prófkjöri
Sjálfstæðisflokks-
ins fyrir bæjar-
stjórnarkosning-
arnar í Hafnar-
firði.
Pétur Gautur nam listasögu við
Háskóla Íslands og lærði málaralist
í Myndlista- og handíðaskóla Ís-
lands og Statens Teaterskole í
Kaupmannahöfn. Hann er kvæntur
Berglindi Guðmundsdóttur land-
lagsarkitekt og eiga þrjú börn. Þau
hafa búið í Hafnarfirði sl. níu ár.
Stefnumál Péturs Gauts eru fjöl-
mörg. „Eflum menningu og listir í
bænum og gerum lífið svo miklu
skemmtilegra,“ segir m.a. í tilkynn-
ingu frá Pétri Gaut.
Sækist eftir 4. sæti
Andri Steinn
Hilmarsson gefur
kost á sér í 4.-5.
sæti í prófkjöri
Sjálfstæðisflokks-
ins í Kópavogi.
Andri Steinn
fæddist árið 1993
og er á fyrsta ári í fjármálaverk-
fræði við Háskólann í Reykjavík.
Hann hefur gegnt margvíslegum
félagsstörfum í gegnum tíðina. Sat
m.a. í stjórn Sambands íslenskra
framhaldsskólanema árin 2011-13
og þar af í eitt ár sem formaður. Nú
er hann formaður Týs, félags ungra
sjálfstæðismanna í Kópavogi.
Meðal fjölmargra stefnumála
Andra Steins er að byggja stúd-
entagarða í Kópavogi enda sé bær-
inn ekki valkostur fyrir háskóla-
nema bæjarins í dag.
Framboð í 4.-5. sæti
Eva Magnúsdóttir
gefur kost á sér í
4. sæti í prófkjöri
Sjálfstæðisflokks-
ins í Mosfellsbæ 8.
febrúar næstkom-
andi. Eva er for-
maður fræðslu-
nefndar Mosfellsbæjar og hefur
setið í nefndinni undanfarin fimm
ár. Hún er jafnframt varabæj-
arfulltrúi Sjálfstæðisflokksins í
bæjarstjórn.
Eva er forstöðumaður hjá Mílu
ehf. þar sem hún hefur starfað og
setið í framkvæmdastjórn sl. sjö ár.
Áður gegndi hún stöðu forstöðu-
manns almannatengsla Símans og
var upplýsingafulltrúi fyrirtæk-
isins.
Eva er gift Finni Sigurðssyni og
eiga þau tvær dætur, 16 og 19 ára.
Framboð í 4. sæti
Andri Karl
andri@mbl.is
Aðalmeðferð í máli Jóns Steinars
Gunnlaugssonar, fyrrverandi hæsta-
réttardómara, gegn Þorvaldi Gylfa-
syni, hagfræðiprófessor, fór fram í
Héraðsdómi Reykjavíkur í gærmorg-
un. Málið var höfðað vegna skrifa
Þorvaldar um orðróm þess efnis að
Jón Steinar hefði lagt drög að kæru til
Hæstaréttar sem síðar hefði verið
notuð sem átylla til að ógilda stjórn-
lagaþingskosningarnar.
Reimar Snæfells Pétursson, lög-
maður Jóns Steinars, sagði Þorvald
hafa með ummælunum staðið fyrir
ósmekklegri aðför gegn persónu Jóns
Steinars. Með þeim væri hann að
segja Jón Steinar ærulausan og að
honum væri trúandi til alls. „Dómari
sem yrði vís að þessu hefði brotið
gegn 130. grein almennra hegningar-
laga og þannig gerst sekur um rang-
læti við úrlausn máls eða meðferð
þess og sú hegðun sætir fangelsi allt
að sex árum. Auk þess þarf ekki að
fjölyrða um almennt hæfi slíks dóm-
ara til að gegna embætti. Því er um
mjög alvarlega aðdróttun að ræða.“
Sigríður Rut Júlíusdóttir, lögmað-
ur Þorvaldar, sagði tilgang greinar-
innar ekki hafa verið að móðga per-
sónu Jóns Steinars. Hún hafði þann
tilgang að vekja lesendur til umhugs-
unar um dvínandi traust á dómstól-
um, um þá ákvörðun að ógilda stjórn-
lagaþingskosninguna og um skipan
hæstaréttardómara. Þá benti hún á
að dagblaðið DV hefði í svonefndu
Sandkorni greint frá umræddum orð-
rómi. „Á nú að fara að banna það að
endurtaka það sem birst hefur í fjöl-
miðlum og hefur ekki verið mótmælt.
[…] Þetta er ekki spurning um að
dreifa ærumeiðingum heldur endur-
taka það sem kemur fram í fjölmiðl-
um. […] Ef það væri komið í veg fyrir
slíka tjáningu er komið í veg fyrir að
almenningur geti tjáð skoðanir sínar
á fréttum sem birtast í fjölmiðlum.“
Eftir ræður lögmanna var málið
dómtekið og verður dómur kveðinn
upp á næstu vikum.
Ósmekkleg aðför eða
endursögn í góðri trú
 Aðalmeðferð í máli fyrrverandi dómara gegn prófessor
Morgunblaðið/Golli
Deila Dómstóla er að kveða upp úr um hvort ummæli í grein Þorvaldar
Gylfasonar (t.h.) um Jón Steinar Gunnlaugsson verða dæmd dauð og ómerk.
Krefst millljóna í bætur
» Greinin sem ber heitið From
Collapse to Constitution: The
Case of Iceland var í ritröð há-
skólans í München í Þýskalandi
og birt í mars 2012.
» Jón Steinar fer fram á að um-
mæli í henni verði dæmd dauð
og ómerk, Þorvaldi verði gerð
refsing og hann dæmdur til að
greiða sér 2,5 milljónir króna.
Morgunblaðið/Kristinn