Fréttablaðið - 12.04.2014, Qupperneq 88

KYNNING − AUGLÝSINGPáskar LAUGARDAGUR 12. APRÍL 20146
Í stærri eggin þarf um það bil 300 g af súkkulaði en 150 g í minni eggin. Þægilegast og fljótlegast
er að nota súkkulaðihjúp en hjúpinn
þarf bara að hita og hella svo í mótin.
Ég notaði hjúp frá Nóa Síríusi.
Ef notað er venjulegt súkkulaði
þarf að tempra það og nota hita-
mæli til að fylgjast með. Þá skal
bræða ¾ af súkkulaðinu yfir vatns-
baði upp í 42 gráður. Taka súkk-
ulaðið þá af vatnsbaðinu og bæta
þeim ¼ sem eftir er út í. Þá lækk-
ar hitastigið niður í 32 gráður. Með
þessari aðferð á eggið að verða gljá-
andi og fallegt.
Stóru mótin skal fylla að ⅓. Velta
mótinu svo til og frá en gott er að
standa úti ef það er hægt, þá gengur
það hraðar. Þegar súkkulaðið hætt-
ir að renna til er gott að setja það í
frysti í 15 til 20 mínútur.
Litlu mótin má fylla alveg.
Sniðugt er að blanda lakkrísk-
urli í súkkulaðið en þá er gott að
setja minna en ⅓ í mótið. Velta því
svo til og kæla og setja svo aðra um-
ferð af súkkulaði, blönduðu lakkr-
ískurlinu.
Til að festa skeljarnar saman er
bráðnu súkkulaði smurt á jaðrana
og skeljarnar svo lagðar saman
meðan þær eru enn í mótinu. Áður
er sniðugt að setja nammi og máls-
hátt í aðra skelina. Sett inn í frysti í
15 mínútur. Eggið losað úr mótinu
og kantarnir snyrtir með hníf.
Gott er að vera í bómullarhönsk-
um við að handleika eggið svo að
ekki komi fingraför.
Fóturinn er steyptur á sama hátt
og eggið og eggið svo að lokum fest
á fótinn með bráðnu súkkulaði.
Við skreyttum eggin með topp-
um úr blöndu úr 1 msk. af „mar-
engs powder“, 2 msk. af volgu vatn
og 1¼ bolla af f lórsykri sem hrært
er saman, skipt í skálar og litað með
matarlit. Sprautað á plötu og þarf að
harðna í tvo tíma.
Mótin og fleira skraut fékk ég í
Allt í köku. Páskaungana fékk ég í
Blómavali.
Skemmtilegt skraut er víða að finna í
verslunum. Ungarnir fengust í Blómaval.
Kantarnir snyrtir með hníf. Emilía Myrra
heldur traustum höndum um eggið á
meðan.
Súkkulaðieggjagerð
fyrir fjölskylduna
Eva Rún Michelsen steypti sjálf páskaeggin í ár og fékk við það aðstoð frá
frænkum sínum, Áróru Ísabellu og Emilíu Myrru. Eva heldur úti bloggsíðunni
Kökudagbókin.com og segir alla fjölskylduna geta sameinast í páskaeggja-
gerðinni. Hún gefur hér góð ráð.
Súkkulaði er dreift á kantinn og aðeins
út á mótið áður en hinn helmingurinn
leggst ofan á. Gaman er að setja
nammi og jafnvel málshátt í aðra
skelina, áður en lokað er.
Stærri mótin eru fyllt að ⅓ og mótinu
svo velt og snúið þar til súkkulaðið
hættir að renna. Minni mótin eru alveg
fyllt.
Skrautið bjuggu þær til úr blöndu af
flórsykri, „marengs powder“ og vatni
sem þær lituðu með matarlit.
Páskaeggjasteypa er tilvalin fjölskylduskemmtun á páskum.
Eva Rún fékk aðstoð frá frænkum
sínum, Áróru Ísabellu og Emilíu Myrru.
2
1 3
Að lokum er eggið fest á fótinn með
bráðnu súkkulaði.
4
5
6 7
Prófaðu