Fréttablaðið - 09.08.2014, Qupperneq 32

9. ágúst 2014 LAUGARDAGUR| HELGIN | 32
1 Hvað halda margir um þig sem er alls ekki rétt? Ég veit að margir hafa haft
skrítnar hugmyndir um mig í gegnum tíðina.
Til dæmis að ég sé sjálfsánægð, hrokafull,
lauslát og í dópi. Það hafa margir sagt við
mig við fyrstu kynni að ég sé allt öðruvísi en
þeir héldu og eru mjög hissa yfir því hvað ég
er vinaleg og góð. Fólk er líka oft hálfhrætt
við mig, sem mér finnst mjög fyndið því ég
skil ekki af hverju.
2 Hvað kæmi fólki sem kynntist þér mest á óvart? Hvað ég er viðkvæm og má
ekkert aumt sjá. Þegar fréttaþulur varar
við myndefni fréttar þá skipti ég yfir á aðra
stöð. Ég horfi til dæmis ekki á kvikmyndir
bannaðar yngri en 16 ára nema að fólk sem
þekkir mig sé búið að sjá þær og segi að þær
séu „Dóru proof“.
3 Hvað kemur út á þér tárunum? Ástin og sorglegar bíómyndir.
4 Hvað gerir þig pirraða? Mannvonska, hroki, yfirlæti, sjúklega hæg þjónusta,
léleg vinnubrögð og svo á ég líka mjög erfitt
með að vera í kringum „boring“ fólk, sem að
mínu mati er brjálæðislega leiðinlegt fólk
sem talar mikið um heimskulega og leiðin-
lega hluti.
5 Hvað er fyndnast í heimi? Lífið! Sér-staklega með augum kaldhæðins fólks
sem er fyndið í eðli sínu. Ég elska að vera í
kringum fyndið fólk.
6 Er líf á öðrum hnöttum? Já, það er löngu sannað. En hvort til séu mannverur eða
geimverur á öðrum hnöttum get ég ekki sagt
til um.
7 Hvert er fallegasta hljóð sem þú hefur heyrt? Andardráttur þeirra sem ég
elska.
8 Hvað gerirðu þegar allir aðrir eru sofnaðir? Kveiki mér í sígarettu, helli
Jack Daniels eða rauðvíni í glas, set á tónlist,
horfi út um gluggann og gef mér tíma með
hugsunum mínum, eða horfi á sjónvarpið og
tek mér hvíld frá hugsunum mínum.
9 Hvaða frægu persónu ertu skotin í? Brad Pitt, Eric Bana og Ryan Gosling.
Hlýlegir og dularfullir töffarar, fjölskyldu-
menn með yfirvegað sjálfsöryggi.
10 Ef þú mættir taka eina bók, eina plötu og eina bíómynd með þér
á eyðieyju, hvað yrði fyrir valinu? Bókin,
Konan sem man. Ein af uppáhalds og ef ég er
á eyðieyju kemur hún sér vel varðandi sjálfs-
bjargarviðleitnina.
Platan, Best of David Bowie!!!
Bíómyndin, Bagdad café.
Skemmtileg og falleg á allan
hátt, sagan, persónurnar, tón-
listin og hið myndræna.
11 Hver er fyrsta minningin þín? Man það ekki!
12 Hvað verðurðu að gera eftir fimm ár? Það
hef ég ekki hugmynd um! Ég
veit ekkert hvernig mér líður
eftir fimm ár og veit því ekki
hvað mig langar að gera. Þrátt
fyrir að ég sé mjög skipulögð
manneskja þá plana ég ekki
framtíðina. Ég lifi í núinu og leyfi
framtíðinni, sjálfri mér og lífinu að
leiða mig áfram og helst að koma á
óvart því það er svo skemmtilegt.
13 Pálmi Gunnars eða Björn Jörundur? Björn Jörundur.
14 Hver var æskuhetjan þín? Móðir Teresa.
15 Er ást í tunglinu? Já, þegar við svífum tvö út í geim-
inn … er ást í tunglinu.
YFIRHEYRSLAN DÓRA TAKEFUSA, EIGANDI DOLLY OG BAST.
Fólk er oft hálfhrætt við mig
APP VIKUNNAR
App vikunnar er nýja útgáfan af
Foursquare. Appið er ekki nýtt af
nálinni en hefur nýlega farið í svo
mikla og vel heppnaða yfirhalningu
að tími er til kominn að draga það
aftur upp á yfirborðið.
Gamla útgáfan gekk út á það að
merkja sig inn á ákveðna staði, fá
með því stig og að lokum titil á þeim
stöðum sem þú sóttir hvað mest,
það er nú í öðru appi sem kallast
Swarm.
Foursquare er nú hannað meira
eftir þörfum notanda. Notandi merk-
ir inn sinn uppáhaldsmat og -staði
og fær ábendingar eftir því. Mikill
gagnagrunnur af ábendingum frá
notendum Foursquare hefur orðið til
í gegnum tíðina sem er ómetanlegt
fyrir gest til dæmis á veitingahúsi að
nýta sér til þess að fá það besta sem
í boði er hverju sinni. - nej
Góður vinur
gerður betri
Save the Children á Íslandi
Fangi himinsins er þriðja bókin í sagna-
bálki Carlos Ruiz Zafón um Kirkjugarð
gleymdu bókanna. Fyrsta bókin í flokkn-
um, Skuggi vindsins, var gríðarlega vin-
sæl þegar hún kom út og vafalaust margir
sem hafa beðið spenntir eftir bók frá
Zafón. Eitt helsta einkenni bókaflokksins
er að lesa má bækurnar í hvaða röð sem
er. Bækurnar deila persónum, sagnaheimi
og þemum og vefast smekklega saman í
tíma.
Í Fanga himinsins koma gömul leyndar-
mál upp á yfirborðið þegar fortíðin ber
að dyrum. Sem fyrr leikur fornbókabúð
föður Daniels Sempere lykilhlutverk í
framvindu sögunnar. Daníel ætti að gleðj-
ast þegar ókunnugur maður falast eftir
sjaldgæfu og fokdýru eintaki af Greif-
anum af Monte Cristo en honum líst illa
á kveðjuna sem hann skrifar inn í bókina
til félaga þeirra feðga: „Handa Fermín
Romero de Torres, sem sneri aftur frá
þeim dauðu og er með lykilinn að fram-
tíðinni.“ Hver er þessi maður og hvað vill
hann Fermín? Svarið leynist í ævisögu
Fermíns, viðburðaríkri sögu um fanga-
vist, svik, morð og ævintýralegan flótta.
Eins og lesendur Zafóns þekkja úr
fyrri bókum er sagan listilega skrifuð og
spennandi og hætt við svefnlausri nótt
eftir að lesturinn hefst. Ekki spillir vel
og fallega unnin þýðing Sigrúnar Ástríð-
ar Eiríksdóttur fyrir lestrarnautninni og
lesandinn smjattar á nánast hverju orði.
Skyldulestur fyrir bókaunnendur. - fsb
BÓK VIKUNNAR: FANGI HIMINSINS EFTIR CARLOS RUIZ ZAFÓN
➜ Fangi himinsins er þriðja
bókin í flokknum sem hófst með
Skugga vindsins. Önnur bókin í flokkn-
um, Leikur engilsins, kom út á íslensku
árið 2009 og var valin besta þýdda
skáldsagan af starfsfólki bókaverslana.
CARLOS RUIZ ZAFÓN Einn
vinsælasti höfundur Spánar og
bækur hans hafa verið þýddar á
yfir fjörutíu tungumál.
MYND/NORDICPHOTOSGETTY
Tölvutek • Reykjavík • Hallarmúla 2 • 563 6900 • Akureyri • Undirhlíð 2 • 430 6900 • www.tolvutek.is
OPIÐ
Í DAG FRÁ
11-16
NÝR BÆKLINGUR STÚTFULLURAF SPENNANDI TÖLVUBÚNAÐI
8BLS
15.6”
FARTÖLVA
Frá Packard Bell með Intel Du
al Core
örgjörva, 4GB Minni, 500GB h
arðdisk,
Windows 8.1 og nýjustu tækn
i
49.900
FRÁBÆRT SKÓLAVERÐ:)