Fréttablaðið - 09.08.2014, Qupperneq 104

9. ágúst 2014 LAUGARDAGUR| SPORT | 60
FÓTBOLTI Stjarnan tekur á móti
ítalska stórveldinu Internazio-
nale frá Mílanó í umspili um sæti
í riðlakeppni Evrópudeildarinnar
eftir tæplega tvær vikur. Ítalska
stórveldið hefur átján sinnum
unnið ítölsku úrvalsdeildina og
aðeins fjögur ár eru síðan liðið
vann Meistaradeildina.
Árangurinn hjá Inter hefur
hins vegar verið dræmur allt
frá því að hinn portúgalski Jose
Mourinho hætti sem þjálfari liðs-
ins. Enginn af þeim leikmönnum
sem voru í hópnum í úrslitaleik
Meistaradeildarinnar árið 2010 er
enn í leikmannahóp liðsins.
Inter verður fyrsta liðið sem
kemur til Íslands sem hefur
unnið Meistaradeildina síðan
hún var stofnuð 1992. Áður fyrr
kallaðist keppnin Evrópukeppni
meistaraliða og hafa sigurvegar-
ar þeirrar keppni leikið á Íslandi
líkt og sjá má í töflunni hér fyrir
neðan.
Stjarnan verður hinsvegar fyrsta
íslenska liðið sem leikur við lið sem
unnið hefur Meistaradeild Evrópu.
Verkefnið verður erfitt en ljóst er
að það verður mikið ævintýri fyrir
leikmenn Stjörnunnar að spila á
hinum sögufræga San Siro. - kpt
Draumadráttur fyrir Stjörnumenn
Inter verða fyrstu Meistaradeildarsigurvegararnir sem leika á íslenskri grundu.
STÓR STUND Stjörnumenn réðu sér
ekki fyrir kæti eftir að hafa slegið út
Poznan. FRÉTTABLAÐIÐ/ADAM JASTRZEBOWSKI
EVRÓPUMEISTARAR
Á ÍSLANDI
Átta félög hafa spilað Evrópuleik á
Íslandi eftir að þau hafa náð að vinna
Evrópukeppni meistaraliða.
Benfica 1968 gegn Val
Real Madrid 1972 gegn Keflavík
Juventus 1986 gegn Val
Feyenoord 1993 gegn ÍA
Hamburg 1997 gegn Leiftri
Aston Villa 2008 gegn FH
Rauða stjarnan frá Belgrad 2013 gegn ÍBV
Celtic 2014 gegn KR
KÖRFUBOLTI Besti körfuboltamaður
landsins verður í stúkunni klukk-
an 19.00 annað kvöld þegar Ísland
mætir Bretum í Laugardalshöll-
inni en íslensku strákarnir ætla
að sjá til þess að Jón Arnór Stef-
ánsson geti spilað með liðinu á
EM á næsta ári. Ísland er í riðli
með Bosníu og Bretlandi og annað
sætið í riðlinum gæti skilað lið-
inu sæti á EM. Sigurvegarar fara
áfram og sex af sjö liðum í 2. sæti.
Missir ekki svefn
Landsliðsfyrirliðinn Hlynur Bær-
ingsson hefur ekki áhyggjur af
andlegu áhrifunum af því að Jón
Arnór verði ekki með.
„Mér finnst mjög leiðinlegt að
hann sé ekki með enda einn af
bestu mönnum sem ég hef spilað
með. Ég missi samt ekkert svefn
yfir þessu og mæti bara í leikinn
og spila. Ég held að flestir hugsi
þannig þótt við vildum allir hafa
hann með,“ segir Hlynur en stóra
prófið verður strax í fyrsta leik.
„Það er nánast strax úrslita-
leikur. Það spá nú eiginlega allir
Bosníu mönnum sigri í þessum riðli
en við getum verið að berjast um
annað sætið við Bretana og það
sæti gæti skilað okkur áfram. Það
er því mjög mikilvægur leikur á
sunnudaginn,“ segir Hlynur. En
hver fyllir skarð Jóns Arnórs?
„Martin, Logi og Hössi þurfa
allir að bæta eitthvað smá við sig
en þeir vega ekki einir upp þessi
25 stig hans Jóns. Þetta verður
að vera sameiginlegt átak og það
er ekki hægt að leggja það á einn
mann að bera ábyrgð á stigunum
sem hefðu komið frá Jóni,“ segir
Hlynur, og hann sér jákvæðu hlið-
ina á fjarveru okkar besta manns.
„Bretarnir þekkja þessa stráka
töluvert minna en Jón því mig
grunar að þeir hafi mest skoðað
leik Jóns Arnórs og mest talað um
hann í heimavinnunni sinni fyrir
leikinn. Það er því möguleiki á því
að koma þeim á óvart. Þetta gæti
kannski riðlað undirbúningi þeirra
ef maður reynir að finna eitthvað
jákvætt,“ segir Hlynur.
Þeir eru líka án sinnar stjörnu
„Það væri magnað að ná þessu
öðru sæti og komast á EM. Við
höfum alveg fulla trú á því. Við
erum að missa Jón Arnór en
þeir eru líka án sinnar skærustu
stjörnu,“ segir Hlynur og vísar
þar til Lual Deng, nýs leikmanns
Miami Heat í NBA og fyrrverandi
leikmanns Chicago Bulls.
Craig Pedersen stýrir þarna
íslenska liðinu í fyrsta móts-
leiknum en liðið vann tvo fyrstu
leiki hans sem þjálfara en það
voru æfingaleikir við Lúxemborg-
ara. Góð byrjun en Bretar eru í allt
öðrum klassa heldur en lið Lúxem-
borgar.
„Við þurfum að passa okkur á
því að taka bara einn leik fyrir í
einu og megum ekki fara að hugsa
of langt fram í tímann. Við þurf-
um að vinna á sunnudaginn og
það er lykilleikur fyrir okkur. Við
í þjálfarateyminu höfum verið að
einbeita okkur að þessum leik frá
fyrsta degi. Við lögðum upp leikina
í Lúxemborg út frá þessum fyrsta
leik við Bretland,“ segir Craig.
„Við spöruðum nánast öll okkar
leikkerfi í leikjunum við Lúxem-
borg. Þess vegna var svo gaman
að sjá liðið spila svona vel því við
báðum leikmenn að spila kerfi sem
við höfðum ekki eytt nema nokkr-
um mínútum í á æfingum fyrir
leikina. Við hefðum því auðveld-
lega geta verið skipulagðari í þeim
leikjum en okkar markmið var að
læra að spila saman og spara eins
mörg leikkerfi og við gætum,“
segir Pedersen sem getur orðið
fyrsti íslenski landsliðsþjálfarinn
frá 1996 (Jón Kr. Gíslason) sem
vinnur sinn fyrsta mótsleik.
Orka, barátta og stórt hjarta
„Ég vona að við getum komið
Bretum á óvart. Ef við getum spil-
að leikkerfin okkar vel á æfing-
um þegar varnarmennirnir vita
nákvæmlega hvað er að fara að
gerast þá ættum við að ná árangri
á móti mönnum sem vita ekki hvað
er að fara að gerast. Ég hlakka
mikið til leiksins og bíð spenntur
eftir því hvernig leikmenn standa
sig. Ég veit að íslensku liðin eru
orkumikil, baráttuglöð og með
stórt hjarta. Það eru hlutir sem
verða að vera með okkur á sunnu-
dagskvöldið,“ sagði Craig Peder-
sen að lokum. ooj@frettabladid.is
Földu leikkerfi n
sín fyrir Bretum
Ísland mætir Bretlandi annað kvöld í fyrsta leiknum í undankeppni EM í körfu
2015. Hlynur Bæringsson fann út það eina jákvæða við fj arveru Jóns Arnórs.
MIKILVÆGIR Haukur Helgi
Pálsson (til hægri) og Hlynur
Bæringsson fara yfir málin
á æfingu íslenska liðsins í
vikunni. FRÉTTABLAÐIÐ/DANÍEL
SPORT