Læknablaðið - 15.12.2004, Page 19

FRÆÐIGREINAR / VÍSINDASTÖRF Á LANDSPÍTALA
Vísindastörf á Landspítala
Alþjóðlegur og íslenskur samanburður
Sigurlaug
Sveinbjörnsdóttir'
SÉRFRÆÐINGUR í
TAUGASJÚKDÓMUM
Anna Sigríður
Guðnadóttir2
BÓKASAFNSFRÆÐINGUR
Bjarni
Þjóðleifsson3
SÉRFRÆBINGUR í
LYFLÆKNINGUM OG
MELTINGARSJÚKDÓMUM
Ágrip
Inngangur: Rannsóknin lýsir úttekt á vísindavirkni á
Landspítala fyrir tímabilið 1999-2003 og samanburði
við innlendar stofnanir, faggreinar og önnur lönd.
Aðferðir: Notaðar voru bókfræðimælingar (biblio-
graphic methods) til að meta magn og gæði nýrrar
þekkingar. Skráður var fjöldi greina sem birtist í
tímaritum skráðum á Institute of Scientific Informa-
tion (ISI) gagnagrunninum og fjöldi tilvitnana í grein-
ar talinn í gagnagrunninn Science Citation Index.
Könnunin var gerð fyrir Landspítala, íslenska erfða-
greiningu (ÍE) og Hjartavernd.
Niðurstöður: Innlendur ISI samanburður: Lands-
framleiðsla á ISI greinum 1999-2003 var 2094, 517
(25%) voru frá Landspítala, 102 (5%) frá ÍE og 35
(1,7%) frá Hjartavernd. Samanburður á fagsviðum
sýnir að heilbrigðis- og læknisfræði hefur afgerandi
forystu með 147 greinar. Landspítali stóð að 70%
greina um heilbrigðis- og læknisfræði 2001.
Erlendur ISI samanburður: Fjöldi ISI greina í klín-
ískri læknisfræði miðað við fólksfjölda árið 1998 er
langt yfir meðaltal 22 OECD-landa og sama gildir um
erfðafræði og sameindalíffræði.
Tilvitnanir: Könnun fyrir tímabilið 1994-98 sýndi að
klínísk læknisfræði er í fyrsta sæti á heimslista með að
meðaltali 6,7 tilvitnanir í hverja grein en heimsmeðal-
tal er 4,1. Sameindalíffræði og erfðafræði er í 10. sæti
á heimslista. Gerð var könnun á fjölda tilvitnana hjá
134 vísindamönnum á Landspítala og höfðu fjórtán
vísindamenn yfir 1000 tilvitnanir og þar af tveir yfir
5000. Allar tilvitnanir voru taldar óháð höfundaröð.
Alyktun: Könnun okkar sýnir að vísindastarf á Land-
spítala stendur vel bæði hvað varðar magn og gæði
og spítalinn er öflugt þekkingarfyrirtæki. Klínískar
rannsóknir eru í fyrsta sæti á heimsvísu og byggist
það á einstökum efnivið til rannsókna.
ENGLISH SUMMARY
Sveinbjörnsdóttir S, Guðnadóttir AS, Þjóðleifsson B
Scienific output of Landspítali University
Hospital
Læknablaðið 2004; 90: 839-45
Introduction: The study describes an assessment of
scientific activity in Landspítali University Hospital for
the period 1999-2003.
Methods: Bibliometrical methods were used to assess
the quantity and quality of the scientific output for
lceland and the three main institutions active in medi-
cal sciences, Landspítali University Hospital, (LUH),
deCODE genetics (dCg) and the lcelandic Heart As-
sociation (IHS). All papers registered in the International
Scientific Information (ISI) database with an author
affiliated with these institutions were counted and clas-
sified. The number of citations were counted in Science
Citation Index (SCI).
Results: ISI publications for lceland 1999-2003 were
2094, thereof 517 (25%) from LSH, 102 (5%) from dCg
and 35 (1,7%) from IHS. Medical sciences accounted
for147 (33%)ofthe total in 2001. During the period
1981-2003 the total output of papers from lceland
increased from 0,01 to 0,07% and the total number of
citations from 0,01 to 0,09% of the total world produc-
tion. During the period 1994-98 papers from clinical
medicine in lceland were ranked 1st in the world with
6,7 mean citations when the world mean was 4,1. Mo-
lecular biology and genetics were ranked 10th.
Conclusion: The assessment shows that the LUH is a
leading knowledge institution in lceland. The interna-
tional comparision shows that lceland is among the top
10 nations in quantity and quality of medical research.
Keywords: Bibliometric methods.
Correspondence: Bjarni Þjóðleifsson, bjarnit@tandspitali.ls
'Skrifstofa kennslu, vísinda og
þróunar, Landspítala, 2Bóka-
safn Landspítala, 3Formaður
Vísindaráðs Landspítala.
Fyrirspurnir og bréfaskipti:
Bjarni Þjóðleifsson, LYF-1.
Landspítala Hringbraut,
101 Reykjavík.
bjarnil@landspitali.is
Lykilorð: bókfrœðimœlingar.
Inngangur
Eftir margra ára umræður um skilvirkni sjúkrahúsa
á höfuðborgarsvæðinu varð niðurstaðan sú að sam-
eina tvö stærstu sérgreinasjúkrahús landsins, Ríkis-
spítala og Sjúkrahús Reykjavíkur, í eitt hátækni- og
kennslusjúkrahús. Ákvörðun um sameininguna var
tekin í febrúar árið 2000 og varð þá til Landspítali
- háskólasjúkrahús (LSH).
Meginmarkmið sameiningarinnar var að auka
skilvirkni í lækningum með sameiningu sérgreina
sem yrðu faglega styrkari og gæfu einnig tækifæri
til þess að auka gæði kennslu og rannsókna. Lögð
var áhersla á að efla kennslu og rannsóknir og hefur
þetta birst í formlegum samstarfsamningi Landspítala
og Háskóla íslands (HÍ) svo og því að kennslu- og
rannsóknarhlutverkið hefur verið styrkt með skipan
sérstaks framkvæmdastjóra kennslu og fræða. Ólokið
er þeim hluta samnings spítalans og HI sem snýr að
skiptingu kostnaðar við kennslu en mikilvægt er að
hann verði kannaður og skilgreindur og ennfremur
kostnaður við rannsóknir.
Fyrir liggur skýrsla Ríkisendurskoðunar (1) um
áhrif sameiningarinnar á afköst og gæði lækninga en
engin tilraun var gerð í skýrslunni til þess að meta af-
köst og gæði vísindavinnu. Ekki er tímabært að meta
Læknablaðið 2004/90 839