Læknablaðið - 15.05.2007, Blaðsíða 51

UMRÆÐA & FRÉTTIR / ÁRSFUNDUR LAN DSPÍTALA
Fjárveitingar í engum takti við eftirspurn
- Af árstundi Landspítala
Á ársfundi Landspítala sem haldinn var fimmtu-
daginn 26. apríl sagði Anna Lilja Gunnarsdóttir,
framkvæmdastjóri fjárreiðna og upplýsinga að
hún teldi fjárveitingar til spítalans á undanförnum
árum vera í engum takti við þróun eftirspurnar
eftir þjónustu hans. Eftirspurnin ætti enn eftir að
aukast á næstu árum, m.a. vegna þróunar sjúk-
dóma og fjölgunar aldraðra.
Heildarkostnaður við rekstur Landspítalans
var 32,2 milljarðar króna á síðasta ári og þjón-
ustan jókst á flestum sviðum milli ára. Gjöld um-
fram tekjur, sem fást fyrst og fremst af fjárlögum
og með þjónustugjöldum, voru 290 milljónir.
Rekstrarhallinn nam því 0,9% árið 2006 en upp-
safnaður rekstrarhalli var í lok þess árs 777 millj-
ónir króna. Var hallinn 487 milljónir í árslok 2005.
„Landspítalinn hefur á síðustu sjö árum aukið
jafnt og þétt starfsemi sína vegna vaxandi fjölda
Islendinga, sérstaklega í röðum aldraða, án þess
að rekstrarkostnaður á föstu verðlagi hafi aukist,”
sagði Anna Lilja.
Sagði hún að spítalinn hefði hingað til fjármagn-
að aukna starfsemi með hagræðingu í rekstri, sem
möguleg var í kjölfar sameiningar sjúkrahúsanna
í Reykjavík. Þá hafi verið farið ofan í saumana á
þjónustunni og reksturinn endurskipulagður. Nú
sé svo komið að aukið fé þurfi inn í reksturinn eða
að takmarka verði þjónustuna. „Hvaða leið vilj-
um við velja,” spurði Anna Lilja og spurði svo að
lokum hvort spítalinn ætti að „fórna fjármunum í
þágu mannúðar eða fórna mannúð í þágu fjárhags-
legrar afkomu.”
Landspítalinn meðal fimm bestu
Magnús Pétursson forstjóri ræddi um skipulag sér-
greina innan spítalans og stefnumótun til framtíð-
ar. Skilgreindar hafa verið 39 sérgreinar á spítalan-
um og stöðugt sé verið að endurskoða vægi und-
irsérgreina og því sé skilgreiningin ekki fastmótuð
í eitt skipti fyrir öll. Magnús sagði ennfremur að
Landspítalinn hefði sett sér það markmið að vera
árið 2012 kominn í hóp fimm bestu háskólasjúkra-
húsa á Norðurlöndunum í árangri og afköstum í
vísindarannsóknum. Á Landspítalanum fer fram
öflugt kennslu, fræða og vísindastarf og sagði
Magnús það forsendu góðrar heilbrigðisþjónustu
og menntunar heilbrigðisstétta. I vísindastefnu
Landspítalans er stefnt að því að fjárframlag
stjórnvalda til vísindarannsókna fylgi sörnu þróun
Ársfundurinn var fjölsóttur.
og hjá norrænum háskólasjúkrahúsum og verði
orðið 3,3% af veltu spítalans árið 2011.
Magnús Gottfreðsson hlaut vísindaverðlaunin
Magnús Gottfreðsson sérfræðingur í smitsjúkdóm-
um við Landspítalann og dósent í læknisfræði við
Háskóla íslands hlaut á ársfundi LSH 2.5 milljónir
úr verðlaunasjóði Árna Kristinssonar og Þórðar
Harðarsonar.
í þakkarávarpi sínu rakti Magnús rannsóknir
sínar á undanförnum árum en hann hefur m.a.
rannsakað alvarlega sjúkdóma af völdum hjúp-
aðra baktería og hefur hann beint sjónum sínum
að heilahimnubólgu. Hefur rannsókn hans leitt
í ljós að hér á landi hafa fundist 19 stofngerðir
heilahimnubólgu sem ekki hafa fundist annars
staðar í heiminum. Sagði Magnús að þetta benti
til þess að bakteríurnar væru upprunnar hérlendis.
Þá greindi Magnús frá rannsóknum sínum á erfða-
þáttum spænsku veikinnar sem barst til landsins
1918. Sagði hann aðstæður hér mjög góðar til að
rannsaka þessa miklu ráðgátu læknisfræðinnar
sem spænska veikin væri. Þeirri kenningu hefði
verið varpað fram að erfðaþættir hefðu valdið því
hverjir tóku veikina og dóu. Niðurstaða rannsókna
hans væri sú að svo væri ekki.
Magnús Gottfreðsson
tekur við verðlaunafénu
úr hendi Magnúsar
Péturssonar.
Hávar
Sigurjónsson
Læknablaðið 2007/93 435
„39 skilgreindar sérgreinar
innan Landspítalans, ”
sagði Magnús Pétursson.